U8香港 公屋討論區
    • 版面
    • 最新
    • 標籤
    • 熱門
    • 使用者
    • 群組
    • 公屋面積查詢器
    • 網上查詢公屋進度
    • 登入
    1. U8香港
    2. 香港公屋
    3. 最佳
    離線
    • 個人資料
    • 追隨 0
    • 追隨者 3
    • 主題 1,610
    • 貼文 1,694
    • 群組 5

    貼文

    最新 最佳 Controversial
    • 屯門新公屋2024:滿田邨、業旺邨一期、顯發邨

      屯門2024三條邨入伙,地理位置都幾好
      2024年入伙👇有三條邨

      1. 滿田邨得一棟大概有470個3/4單位,泳池景
      2. 業旺邨一期一棟沒有3/4人單位,二期估計都可以24年下半年完工,有比較多單位,位置河景環境非常好
      3. 顯發邨一棟,大概有100個3/4人單位

      相關:屯門新公屋2024入伙!新樓名超吉利但似罰抄+可因式分解

      發佈在 公屋討論區
      香港公屋香
      香港公屋
    • 分享今日公屋見主任過程!入息審查銀行戶口

      今日10點04分見主任…9點35分先可以到登記處拎籌(登記處喺2樓1號窗..地下上1層)…

      事前喺接見信嘅右上方寫低電話…搵唔到人果陣可以打返電話搵人我哋無聽簡介會…

      坐咗一陣就叫到我哋個籌號就入房見主任
      坐低後,主任要所有申請者嘅身份證正副本(小朋友未有身份證就用出世紙)

      之後主任拎我哋嘅住址證明用嚟通訊用,我就俾咗先生保險寄嚟嘅信…

      同時間都問返我哋住緊果度係租定係家人親友物業

      我本身用鉛筆填咗聲明書…主任唔收…畀咗份新嘅我哋…一步一步咁話我哋知要填咩…

      初步個人資料填完後…主任會問我哋拎返啲戶口結餘、公司填嘅薪金証明書等等嘅相關資料…

      佢一路對…一路入數…

      之後會啲表格叫你填返…亦都會講返有咩
      對齊嘢…問多次有冇漏嘢未申報…簽好晒啲名…

      主任就同你講走得…我哋大概用咗15分鐘左右

      過程大概係咁…希望幫到大家知多少少面見過程。

      見主任準備文件:

      1. 所有人身份證/出世紙正副本(正本睇完歸還,副本收走)
      2. 小朋友學生手冊副本(冇睇冇收)
      3. 先生住址證明(收走)
      4. 戶口結餘(我哋即場開e-banking俾主任抄戶口號碼同餘額)
      5. 半年銀行月結單/交易紀錄(冇收冇睇)
      6. 公司填嘅薪金証明書(收走)
      7. 半年糧單 (冇收冇睇)
      8. 半年股票月結單(冇收冇睇)
      9. 保險週年報告(收走..未夠一年嘅都要請保險經紀出返份資料證明冇現金價值)

      G1409
      8/2017 - 新3;9/2019 - 加人轉新4
      3/2023 - S1;22/5/2023 - 見主任

      發佈在 公屋輪候討論區 公屋見主任
      香港公屋香
      香港公屋
    • RE: 富蝶邨第二期最新消息!

      https://go.u8hk.com/?region=新界區#letter
       富蝶邨配房進度.jpg 富蝶邨配房進度.jpg

      發佈在 富蝶邨討論區
      香港公屋香
      香港公屋
    • G1382 擴2 等左8年首派長康邨康順樓

      上年9月見主任,11月收合格信。
      等左8年,終於畢業🎓
      B座單樓景租平
      IMG_9452.jpeg

      發佈在 擴2公屋
      香港公屋香
      香港公屋
    • G1408 新3 有無機會派富蝶邨?想要舊樓但條隊又完全唔郁...

      請問大家,本人新3 G1408無轉過區。
      大家覺得有無機會派富碟?
      之前係派蝴蝶邨,因為想要新界北
      因為富蝶邨派緊,所以先問會不會好彩的會派樓。
      其實我想要舊樓,但好耐條隊都唔郁,見以家因為富碟派,終於郁番,但派的都是最前號,原來有好多超前號,所以甘啱特快公屋又話可以揀樓,唔知去不去好。

      富蝶邨最新消息3.jpg
      富蝶邨二期

      網有點睇?

