房署最新公配房編號
新2:1457500 新3:1452600 新4:1409800 新5:1409800
擴2:1402800 擴3:1389800 擴4:1382300 擴5:1404000
市2:1379000 市3:1371000 市4:1372400 市5:1378900

好後悔買左公屋!這8年無買一件衫近乎零消遣


  • 推開鐵閘,走入南昌邨一個單位,灰白色的大門滿佈裂紋,單位內淡黃色的牆身,有多處新近補上的白色油漆。70歲的錢婆婆是業主,她坐在梳化望着殘舊的大門、牆身「左一撻、右一撻」的白油漆,苦笑道:「無辦法,真係無錢整。」

    ePDvzLmN8Oqkh9OIRdO73LLR3x-JjwVhZ5y0GU2ctBk.jpeg

    錢婆婆從來無計劃做業主,但丈夫8年前突然離世,親友擔心她會被逼遷,協助她買下居住的公屋單位。但置業令她積蓄耗盡,要依靠每月4,000元不到的長者生活津貼「死慳死抵」過活,8年來無買過一件衫,生活近乎零消遣。她慨嘆置業後更難安居,持有物業不等於生活寬裕,「雖然話叫做有樓,但係過得都好艱苦、好痛苦。」

    購入公屋積蓄耗盡 長生津成唯一收入

    政務司司長陳國基上月指出,現時計算貧窮線時,並無計算市民擁有的資產,極端地說如果有人擁有3至4個物業,但他退休、沒有收入,他都可能成為貧窮人士,因此正研究新方法。

    Z4ITcBn73ukxXpmbvWEmzKGaRKLysGHRoABLv4oAS78.jpeg

    在錢婆婆跟丈夫原來的人生規劃裡面,從來都無置業這一部份,他們膝下無兒無女,打算一直租住公屋,退休後靠積蓄「慳慳地」安度晚年。但患上乳癌,丈夫猝逝,打亂所有計劃,「我當時成個人都崩潰晒。」

    以積蓄和親友資助 用42萬元買下居住單位

    海外回來的親友見到她的情況非常擔心,又怕她會被逼遷到細單位,提議資助她購買一直居住的公屋單位。錢婆婆最終在2015年花光所有僅餘積蓄、加上親友資助,以大約42萬元購入單位,但她說:「買咗落嚟先知道慘。」

    v1NHcLFAL8rLK6piW1VE15_Kuml_HpNR5XAJ4c9wCeE.jpeg

    積蓄耗盡,錢婆婆每月唯一的收入,只有3,915元的長生津。每月逾540元的管理費、季度差餉、在公立醫院看6個專科的診金、藥費⋯⋯種種開支七除八扣,每個月能夠自由運用的錢所剩無幾,「我自己未統計過,我覺得好似無。」

    係好後悔,好後悔,如果我係唔買咁計,我就住公屋……就算我唔攞綜援,原來啲老人家都有減半屋租,減半我都起碼唔使好似而家咁樣。錢婆婆

    8年無買一件衫 生活近乎零消遣

    為求慳錢,錢婆婆8年來無買過一件衫,買餸時甚少買肉,在魚檔買魚,會請店家將10元的魚肉切成細塊,戲稱「喂貓」,事實是分三日幾餐慢慢食,但買菜為慳2元總是一口氣買兩斤,回家後包好放入雪櫃,食足一星期,「雪到發黃」照食無誤。

    當長者中心或病人組織有活動,不論是一日遊,還是周年晚宴,她總是缺席,別人問起,她不敢直言因為窮,只能以身體不適、無暇出席這些理由來搪塞,「我唔可以同人哋講我冇錢,因為你咁樣,人哋覺得你好假。」

    義乳、營養奶粉不敢買 未夠錢預早安排身後事

    日常生活慳,醫療保健一樣慳,手術後要用的義乳賣420元,她覺得太貴,最初術後買過一個用了3年,後來自行以「攝綿花」解決。覆診時,醫生說她營養不夠,著她飲營養奶粉,但一看價錢,300多元一罐,同樣不敢買。

    每月「死慳死抵」,避免銀行存款「清零」,但每月結餘也只是徘徊在1.3至1.4萬元,想委託社福機構幫忙預早安排身後事,卻一直未能儲夠1.8萬元的費用,「因為開支好多,係好難儲。」

    手續費多放棄賣樓 為守承諾拒領綜援

    錢婆婆坦言想過將單位放售,但賣樓程序多,涉及很多動輒上千元的手續費,「無了期咁一陣又1,000(元)、一陣又話2,000(元),我喺邊度挖出嚟?」最終只好打消賣樓的念頭。

