首次註冊 u8hk.com 成為會員需透過Google登入,成功登入後可以設定用戶名及密碼。

忠言逆耳!拒絕新樓後派舊樓係「房署唔公平」?


  • 一早講咗派皇后山/兩田唔係必然!
    最多咩人同講可以拒絕新樓博再派皇后山/兩田!?
    咪就係號碼較後嗰班人!
    你唔拒絕嘔返個新樓單位出嚟,佢哋邊有機會博到!?
    一早講咗如果正常個個要唔拒絕,皇后山加兩田三人最多推到G140左右!
    依家點解推到G142?咪因為有班人有新樓唔要,讓畀後面號碼嗰班人!
    你號碼前就話博吓姐,G140打後都去博?你當之前大量超前號嗰班冇二,三派?幾時輪到你?
    咁好運不如買六合彩啦,排乜嘢公屋!
    排公屋三年可以上到樓仲要係新樓,梗係會以為上帝係佢老竇,想要邊度就可以有邊度!
    誰不知其實大把G134/G135最後先至拎到皇后山/兩田,排咗成差不多十年時間有幾痛苦!

    總會有人認為新樓係必然,舊樓一定係「房署唔公平」!

    歡迎G14x的人繼續發夢!繼續拒絕!睇吓嚟緊清埋嗰班超前號二三派,仲會派到啲乜嘢?
    支持繼續拒絕,冇你哋嘅拒絕,後面啲人又點上樓,房署又點樣整靚條數!

    遲啲連三寶都冇,你哋就會體會到咩叫排隊!
    如果七年前房署派舊樓俾我,我一定好感恩!
    六年只係中位數,大把人排咗10年


  • 有人2派新樓唔要,就連累我啲後面號碼,本來可以早啲派樓,依架就要食3寶,真係好煩😡😡


  • 雖然好逆耳,但分析好忠肯


  • 其實房署係咪特登搵班三四年既人上新樓人,等外面覺得房署呢幾年做到野,等房署形象改好,唔洗外面個個都話排六七八年


  • 新舊各有各好。換係我只要唔係極低層、被樹遮、垃圾房旁邊、兇宅、石屎剝落、露鋼筋,我覺得可以接受。


  • 房署吾知是否小試牛刀,等d排左3,4年的早d上樓(舊樓),等d人吾好成人鬧政府等得耐,因為我發覺最近吃四寳飯的都系這数(以上純推測,不喜勿插


  • 講得太對,還是那句,派公屋講彩數,見好就收。


  • 我14 20食正尾水皇后山,我要咗,我排咗四年,首派上到樓,仲要新樓已經好感恩,而家睇返14 20之後全部派舊樓,所以真係要知足


  • 我單人3年 家庭5年 合共8年 今日首派食三寶飯😂


  • 能首二派到新樓係天賜給好運咁都唔接!後派三寶慢慢嘆😏


  • 轉區制度,原意唔係比你地左避右避
    3次機會制度,原意都唔係比你地新樓又唔要,低層又唔要,頂樓又唔要,景觀唔好又唔要
    就係呢班過份既人玩爛左,結果搞到記者信埋咩錯配,咩亂派,結果搞到房屋署要做野,新樓唔啱咪派舊樓囉,等警惕下你轉區,首次派唔要都未必派到所謂心水樓
    房屋署無錯架,申請到公屋已經好難得,點知有班人仲巴閉過買私樓,仲要又話投訴,又話搵咩區議員,唔該用下過腦啦,派到比你交過一千幾百蚊租,你估你係咩,人地買私樓就唔係自己鍾意既地區就買到,都要將貨就價,你交咁既租金仲咁多要求,今次撐房屋署


  • 我都系皇後山尾貨其中一個,首派要了,我也分析到自己號碼,點同人地去搏二派,一派到皇後山D人就覺得好咩甘,拒絕再拒絕,現在就知皇後山好了


  • 睇到都眼火爆‼️1405首派都食中3寶之1


  • 因為比班新腥講人 大6大把錢有屋有田又有地收租!派新樓仲嫌三嫌四 玩到房署嚟火😤


  • 派皇后只心痛不後悔,路過😂😂


  • 呀 你呢個post都算幾正常
    但其實你自己都一樣😂之前中舊樓你夠吾要啦🫢
    利申 你呢個post有一大半我都係認同嘅。
    只係覺得你有啲自打嘴巴囉。