      • 我見新3 G1402 有派舊樓
      • 特快號碼前,真係頭一批揀樓,可以先去睇,你3人,特快可以揀3-4/4-5人單位。只要你自己岩心水。
      • 特快睇咗可以唔要嗻…有時間咪去睇下囉!兩邊發展吖嘛
      • 如果唔係要特別請假去睇特快,去睇埋無壞
      • 我都認同,抽到時間去睇下既冇壞。因為真係勁多化石號轉左過黎,1400 後都唔知有冇機可以有個4座😮‍💨
      發佈在 公屋輪候討論區
      香港公屋香
      香港公屋
    • RE: 富蝶邨第二期最新消息!

      暫定年尾會完成第二期所有工序
      因早前阿特首講過要提早預派,所以房署表示提早大約六個月進行預派,即由本月八月底開始會進行預派,不過大家要有心理準備,預派唔等於馬上入伙,最快起碼要到三月先入伙。

      假如你預派咗之後,係需要去斑蝶樓房屋管理署嗰度登記,暫時未有實體單位睇住,不過到時會有啲實景嘅圖片同各座嘅座向圖供準住户睇,同埋做一個登記手續,到時你可以選擇 要 定 唔要,假若你選擇要,但遲下攞鎖匙去到睇實體單位嘅時候又唔鍾意,到時你亦都可以選擇唔要,都係計算一次機會。

      邨內有一所小學(未計算第三期),有超過30間商舖,當中有濕貨有乾貨舖,但傳統街市最近就要去到富亨邨,第一期斑蝶樓旁邊有社區服務大樓,第二期車位共有232個有蓋私家車位、19個露天輕型貨車位、51個露天電單車位及13個露天上落貨區車位,入伙初期只能提供時租泊車,月租泊車尚未可供使用,車位數量嚴重不足,已經多次在會上要求部門彌補呢個缺陷,出入富蝶邨嘅道路依然都係得一條!頌雅路早前只擴濶左少許路面,在車位嚴重不足及違泊嚴重嘅惡性循環底下,相信之後路面會好繁忙!

      發佈在 富蝶邨討論區
      香港公屋香
      香港公屋
    • 劉鑾雄記者會引用TVB《東張西望》例子:肥女人嫁四次呃個仔公屋32歲子被瞞10年

      劉鑾雄 東張西望 肥女人.jpeg

      香港富商劉鑾雄(大劉)10月10日突然宣布舉行記者會,就近日內地網上的文章作出回應,主要內容有關投資恒大虧損、甘比投資失利、遺囑風波及財產分配等。大劉在記者會上逐點解畫,當中更多次炮轟呂麗君:「佢無腦㗎,做鴕鳥,以後再唔會救佢,再無關係。我打畀仔女時,佢就搭嗲,你估我會唔會聽佢電話?我出院時,佢見我未死得就扮Close,我即刻同陳凱韻結婚,點知要分身家先有保障。我開記者會之後一星期,我同律師講寧願分錯都唔願畀佢得益。可能我斗零都唔分,可能留畀我老婆同佢三個仔女決定,怕俾佢撻埋。有冇睇早排《東張西望》?有個肥女人嫁咗四次,間公屋都呃埋個仔。陳凱韻肯聽我說話,三個仔女都肯聽我講話。」

      而大劉所提及的「阿媽呃個仔公屋」事件,其實是TVB節目《東張西望》在7月底播出的一集。32歲觀眾「阿明」報料,其生母「安琪」為將第4段婚姻的老公加名到公屋,在2020年主動聯絡從未一起生活的兒子阿明,要求他簽署刪除公屋戶籍的文件,阿明才得知媽媽早於10年前已借用其名義申請公屋,並取得單位居住。

      大劉所提及的「阿媽呃個仔公屋」事件,其實是TVB節目《東張西望》在7月底播出的一集。

      相關報導:
      冒簽10年搶奪公屋!親母為加新老公名呃兒子公屋除名

      發佈在 公屋討論區
      香港公屋香
      香港公屋
    • G1430 新2 終於天水圍畢業!放棄大埔趕到特快公屋尾班車

      386335700_1008654850383842_365099654244986349_n.jpg

      2人,屯元住咗幾十年,雖可派大埔,但都係要特快天水圍,昨晚再睇派房表好多人都人撰2至3人。

      特快公屋編配計劃 天恩邨
      386335700_1008654850383842_365099654244986349_n.jpg
      新2 G1430

      發佈在 公屋輪候討論區
      香港公屋香
      香港公屋
    • RE: 樓下學校太陽能板反光射到入屋點算?係咪要裝返個太陽能板接收器

      好欣賞學校處理意見咁正面同積極

      356627965_9800700776614396_4942158327939656922_n-2 (1).jpg

      學校太陽能板.jpg

      發佈在 皇后山邨討論區
      香港公屋香
      香港公屋
    • 天水圍天晴邨公屋:16歲少女疑服藥自殺昏迷送院!

