G1355市3 首派房協樂民新村畢業

[香港公屋]

首先要謝謝公屋討論區很多資料給我們參考，我在二月初已經派了，不過自己處理大部份裝修工作及安排，真的太忙，也沒有什麼時間分享，趁假期就出一個畢業post，希望有正面作用就好，在一月份收到彩虹邨低層，拒絕了，以為有排等，咁以下就講吓房協申請果邊有幾順利，由11月頭寄信黎，初時怕好嚴唔想去申請，到最後寄左一個月就上去見主任，一切都感覺順利，但冇諗過，由寄表到合格只係兩個半月時間，合格信收到同一天，職員打電話來話派左樓，叫我可以去看看，之後就決定要，多一條隊，建議爭取。

我選了茵怡，明華大廈及樂民新村（本來第三係西貢翠塘花園），主任都暗示原來的選擇會等好耐，所以我都照跟佢講法改咗，結果也是去了樂民新村一個頂層單位，活動了快兩個月了，主要壞處有三個，有一個鄰居由早上七點開電視開到晚上十一點，可能佢聽覺障礙吧，加上開門，超嘈，有其他人投訴佢，都冇佢乎，我用很多方法去解決嘈音，現在算可以接受，另一個係露台要自己裝窗，要過萬，走廊外的樓梯欄杆非常低，我有畏高，真的不敢接近，最後是接近四十級樓梯，如果年輕還可，年紀大就好吃力，搬屋也是自己搬了大部份，走了至少幾萬級樓梯，瘦了一個圈，現在處理好，就覺得很好。

好處比壞處多好多，交通方便近地鐵站油尖旺區，市區來講非常好，空氣好，旺中帶靜，吃飯選擇超多，校網理想，房協的服務質素係好值得一讚，好禮貌，而房間也執返好，廚廁也是新的物料，其他鄰居都好好，話好好住，也很多互動交流，說到這，又要繼續努力執到房間，有空才上線了，希望這個post對一些師兄弟姊妹有用，我見近排其實好多人派左呢度，只係覺得佢哋冇post出來而已，有時間再交流。

我是打電話俾我話合格，說未來一兩天收信，順便講埋派左邊間。
也祝大家現在及將來的新居，安居樂業👏🏻🤝

---

G1355市3 2022/11/21見
12/12 S2 合格信
2023/1/4 網上轉S4
6/1 收信首派彩虹一樓拒絕
1/31 返回 S2 等二月份再派房協
25/11 交表
7/12 收見主任信
14/12見主任拿粉紅咭，預期樂民新村
1/31 合格
2/2 電話通知，並有預感可以畢業

[Angela]

congratulations 🎊  幾時都話懂得滿足係一種福氣

[JoJoLam]

哇，原來你一入伙嗰陣，露台冇欄河，而且露台地面係水泥地板。。。