  • 我都覺得你講得啱.
    其實當你地一開始入紙去申請嘅時候就要有派舊樓嘅準備,係申請表上冇寫明一定派新樓,只係咁啱呢一陣時間有新樓,但人人都好似理所當然咁以為自己一定派到…


  • 成日係到講咩三寶吖舊樓吖嫌三嫌四,個啲人跟本唔知咩叫水深火熱,講真唔係有需要就唔好排公屋啦


  • 你就好啦?今日講呢句大把人讚,我兩個月前出帖講忠言逆耳呢四個字叫人有新樓好要,俾人插到暈,吾係講吾啱區就話有權三派,而家……早知我九月才發帖啦


  • 都唔明d人有咩好怨,遊戲規則一早定咗,派到d咩唔鍾意可以唔要,也都無人逼你玩依個遊戲!
    我自己咁,新4-1381,住天水圍,由去年新4-134開派皇后山,一直都覺得輪到我唔係和田就係菁田,仲特登飛無人機睇和田菁田環境,
    點知去到3月,派到新4-1364停咗,皇后山兩座仲要做埋隔離營,
    當時都仲覺得好大機會派到和田,點知到咗5月再開始派,一來就派和田,仲要跳一大堆超前號出來,
    話咁快就派晒,但係條隊都無點郁過,再來就派皇后山加菁田一齊亂咁派,就係咁嘅情況下,137-1380好似都係派菁田,而1381-1389好似派晒皇后山,
    你問我開唔開心,滿唔滿意,我會答有少少唔開心,話晒天水圍去到粉嶺,學校返工點都要準備
    但衡量過,唔要依度下次俾到咩你,和田菁田派得7788,貨尾又剩返幾多?之前5月拒絕果d都仲未二派,派到和菁貨尾機會跟本好細,所以最後要咗皇后山
    收樓入去一次,驗樓入去一次,話遠唔遠,天水圍276a去上水再轉503小巴,去完睇過,我會話80%滿意

    大家都係成年人,唔好成日怨天尤人,派得唔鍾意可以唔要,三派都唔鍾意就啃咗佢努力搵錢去買居屋,租私樓買私樓

網友回覆

  • 嚴選3大最垃圾公屋

    不少人認為「有公屋是人生贏家」。早前有網民在討論區發起「嚴選18區最垃圾屋邨」,引起不少人的共鳴,最後盤點出全港18區3大最垃圾公屋,指第1名更是被公認為「超級垃圾」!

    最垃圾公屋第1位:大埔區富亨邨

    a0cf1572-bde1-4d66-8e42-843b04f8d240-image.png

    被網民公認為最差公屋是大埔區的富亨邨。網民一致認為富亨邨巴士班次長期不準確,「有排等又混亂」,要與隔離的富蝶邨邨民一起爭巴士,「我踩單車出火車站仲快」,令網民直呼:「全港應該冇一個地方垃圾得過富亨邨」、「來生不做富亨人」。但有邨民就點出富亨邨的唯一好處 — 近醫院!

    最垃圾公屋第2位:沙田區水泉澳邨

    fd9442aa-d691-4b47-a15e-aea68155f925-image.png
    不少網民批評沙田區新田圍邨,不但樓宇殘舊,位置偏僻。不過,自從「水泉澳邨」落成後旋即被取替;因為水泉澳邨對外交通只有兩條接駁外界的道路,社區設施不足,大部分居民要到鄰邨購買生活必需品。

    最垃圾公屋第3位:屯門區寶田、山景邨

    俗稱大西北的屯門區代表的「寶田邨」及「山景邨」,兩條邨不相伯仲,除了兩條屋邨的樓齡較高之外,居民的平均年齡也較高,加上附近沒有便利居民的社區配套,交通不算方便。

    df3ce7af-cf01-477d-942f-7635d8217513-image.png

    閱讀更多
  • 地方小、樓價貴,莫說置業難,香港不少人都面對著住屋問題。房屋署早前公布,一般申請者的平均輪候時間為6.1年;不過即使畀你等到,獲派的公屋未必是心中所想。近日有兩孩港媽在社交平台分享,其4人家庭輪候公屋「二派」沙田新田圍邨,大呻區內配套設施少,位置偏僻,因而詢問網民應否再博「三派」。