      天水圍天晴邨公屋.jpg
      天水圍天晴邨晴雲樓,10月16日一名16歲少女在家中懷疑服藥企圖自殺,其母親於發現後大驚報警。救援人員接報趕至,發現女事主在住所客廳暈倒,身旁邊發現懷疑藥物包裝。少女昏迷被送往天水圍醫院治理,其後轉送至屯門醫院。警方於現場沒有檢獲遺書,正調查事主尋短原因。據了解,女事主有情緒病紀錄。

      求助網站和熱線:
      生命熱線:23820000
      利民會《即時通》:35122626
      明愛向晴熱線﹕18288
      香港撒瑪利亞防止自殺會熱線:23892222
      醫院管理局精神健康專線:24667350
      東華三院芷若園熱線︰18281
      撒瑪利亞會熱線︰28960000
      社會福利署熱線︰23432255

      發佈在 公屋討論區
      香港公屋香
      香港公屋
    • G1383新3 二派安定邨定康樓

      新3 G1383xxx 二派
      一般家庭申請
      29.65平方米
      求安定邨定康樓08室平面圖
      謝謝大家。

      發佈在 新3公屋
      香港公屋香
      香港公屋
    • 排緊公屋又有買股票保險朋友注意!實在對我影響好大...

      今日見公屋主瀨哂野,有買股票的朋友值得一看,因為實在對我影響好大,又唔想有其他人遇到相同情況,所以都係想分享一下...內容比較長, 請耐心觀看~

      事原6月尾好遲先知道有信,因為中咗covid無留意信箱,當時兩日後要見主任,就申請咗延後會見,就因為咁,有咗充足時間睇哂房署畀嘅文件,之前一直都係睇房署嘅資訊,當時亦都係第一次知道有呢個網嘅資訊,知道要小心填保險聲明。斷斷續續咁用咗3個星期整好哂D資料,亦整咗個EXCEL表列明自己同太太總資產係幾多,包括有個小朋友。

      黎到見主任果一日,(帶咗年結單去到俾主任幫手填坐低到走都唔駛十幾分鐘,全程主任話要咩文件就即刻搵俾佢,一早整好嘅EXCEL表諗住俾佢睇方便佢對啦。其他相關文件都print好哂一疊厚厚嘅,因為我有BANK/保險/股票,點知主任都好快手地問完佢要嘅野之後,其他都唔需要,我同太太走果時仲講,哂咗我幾星期嘅心血去整,原來黎到佢會幫我地攪掂哂,都好過無啦。

      問題就黎喇,本身房署寄黎嘅文件包括一份總資產申報表,一份保險聲明書。而總資產申報表內有一欄係寫住投資嘅,註解係包括保險相關投資同上市股票,睇到呢樣之後都特登記低咗先,因為怕報錯野而衰就唔抵啦。連保險價值我都打過去問過不下5次,一向又無睇開,亦有好多人提過話一定要小心填保險,所以對呢一方面好小心。

      去到見主任先知原來唔駛咁認真,因為自己問過再計出黎同主任嘅都仲可以計少咗20%,自己計得4萬幾,佢可以計到5萬幾。不過都唔緊要,我一早計好哂兩公婆只有42-43萬左右,佢計多咗我點都唔會超額。點知佢計完出黎第一次係電話查詢時話超咗$15000咗右,即係總共有50萬5千,之後上去覆核計完又變咗超咗$7000。

      去到見主任時佢另外仲有一份野要我地簽,就係股票價值要簽名,當時本身已經緊張,主任叫俾邊份就快手快腳搵俾佢,突然話要填個股票價值,後黎過咗成個月先知衰咗係呢度。真係記唔清楚當時主任係點講,同埋一心諗住自己已經整好哂D資料,就直接係總資產申報表度搵啦,就係咁填咗投資嘅總價值落去,變相連埋保險個價值填咗入去,直到幾星期後覆核先知咁樣計咗兩次,亦有同主任反映番。

      因為我投資總額同股票果份申報價值係一模一樣,但主任就話我地簽咗名証明咗只係報股票價值,已經無得咬,佢話就算佢信,會報俾上司知,都只可以等上司決定,但大家心裡有數啦,佢睇住個簽名,做番自己嘅工作已經夠,何必哂時間係我度,無法子,自己簽咗名,寫呢段文就係想其他準備見主任又有股票係手嘅朋友自己留意一下 有時就係咁啱。