    由於自住物業可獲豁免,以錢婆婆的經濟狀況,她合符申領綜援的資格,但多年來不少人勸過她,她都一一回絕,原因是曾經與丈夫約定,退休後靠積蓄,不靠綜援。

    8年過去,再提起丈夫猝逝,錢婆婆仍未釋懷,認定丈夫是因為照顧她,壓力大才會半夜心臟病發,「佢突然間走咗,我就覺得我唔可以攞(綜援),因為係我同佢嘅承諾。我覺得好對唔住佢,如果我唔係有呢啲事(患癌),佢唔使辭咗份工,可能佢又唔會係咁樣走,係咪呀?」

    視安老院為最後歸宿 惟怕物業變非自住失長生津

    無兒無女,在香港舉目無親,錢婆婆自知不會有人照顧她,視安老院為最後歸宿。但原來持有一個公屋單位,也窒礙她入住津助安老院。

    錢婆婆乳癌康復後,多次中風及跌倒,好幾次被人發現暈倒在家,社工早年已替她申請輪候津助院舍,早前更排到宿位。但在現時的經濟審查制度下,一旦入住安老院,其公屋單位會由「自住物業」變成「非自住物業」,令她超出資產限額,失卻申領長生津的資格。

    失去長生津,意味著失去唯一收入,錢婆婆考慮到要在無收入的情況下,根本難以兼顧安老院的費用、及公屋單位的管理費及差餉,暫時未有入住院舍。

    政府可唔可以體諒一下我哋,一啲年老、多病、低收入,雖然話叫做有樓,但係過得都好艱苦、好痛苦。錢婆婆

    業主身份責任多 有樓都可以窮

    有物業,也可以貧窮。錢婆婆提到物業雖有一定市值,但業主身份也附帶很多責任,強制驗窗、水喉漏水、更換冷氣機架,凡此種種都要自費處理,「對於我哋無收入嘅老人家嚟講,係一個好沉重嘅負擔。」

    置業卻未能安居,錢婆婆自覺她並非孤例,期望政府為老業主提供協助,「政府可唔可以體諒一下我哋,一啲年老、多病、低收入,雖然話叫做有樓,但係過得都好艱苦、好痛苦。」

    有物業不代表有可動用收入 促政府為老業主推特定政策

    香港社區組織協會幹事連瑋翹指出,擁有物業不代表每月有可動用的收入,將資產納入貧窮線,也未必能反映真正的貧窮狀況。

    他建議要真實反映老業主的生活狀況,可考慮引入客觀的量表,從他們可動用的資金有多少、如遇醫療或突發需要有多少可用資金、有沒有合理娛樂等等去評估他們是否貧窮。

    連瑋翹續指,部份老業主面對種種開支,生活有時比居於公屋、申領綜援的長者更緊絀,促政府推出特定政策協助老業主,包括應該檢視當老業主入住院舍,其自住物業會變成非自住物業,令他們失卻長生津這種情況。


  • 佢親戚「點」左佢行條不歸路⋯

  • 好心街坊

    我只能講,聽下就好,米當真

  • 良心街坊

    恕我直言, 好多老人家, 晚年做錯決定+性格固執, 才搞到慘淡結局!!

    事件中錢婆婆聽了親友講用盡最後積蓄去買租置, 又無想過日後生活使費,又沒入息, 仲要為了丈夫承諾不申綜緩, 生活困苦之中!!

    聽說過這類案件, 有時社工也束手無策!!

  • 熱心街坊

    對的, 無兒無女, 買來日後歸誰好!
    說不定, 受益者就是勸婆婆買屋的親友

  • 熱心街坊

    佢係長者 唔買都唔洗調千
    而家好啦 買左 又要維修 管理費 各樣那樣


  • 長者或生活上遇到困難人仕 點解唔申請綜援呢❓
    你哋壯年時曾經為香港付出過一分力 納過稅
    到老年無能力工作又有需要 政府照顧番你哋係應該
    唔會係羞愧及無尊嚴😌有些老人家又何必太固執❗

  • 熱心街坊

    不要固執了 萬般帶不走


  • 佢親戚不知幾醒!分分中係佢仔女就真!買左公屋先,吾驚無左間公屋。


  • 不要信真,佢親戚可以幫佢買樓,惦解现在唔幫佢😅她無兒無女,死後間屋俾佢親戚,分分鐘佢親戚供到佰幾萬俾佢享受享受😅

  • 熱心街坊

    唔係可以逆按揭咩?
    咁咪可以每個月有一筆固定收入,又可以住到百年歸老。
    照計社工應該會教佢喎

  • 好心街坊

    可憐之人,自有其可恨之處也。

  • 良心街坊

    @ckwong 未補晒地價,好似做唔到逆按揭。

  • 熱心街坊

    確實有好多案例!有樓卻成可憐人
    住公屋最好!