    f5fa79e1-64ef-4fcb-ac3c-42f5c192e79e-image.png

    4人家庭派新田圍邨 大失所望!
    近日,有位港媽於facebook群組「香港公營房屋討論區」中發帖文,分享了自己輪候公屋的經歷。她指自己一家四口第一次派獲青衣長青邨的單位。拒絕「一派」後4個月,幸而獲得「二派」,可惜二派單位非常偏僻,是位於沙田新田圍邨富圍樓2樓。她指自己要照顧2個年幼小朋友,該區交通不便,配套設施少,還表示獲派新田圍邨加上2樓「好黑仔」,因此正在困擾並詢問網民應否再次拒絕等待「三派」:「博唔博第三次?真係好頭痛」。

    網民批:「沙田最差公屋」 支持博第三派!

    帖文一出,不少網民都紛紛留言批評新田圍邨配套設施差,又指街市規模小得像中學課室一樣大,更人直言:「新田圍應該是沙田區最差的公屋」。

    c639123e-6cea-4a39-b6cd-e845f6fe4a8f-image.png

    大部分網民都支持港媽博第三派,並指「都冇得再衰」。網民留言:「一定博,千萬不要新田圍」、「新田圍乜都無」、「除咗校網外,乜都唔太好」、「新田圍……當然博三派啦」、「嗰條邨俾人遺棄咁」、「差到不能再差的垃圾邨」。

    ea3001a5-4578-4936-aa7c-6b11f09a845c-image.png

    不過網民取向並非一面倒,有網民認為新田圍邨也有優點,包括:如「背山面海」、「校網超好」、「去大圍方便」、「近獅隧,一出就九龍」等,有居民指初時進區居住會不習慣,但住了一段日子就覺得很好,而且空氣好。

    閱讀更多
  • 審查完先拎鎖匙的

    閱讀更多
  • P

    @fisowong 審查通過後2-3個月內派樓,不會再做入息審查,時間相隔過久要再次重做

    閱讀更多
  • 配房信是需要最近入息証明,但取匙時主任説不需要。

    閱讀更多
  • F

    請問第一次見完主任入息審查通過後,之後上樓要再次入息審查嗎?

    閱讀更多
  • 房屋委員會今日(23日)表示,截至2022年9月底,在過去12個月獲安置入住公屋的一般申請者的平均輪候時間跌至5.6年,當中長者一人申請者的平均輪候時間為3.9年。在2022年第三季獲編配入住公屋的一般申請約11,400宗,當中獲編配的長者一人申請約2,100宗。另外,同一季度獲編配的配額及計分制下的非長者一人申請約為510宗。

    6c6d517c0c5c9ba4229673ab002fafef copy.jpg

    一般申請者及長者一人申請者的平均輪候時間,分別較上一季(即2022年6月底)的6年,下跌0.4年及0.2年。平均輪候時間於2022年第三季錄得較為顯著的改善,主要是由於2022年第三季有超過1萬個公屋單位可供編配。在消化了部分輪候年期較長的一般申請者的公屋需求後,於當季獲分配單位的一般申請者的輪候時間相對較短,令整體的平均輪候時間縮短。

    在2022年9月底,約有135,500宗一般公屋申請,以及約99,100宗配額及計分制下的非長者一人申請。

    閱讀更多
  • 反映傳統公屋及簡約公屋輪候時間的「公屋綜合輪候時間」昨日首次登場,數據反映香港公屋輪候情況有所改善。房委會昨日公布,截至今年9月底的過去12個月,獲安置入住公屋的一般申請者,平均輪候5.6年,較上季減少0.4年(約5個月);長者一人申請平均輪候3.9年,較上季微跌0.2年。房委會解釋,數字回落的主因是第三季有逾1萬個公屋單位供編配,在消化部分輪候年期較長的一般申請者後,整體平均輪候時間縮短。民建聯房屋事務發言人陳學鋒認為,今次數據回落只是短期現象,不是「轉勢」,期望特區政府盡快公布簡約公屋選址,進一步縮短輪候時間。

