@香港公屋 何伯應該無捱過苦,洗錢如倒水,銀行存款可能係其前妻賺的
不論男女,喜歡飲別人的湯,都容易上當入迷,好色臨老行將就木入花叢,視子女親倩如糞土,不值得世人同情幫忙
本人51歲想開始排公屋,還是等到60歲排老人隊比較好?
-
大家好,本人單身,今年51,土生土長,一直奉公守法,後生搵得較多時年年盡責交稅建樹香港。
時移世易加上個人際遇,依家諗住排單人公屋。知道單人係計分制,年紀越大越高分。如果我無計/理解錯,大約要去到58歲(?) 先夠分開始安排見主任,之後(再)等派屋。
爬過文,見有人單人排到60即會調去老人隊。一開始申請(參與呢個遊戲)就要遵守規則,要 keep 住人工 & 資產唔過額。但生活係呢個時勢既香港,萬二蚊人工要交租連生活點生存到? 我知坊間好多人有好多唔同做法,呢度唔討論,我只想正正規規咁為自己打算。
我諗到有以下選項:
- 依家51開始排,我當好好彩58派到屋比我,期間呢7年有職唔升有薪唔加 keep 住萬二(或規定既額),7年辛辛苦苦過日之後無積蓄咁上樓(之後其實都要交租只係平D),之後每兩年審查。
- 唔排住,趁60之前搵得多過規定(起碼可以正常D生活,有病睇私家唔駛請假睇政府),到60先申請老人單身單位。
問題:
除咗以上兩個選項之外,會唔會有其他選項係我諗唔到既?
同埋排老人單身單位有無咩限制? 大約平均又要排幾耐?
唔知大家會點揀?先多謝大家時間睇咗咁大篇野,唔好意思。
-
排住隊先,政府開始做野,話唔定你60未夠有屋,而家呢5年起唔切啫,大家樂觀D,人生快樂D
-
排住等,我2013年攞藍咭,排到宜家51都係度等,結完婚生完仔再離婚都係等
-
直接搵個岩 key 既係咪一齊,簽字結婚保你5年內有樓 ( 新界 )😌
-
51 歲 申請,坐底已有 357分!
以今個月審查分數 427分,樓主等多 70個月 審查,等多 約 90 個月派新界 (96個月派擴市,81 個月派市區)!
仍然揾到工就揾下啦!雖然 政府工或醫院工 俾做到65, 但 近 60 或 過60 才入職 有難度! -
12k 一個人點會唔夠洗?
租D 4-5k 房.
食當你慳慳地 2k.
搭車 1k.
其他 1k.
一個月草 3K.
我一個月有 6K 傷津 + 綜緩.
可以一個月草 5 - 5.5K . -
我同你case差唔多都係51歲排到依家都未上到樓;都係嗰句有需要就入紙申請排隊唯有慢慢等!我兩年前見完主任收埋信只係等緊攞屋!!加油吧!C兄💪💪
-
點都要申請排左先、起碼保障左自已年紀大時還為交貴租煩惱、記住申請時前半年或1年要不過額、免被到審查時、查到過額立即消取資格假、我朋友就係例子
-
51歲先申請,我估起碼要65先攞到