首次註冊 u8hk.com 成為會員需透過Google登入,成功登入後可以設定用戶名及密碼。
其他網友回應

  • 金銀花茶

    你打去房辦,同佢講幾月幾號大約幾點交左,叫佢地check多次。
    我都試過咁,最後佢地自己搵返份張表。

    閱讀更多

  • saya0216S

    我記得交表職員會即時發出證明.…

    閱讀更多

  • 一切隨緣

    主任話無都無計😓唯有再補交❗但一定擔心私人資料外洩

    閱讀更多

  • K

    填多一次、問題不大、與房署爭吵亦無意意、下次交表記得拍照留底

    閱讀更多

  • ckwongC

    揾返個肥婆職員問清楚

    閱讀更多

  • Maggie22M

    五月都未過又會咁快俾呢啲提醒信既

    閱讀更多

  • saya0216S

    封信最底咪寫咗 交咗就唔需要理會封信。申報表量多處理需時,佢出信果刻可能都未update得切全部資料,唔好太緊張,打電話去問一問先啦

    閱讀更多

  • 公屋2023

    我5月12號已經交咗富戶申報表畀管理處,有個肥女人職員話你交畀我得喇主任應該唔喺度,跟住今日收到封信話我冇交警告我喺5月31號前要交番,管理處係咩玩法?我份嘢去咗邊?入面全部係私人資料!
    IMG_6294.jpeg

    閱讀更多

  • 一切隨緣

    衰左可以再上訴:一次機會意思係第一次超額後半年至兩年內,喺呢段期間都可以上訴,但每次要相隔半年,而最後上訴日子係不變(一定係第一次超額後兩年之內)一般如果好心急半年即上訴的人可以上訴兩次,當中係計埋申請恢復/等有期見主任/上訴完等通知書ETC.物理時間)有D人計到好盡房署又好神速夾到時間係可以兩年內上訴3次。。。
    總之「一次」意思係唔會超過第一次超額房署畀你上訴期嗰兩年大限。另外兩年大限的日子係你提出上訴申請的最終日子,而唔係一定要喺兩年內完成上訴(見主任),你係可以最後一日向房署申請上訴都冇問題。

    閱讀更多

  • K

    新僱主肯幫你填就ok,唔駛特登搵返舊僱主;有新工就唔會睇舊工。一係你係非固定僱主/做散工,公司唔肯幫填薪金證明就用6/12個月糧單/月結

    閱讀更多

  • karrybbK

    你可以提供糧單,或者月結單

    閱讀更多

  • 公屋2023

    大家好,上年7月爆入息,3月交恢復申請,原本3人,3月時加多一個,總數是4人,而申報入息及資產表格已顯示4人。
    本身是固定僱主月薪,11月俾公司炒左,12月1號開始沒有工作直至4月頭開始返新的固定僱主月薪,但房屋署要我報9/2022-2/2023的僱員薪金證明書,但表格最遲31/5/2023要交。

    有兩個問題:

    如果舊僱主唔肯簽會點算? 如果搵新公司出,我新人工計3人入息會超過,但4人就不會過,信上寫要求恢復原有公屋申請,但報入息就是有4個人要報,如果可以搵新公司簽就最方便。

    349917012_1304948286807551_8509093578759972860_n.jpg 350095569_652813470008517_268723242208182605_n.jpg

    閱讀更多

  • AngelaA

    如果她兒子早已加戶..她可以優先做新戶主
    加戶由戶主申請…如果她兒子現時沒法加戶..你和她其中一人做新戶主…你們要達成共識由誰做新戶主

    閱讀更多

  • AmyLamA

    佢申報咗而又結咗婚加唔到戶❗現只可1個獨身子女加及就算係加都要得到所有戶籍人員簽名.但假如你做戶主都要審查資產+入息通過先可及如未60歲要調遷1人單位.

    閱讀更多

  • B

    冇偈傾,鬥拖,最後都係家姐做戶主成數較高。

    閱讀更多

您可能會有興趣:
  • 4
  • 7
  • 1
  • 1
  • 1
  • 2
  • 3
  • 1
Copyright © 2022 u8hk.com. All Rights Reserved.