      個幾星期晚晚個心都悶悶不樂,又要諗搬屋可以搬去邊,因為原本參加咗房協嘅計劃,租緊未補地價嘅居屋,一取消咗公屋申請資格就連呢個資格都無埋。太太而家又有咗細B,亦唔想搬去D太差嘅地方度住,唯有諗私樓啦,我地兩公婆都好慳錢嘅,所以之前勉強夠畀租同開支,要租私樓就一定收支不平衡。最慘係半年後恢復公屋申請之後再申請返番協計劃後,為咗畀返平嘅租金又要再搬屋,今次真係玩死自己。

      希望房署日後提醒一下出席審查面晤嘅申請者啦,講真你本身寄咗總資產申請表同埋保險聲明書畀大家,去到又加一份野,未必個個都反應得切㗎,我就係果D超緊張嘅其中一位囉。

      發佈在 公屋輪候討論區
      香港公屋香
      香港公屋
    • 公屋突然被消資格:因曾經擁有物業!以前買過樓就算賣出都要如實申報?

      因曾經擁有物業 (1).jpeg

      請問各位大神 如果唔知要報曾經擁有物業,上翻房處問唔知曾經擁有都要報,同埋已經賣左幾年去翻土地註冊處比番個證明房處有無用 同埋可以點樣先唔會取消資格🙇🏼‍♂️

      因曾經擁有物業 (1).jpg

      網友點睇?
      唔係話你以前曾經擁有物業 係話你申請期間持有物業你搞清楚先
      淨取消資格,唔提告你,執倒啦!
      如果係申請期間持有物業,根本就唔符合申請資格。如果係申請前售出物業又唔同,你搞清楚自己情況先。
      有物業仲申請公屋,留返d資源比有需要的人
      你情況係申請期間持有喎 邊有得上訴呀
      你係申請期間有物業,所以唔會有機會架啦
      留番比有需要既人啦

      發佈在 公屋討論區
      香港公屋香
      香港公屋
    • 新富戶政策:住左20幾年公屋都要見公屋主任

      富戶政策見公屋主任.jpg
      唉!住了廿幾年,無啦啦要去!真煩死。請問有無人收過這信?😓有準時交表

      新「富戶政策」下,房署本月3日起向8.8萬戶住滿2至9年的公屋戶經郵箱發出申報表,日後公屋戶入住2年後須每隔2年申報一次,包括持續居住單位、遵守居住情况相關租約條款、授權房委會可向有關政府部門及“”公私營機構查核租戶資料“”,住戶需要11月底前交回。房署會於每年4月及10月要求公屋戶申報,預計分5批、至2025年10月完成向80萬戶發出首次申報表。

      網友點睇?

      • 今次政府真係遵從香港人民意,盡量踢走香港人
      • 雙倍租,豪比佢囉
      • 唔係抽樣檢查咩,咁岩抽中你者,租得政府既係咁煩嫁喇,上年我奶奶都抽中
      • 認為你有錢左
      • 比人篤背脊
      • 可能要抽查
      • 唔去,之後就收,搬出信
      • 佢估到住咁耐係時候交番間屋出嚟比梗有須要嘅人
      • 你係就交翻出尼啦
      • 想知房屋署點知你系富戶?
      • 去稅局查交稅記錄
      • 可能衹系去調查問口供呢!
      • 好似要香港富戶將間公屋交俾大陸富戶咁
      • 唔好去嘛 大不了咪退房
      • 住廿幾年,應該儲落吾少錢,好心去買居屋了
      • 星期一打去長康鄒辦問咩事啦…
      • 宜家審查得咁密幾乎年年申報,無得再尼埋㗎嗱!面對現實吧!
      • 一係唔記得交4月份表,一係份表填錯咗嘢要你去改
      • 咁煩,唔好理,唔使返工咩 大不了咪唔住🤭
      • 係咪被鄰居篤?

