17歲懷孕結婚已分居未離婚先生是戶主

[公屋2023]

17歲懷孕同先生結婚，但因為未成年，房署規定只可以俾嗰時成年嘅先生做户主！但由頭到尾所有文件都係我處理，佢淨係簽名乜都無理過，而且因為佢係户主，導致我同小朋友前境唔太明朗。
呢家23歲，未離婚，小朋友跟我，已經分居一年半，大半年前見咗主任。

因為有急切嘅住屋需求，加上對方唔太合作先暫且唔離婚住，但等左成大半年都未首派😵‍💫。加上對方最近經常性失蹤，怕到時佢失蹤，揾唔到佢去簽合約。
有冇有經驗人士解答：
1）一入紙搞離婚係咪就要上報？
2）如果搞離婚期間派屋又點處理？
3）有暫准令定絕對令先可以正式分返兩條隊？
4）小朋友跟我，咁我係咪可以用返呢個號碼排？
因為呢啲都係我搞唔搞離婚嘅考慮因素。我打過去1823問，然後有配房組嘅同事打俾我，佢乜都話唔知，因為我個號碼已經係配房組，叫我搞左離婚先答到我，但搞完離婚要暫援我或者重新排隊咪好on9....

---

新界3人 G1413

[saya0216]

離婚，法庭要判仔女跟你，房署改撫養權仔女一方為戶主。

[KittyKitty]

屋就繼續排，婚就繼續離，時間一到佢唔簽都冇所謂，一於兩邊齊齊做，有文件就交，派咗屋就等個官判，有判令房署會照做。

[KittyKitty]

唔係好明，離婚個話，一般房處唔係將間屋轉比帶小朋友配偶，而另外一個排返單人隊咩？仲有單親上樓快，係因為以前有分戶政策，好多人以離婚名義分多一個單位，所以取消左，所以先有依家做法.

[Maggie22]

有小朋友撫養權+暫準令，已經可以入紙申請公屋輪候，但唔會計算你之前排果幾年。
如果上樓後離婚，公屋會歸擁有撫養權的一方，另一方要退出，退出一方如果有住屋須要，又符合資產，收入的條件，可申請入住中轉屋，可能要等幾個月或以上，入住中轉屋必須要申請緊公屋先可以繼續住到上樓，如果不申請公屋的人士，中轉屋只能住一年，就要搬走。

[ckwong]

早離婚踢佢出去先吾系佢有左名好麻煩