    637eb256e4b03aa12384bdd8.jpg

    截至今年9月底,房委會接獲約13.55萬宗一般公屋申請,以及約9.91萬宗配額及計分制下的非長者一人申請,合共有234,600宗申請,比上季下降約8,000宗,以一般公屋申請個案的減幅較明顯。第三季獲編配入住公屋的一般申請約1.14萬宗,當中獲編配的長者一人申請約2,100宗。

    另外,獲編配的配額及計分制下的非長者一人申請約為510宗。

    每季輪候時間可升可跌

    一般申請者及長者一人申請者的平均輪候時間,分別較6月底(即前一季)下跌0.4年及0.2年。房委會強調,每季度的平均輪候時間的長短,取決於多項因素,包括可供編配的公屋單位數目、公屋申請者數目、申請者所選地區,以及新建及翻新單位的供應是否與申請者的選區相符等。視乎這些因素,每季度的平均輪候時間可升亦可跌。

    施政報告提出興建簡約公屋,並制定「公屋綜合輪候時間」反映傳統公屋及簡約公屋的輪候情況,該輪候數據昨日首次公布,但由於簡約公屋仍在籌備階段,故昨日的數據只能反映傳統公屋5.6年輪候時間。

    民建聯指並非「轉勢」

    民建聯房屋事務發言人陳學鋒指出,今次輪候時間縮短是因為第三季有超過1萬個公屋單位可供編配,但未來4個年度,平均新落成的傳統公屋單位供應不足1.2萬個,相信今次跌幅只是短期現象,不是「轉勢」,在公屋供應「頭輕尾重」下,簡約公屋和過渡性房屋無疑是改善公屋輪候登記冊上居民的「特效止痛劑」,期望政府能盡快向立法會申請撥款並公布選址,進一步縮短輪候時間。

    他表示,今年施政報告首次提出5年興建3萬個簡約公屋單位,再結合傳統公屋的落成量,構建「公屋綜合輪候時間」指數,雖然不能加快上樓,但可以讓居民更快搬離不合適居所,對輪候多年的居民始終是好事。

    不過,問題的根本在於公屋單位未能滿足需要,政府需要盡快造地興建公屋,讓居民看到上樓的希望。

    同時,由於不同類型的公營房屋項目即將同期開展,民建聯關注到房屋的質素,以及施工的安全事宜,民建聯督促政府在趕工之餘,亦需注重建屋質素及安全。

    閱讀更多
  • 公屋刪除戶籍是否一定要搬到細單位?有六旬翁在社交平台發文求問,指一家四口現住公屋大單位,須繳交倍半租金,惟兒女已結婚搬離或將會移民英國,欲刪除他們的戶籍,兩夫婦搬往細單位居住,但又怕空間太小,故不知如何處理才好。

    該男網民在facebook群組「香港公營房屋討論區(FB版)」發帖,指一家四口正住在一間約577呎的公屋單位,須繳交倍半租金,即每月7702元。他透露兒子將會移民英國,女兒婚後亦已搬離單位,不會同住,他和太太剛過60歲,遂想刪減戶籍以搬遷至細單位,「但不想改最細,當然租金考慮亦是重要」。

    帖文引起網上熱議,有網民贊成樓主刪戶籍轉細單位,「都係睇錢,換細單位 有機會免租或交平租」、「除非你真係好多積蓄可以有排用,個個月咁樣燒7000、8000真係好甘,仲未計日常生活開支,水電煤嚟啲雜費」。

    但亦有人認為刪戶籍後就沒有退路,「公屋貴極有限,我就唔會交出嚟,同埋如果仔女有時想返嚟瞓下都闊落啲」、「住公屋交幾貴租都吾會貴得過劏房」、「住得細好壓抑,想清楚負擔多幾多,街坊同社區唔同咗,對長者都好大影響」、「裝修又要錢,搬屋又要錢」。

    根據房屋署資料,若因家庭成員遷出、離世、結婚、移民等原因而刪除戶籍,使餘下的家庭成員享有的居住面積超逾既定的編配標準,便成為「寬敞戶」。現時租約條文已規定,倘成為寬敞戶,租戶須遷往房委會認為居住面積符合其家庭人數的公屋單位。不過有殘疾或年屆70歲或以上家庭成員的租戶,會從寬敞戶名單中剔除;而有60至69歲長者成員的寬敞戶則會被安排在寬敞戶調遷名單最後的位置,他們可留居在原住單位,直至家庭情況有變,或根據次序到達調遷階段。