      原文:https://www.facebook.com/groups/649256063541218/permalink/876751837458305/
      富戶政策見公屋主任審查.jpg

      發佈在 公屋討論區
      香港公屋香
      香港公屋
    • RE: 市區公屋單位或被拖慢7年!不建屋慳錢廢校改建簡約公屋

      李家超:局方聽取議員意見後第二批簡約公屋地點更方便

      行政長官李家超表示,昨日公布第二批簡約公屋項目的地點更方便,亦可善用空置校舍,令建築費降低,這是房屋局聽取議員及地區人士意見後的成果。

      李家超稱,簡約公屋首批2,100個單位將在下一個財政年度落成,整體目標在2027至2028年度前完成興建3萬個單位,另外,當局已覓得足夠土地在未來10年興建約41萬個公營房屋,較需求量超出10萬個單位。

      發佈在 公屋討論區
      香港公屋香
      香港公屋
    • 仿效內地公屋冷氣機窗台轉分體式!議員:香港需保留自己獨特一面

      公屋冷氣機窗台3.jpg
      公共屋邨的遊樂場被批評呆板,有議員倡引入有創意的新設計,近日有議員引述內地資深教授指內地多採用分體式設計,香港也應研究以改善民生質素的言論,議員也建議政府考慮研究,隨即被建築界人士「將軍」,直指「不要老是認為內地怎樣做,香港就要跟着怎樣」。

      議員江玉歡日前在社交平台貼文,指早前上有關建築科技的課,來自內地的資深教授給了一道評語,指為何香港花費巨大興建的公屋和居屋,設計還是以窗口式冷氣機為主?他指內地較多採用分體式,香港也應研究研究,改善市民生活質素。

      公屋冷氣機窗台2.jpg

      內地教授這番言論,她說已入了腦袋,指現正趕工興建的公屋和居屋確實也是以窗口式設計為基礎,窗口式和分體式各有優缺點,但論寧靜、美觀、溫度均勻當然是分體優勝。她再拜讀幾篇有關的研究文章和其他政府的做法後有點啟示,她指公屋居屋的設計一向比較古板,追不上市民時代的需求。「有時諗以咁嘅價錢,其實是否可以起得靚及好用啲?」

      她提及公屋居屋如何安裝冷氣、安裝甚麼冷氣在不同討論區講了10幾年。最近有不少地方也立法規管或不鼓勵安裝𥦬口式。在節能、環保、噪音及維修保養問題之上,她認為政府作為最大發展商是否應作多些認真研究和民意調查呢?

      實際上,公屋每伙成本65萬港元,居屋每伙76萬元,而當局最近公布將申撥建第二批簡約公屋,已調低成本平均每伙也要59萬港元,亦被受質疑,當局死撐組件可重用。

      公屋成本高備受質疑,江玉歡說諗諗「窗口式」的貼文甫出,即惹起網民熱議。本身是建築工程師的中科察主席潘焯鴻第一個彈出來,直指教授的言論非常奇怪,分體式無論在供應安裝、維修和電耗根本沒有優勢,況且香港人均居住面積非常細,窗口式冷氣已經能夠滿足空間所需。他續稱,還有一個更加重點,不要老是認為內地怎樣做,香港就要跟着怎樣,香港必須保持自己獨特的一面,絕對不能成為內地的一個普通城市。
      公屋冷氣機窗台1.jpg

      雖然江強調沒預設立場,但不少網民的留言並不客氣,有網民直斥該名內地教授的言論離地,不了解香港的實際情況。不少網民指公屋居民「窮人」,難以承擔昂貴的分體式冷氣機。有網民表示:單是分體式冷氣機的清洗費費用已非常昂貴,可足夠買一部全新的窗口機,又說:「為甚麼要跟內地?他們說的好不代表我們也好,各地生活各有標準。」

      被業界人士「將軍」後,江亦回應說:「大家互相討論是好事,不用過分解讀。我寫也是希望大家真誠地討論,交換意見,沒有預設立場。世界其他地方因應他們的環境有不同做法,也屬正常。沒有理性的討論、研究和分析,何來進步?」潘亦回應說:「 一直欣賞江議員的工作熱誠,亦看到格局大度,會隨論證進步,所以參與並理性地討論。」

      近年來不少議員到內地考察,提出不少內地的建設或新科技,港府應可借鑑,但有時「跟車太貼」會出事。

      發佈在 公屋討論區
      香港公屋香
      香港公屋
    • 負責人:住滿3年即可儲夠首期買樓!天水圍青年宿舍「琇居」開放申請!

      天水圍青年宿舍「琇居.jpg
      位於天水圍的第四個青年宿舍項目「琇居」,早前開放申請。項目負責人在本台節目《時事全方位》指,預計入住者在三年後,可儲夠資金付首期置業。

      「琇居」行政總監蔡承憲:「我們初步看到市場需求,普遍畢業的年輕人都是1.5至1.6萬元薪金。如果出來住劏房,(月租)都可能要5千多元;入來我們這裡住,有3500元左右的租金,他一個月都儲蓄到8至9千元,三年後都接近一個首期可以做到。我們希望有這個目標。」

      發佈在 公屋討論區
      香港公屋香
      香港公屋
    • 1 / 1