兩間細公屋調遷大單位公屋

[公屋2023]

請問我本身同父母住3人公屋單位，婚後會除名，加名去我先生間1至2人公屋單位度。
但係婚後想同我父母一齊住，我可唔可以將兩間公屋交返出去，換一間4人單位的公屋呢？
定還是要申請天倫樂？

無諗住生仔，自己住屋都咁大問題，不想為左住大單位生小朋友累左下一代，只係想照顧好自己同屋企人。屋企人得我一個女，始於擔心佢哋身體麻麻加上年紀大，一齊住方便照顧佢哋。

[金銀花茶]

一齊住要考慮清楚，雖然好少聽到女婿同外父外母有糾紛，可以問吓仲有冇天倫樂合戶

[bonnie92]

天倫樂似係可以住近父母的相反亦可以，合住就唔清楚？照理應該得？要更清楚可去自己屋邨主任了解。

[AmyLam]

咁如果你現時單位係2-3人單位，加你先生名後都可以申請擠逼戶調遷3-4人單位，只要你符合單位內每人少於指定尺數嘅生活空間就可以，房署有指定

[saya0216]

首先攪清楚你父母處的單位是多少人的單位、如果父母和你3人係住緊3-4人單位、就算你老公自已單位吾要、加名入你父母處、都係4人住3-4人單位、係無得換大的、除非生左B、就可以用擠迫戶理由、

[Kaman1024]

如果會考慮生小朋友可以忍耐下，婚後可先加你先生名人去你戶籍，然後小朋友出世後變5人可以申請擠迫戶調遷，咁到時可以換個大啲單位

[JoJoLam]

如果父/母足咗60歲，可以嘗試申請“天倫樂合戶”

[Maggie22]

你想同父母住一係就加老公名去而家間屋，但你老公就要放棄佢嗰一人單位，同埋你而家三人變四人唔算擠迫戶都唔會有大單位。我覺得最好就係用你老公個單位嚟抽綠表，抽到嘅話你哋咪可以揀個大啲單位