    至於長者戶全免租金計劃,所有符合資格的長者戶可選擇調遷至面積合適公屋單位,可享全免租金,住戶須符合下列申請資格:所有家庭成員均年屆70歲或以上;根據標準被界定為寬敞戶、居於一型設計長者住屋或居於無獨立設備的「改建一人單位」;戶籍及居住情況正常;以及並無違反租約上的任何條款。

    閱讀更多
  • 網絡上常有聽聞「公屋富戶」一詞,公屋租金便宜、配套又完善, 一旦符合資格成功上樓,即使日後資產脹了多少,亦未必需要搬走。根據房屋署數據顯示,公屋富戶就有高達2萬戶!當中很多人都入息高、資產多。近日,一名網民在親子王國討論區發帖,指認識一名住在公屋的朋友不但大「豪裝」公屋,又滿身名牌,戴名錶,更駕駛法拉利!

    266c353b-b261-4c33-9fc5-0765b312dc41-image.png

    該網民在親子王國討論區以「公屋富戶真厲害」為題發文,指他最近認識了一位住公屋的朋友,發現他十分有錢,而他700呎的公屋單位更是「內外不一」,裝修奢華又有品味,而且該朋友亦滿身名牌,手戴名錶,除了以上,他更駕駛價值400幾萬的法拉利跑車代步!

    該網民感到十分驚訝,於是他好奇地問友人「政府不會查你嗎?」,對方坦承自己所有資金都放在內地以避過審查,而平日會投資比特幣 。有時遇房署人員家訪時,他會報稱沒有收入,同時表明要供養子女及長者;而平時會帶現金出門,相當謹慎又小心。
    98db109c-e5da-431b-823d-93a546fc2fcb-image.png
    該網民認為朋友是「玩法律漏洞」,又抱怨道「確實論條件就真係唔夠佢哋犀利,佢哋直程冇收入,跟住仲要有仔女、老人家,怪不得佢哋排隊咁快」。

    事實上,根據房委會網站顯示,公屋住戶需要申報入息、個人總資產淨值等,當中包括物業、存款、現金及借出的貸款、投資及車輛(如私家車、電單車、小型貨車、貨車、貨櫃車、拖頭、車架等),其入息不得超出入息限額之5倍,而家庭總資產淨值不得超出入息限額之100倍,否則須遷出單位。

    ee192dbd-e756-4d87-948d-4965d8dcacd4-image.png

    此帖一出,引來了不少網民留言,不少網民紛紛看不過眼該友人濫用公共資源,當中更大有人支持樓主舉報他:「咁有錢就唔好霸住有需要嘅人」、「真係咁有錢畀人知住公屋都幾肉酸」、「其實有錢點解唔住好啲,然後做人又唔可以光明正大一啲」、「富甲一方,啲錢唔見得光,左收右收坑渠老鼠咁」。

    不過,亦有網民表示早已見怪不怪,「公屋富豪」大有人在,自己也認識一個內地人嫁來香港然後申請公屋的事例:「老公出現金糧,有樓過百萬現金在大陸戶口,香港查唔到,仲拎盡津貼」。

    e8c0ef68-d8fc-4c01-854f-600eb50731d8-image.png

    閱讀更多
  • 主動報返收警告信,如申請嗰年份保險現金價值或红利超過資產或收入限額會即時取消公屋申請資格

    閱讀更多
  • 我漏報冇問題, 因保險金額不超過申請時資產及入息要求. 只是照例給你一份警告信. 但如加上保險超出申請時之資產及入息上限, 會即時取消資格, 冇得上訴.

    閱讀更多
  • 到你審查見主任時主動報返,冇問題。

    閱讀更多
  • 主要睇睇保險金額方面,銀碼唔大既,好似普通人壽之類既,見主任時報返多數無問題,
    我申請果陣就係無報到,見主任果陣報返就無問題

    閱讀更多
  • P

    最近收到藍卡,申請時沒有申報保險,如果審查前補返,會唔會當刻意隱瞞會被人取消資格架?

    閱讀更多
Copyright © 2022 u8hk.com. All Rights Reserved.