大家覺得天耀二邨vs富蝶邨邊個好？想拒絕等三派

[香港公屋]

最近派咗天耀二邨 但本身住開九龍 同埋仔女都喺九龍東返學 我哋最理想嘅系富蝶 但富蝶拖咗咁耐都仲未派 我個冧巴等唔到  而天耀二邨附近交通方便 設施齊全 但就系離仔女嘅學校遠 但又驚拒絕咗呢一派下一派嘅唔系富蝶而系仲差 你哋話我系要咗天耀二邨定系等終極一派？ 唔該大家畀啲意見🙏🙏🙏

[得公屋得天下]

住開九龍就排市區同擴展啦，派得新界就預佐會派屯元天。至於富蝶，你覺得博得過就去博，自己唔好後悔就得啦。你係度問，邊個可以俾到答案你呀？仲有呀，決定要唔要唔係應該同屋企人商量咩？

[黃美美]

給了你天耀二邨當然要了！何必再等到今年年尾也未必可以預派的富蝶邨呢？況且，天耀邨在天水圍西鐵站附近，平時早上可以步行去天水圍西鐵站乘搭屯馬線，在鑽石山站再轉地鐵觀塘線，便可到達九龍東。不難克服！

[Meeow]

要咗佢啦,到時派咗仲差後悔莫及

[winnie999]

排擴市派東涌咪更加大問題
天水圍好過東涌一些，而且屯門公路附近嚟緊去到 2031 都會有重大改變，出九龍會變得更加方便
我朋友住天水圍響東九龍返工，都係搭巴士一程就去到

[公屋一人]

佢嫌遠呀嘛。佢都知天耀好呀，不過仲係嫌遠，得一想二，有咩好講。

[Maggie22]

天耀邨其實好方便，食嘢搭車都好方便，如果唔係問題單位可以考慮下

[kiko1112]

點解近排派天耀邨咁多單位，有好多人搬走咩？

[Roy666]

太多貪新樓…新樓未必一定好

[karrybb]

好多都係第一代入住，果時小朋友仲細，然後咁多年後大人已經變咗老人，仲可能入住咗老人院，當年的小朋友又成家立室搬得 7788，可能用戶主個單位買咗屋居而走，結果就有空置單位流出

[金銀花茶]

九龍讀書唔排擴展都算,其實富蝶除左新 , 出九龍都係唔方便,富亨出市區交通差俾人講足咁多年,加埋富蝶一定更唔方便,而家大部份係貪佢係新樓唔係貪佢方便

[littlelover]

如果睇左覺得幾好就要啦，一陣3派俾個屯門3寶你…你想返轉頭都冇，天耀係天水圍嚟講真係最方便既一條邨，加上天水圍既交通應該會好過大埔富蝶，小朋友讀緊幾多年級？屯元天都有好多好好既中小學，佢哋唔會差過出面九龍區既學校架
呢啲都係我個人意見，最緊要你同屋企人既感覺，睇左鍾唔鍾意，感覺良唔良好，如果單單係諗小朋友讀書既就易處理得多，加油呀💪

[kayan]

我同你情況差唔多，一直等緊富蝶，結果第二派係天水圍天瑞邨，比你更加入。我考慮左幾日，一直猶豫。喺見主任前一日，我同朋友開車入去望現場。去到現場視察左周圍環境，已經決定左要😂😂😂因為第三派好大機會都係屯門，再加上富蝶除左新樓之外，其他嘢都唔一定好過天水圍。出九龍其實富蝶都係好麻煩，信我啦，去現場視察下，你就會有決定！我而家已經裝修緊！

[wingwing]

天耀好野嚟，超方便，出去九龍都好快，附近配套又好，係正屯元天既中心，去邊都快，除左唔係新樓，所有條件都好好，比我就唔會考慮等富碟，又未必等到，睇左先決定啦，睇完自然有答案。

[kiko1112]

天水圍好過富蝶，富蝶基本上屬於山旮旯地方，我住開屯門,天水圍交通配套完善出九龍好快，富碟二期除咗新樓之外就冇乜其他優點

[Mandyy]

你岩呀！ 今日吐露港撞車 倒塞返入大埔
係富亨上車半個鐘都未到火車站😂
真心想講粗口