房署最新公配房編號
新2:1457500 新3:1452600 新4:1409800 新5:1409800
擴2:1402800 擴3:1389800 擴4:1382300 擴5:1404000
市2:1379000 市3:1371000 市4:1372400 市5:1378900

收房署信要求遷出!老豆愛面一直無講...


  • 4a98bd4e-25f6-4a4e-9c72-48aaa7386282-image.png

    疫情肆虐近兩年,不少基層打工仔生計受影響,失業率高企,一位網民指父親與妹妹等四人同住公屋,父親因在第五波疫情停工,以致拖欠租金3個月,卻為面子一直隱瞞,直至最近被房署出信要求遷出,事主只好急求解決方法。對於公屋戶終止租約問題,房委會其實有上訴機制,視乎租戶解釋是否合理,再決定會否修訂有關「遷出通知書」。

    該名網民近日在討論區「親子王國」發文,指50多歲父親與妹妹、後母及一名長輩,共四人居於公屋,每月租金3,800元,惟他因疫情停工,加上家人相繼確診,以致經濟出問題,無力繳付租金,故在今年2月至4月欠租,其後收到房署通知,要求其於5月底遷出。

    事主指自己原本與父親同住,形容父親愛面子,不會主動告訴他,以致每次都拖至問題越來越大,之前已試過欠租3個月,

    「嗰次搞到一發不可收拾,要我一下子拎一筆錢出嚟,我15至16歲已經時不時幫佢交租、交水電煤,次次都係拖到不能再拖,我一下子點變咁多閒錢出嚟?」

    事主指自己因疫情數月無回家,未料父親便在此時出事,形容得悉後感到無奈,自己也無力代父交租,急忙詢問網民如何解決。

    網民:即刻交返以表誠意

    帖文獲一眾網民留言給予意見,有人認為事主應著父親盡快交租,再向房署主任求情,並認為即使有經濟關難,應向房署申請租金援助,而且拖欠不交,「有經濟困難就應該一早出聲, 唔應該拖租」、「明知個個月都要交租嘅,可以咁拖咩」。

    隨後事主表示,父親已清繳欠租,聲稱「搞掂咗,話畀返封信房署就得」,並認為房署只是出信「嚇佢」,但事主仍擔心房署不會收回遷出要求令全家無屋住。

    欠租3個月可被終止租約

    據房委會資料,如公屋戶主欠租兩個月或連續欠租三個月後才繳交欠租,房屋署會終止租約。不過疫情下房委會亦有寬免措施,例如上月宣布在2022年4月至9月期間,公屋租戶如有短暫經濟困難未能及時繳交租金,可向房委會申請暫緩發出遷出通知書。若申請獲批,房委會將在這段期間暫緩向該些租戶發出有關通知書。

    有租戶曾上訴成功

    過去屢有公屋租戶因欠租被要求遷出,但也有租戶成功上訴。上訴委員會(房屋)在2022年4月常見上訴個案摘要中,提及兩個欠租遷出個案,其中一名上訴人因拖欠2021年3月及4月的租金,儘管房署職員多次發警告信要求清繳欠租,但他並未理會,故房委會在5月向其發出「遷出通知書」。

    其後該租戶指自己在2019年5月因工受傷以致腿部骨折,患處至今仍然經常疼痛,影響其工作能力及收入,加上受疫情影響,近兩年未能找到固定工作,令他的經濟狀況雪上加霜,導致他未能準時繳交租金。

    由於該租戶承諾會在指定時限清繳所有欠租,最終上訴審裁小組一致決定修訂該「遷出通知書」,該租戶必須在指定時限或之前清繳所有欠租,否則遷出通知書會即時生效,房屋署會即時執行遷出令。

    過也有欠租租戶上訴失敗,其中一名租戶於2017年4月至5月欠租,收到遷出通知書後清繳欠租,但至7月至9月再次欠租,被第二次要求遷出。

    當時租戶辯解指因經濟困難所致,不過上訴審裁小組認為,該租戶一再違反承諾,他且他亦承認自己有能力增加工時以賺足金錢清還欠租,卻沒有盡力搵工,才再次出現欠租問題,故小組認為他沒有誠意準時交租,不信納其日後可履行準時交租的責任。

  • 良心街坊

    搵屋邨主任傾傾,早排我試過欠交兩個月,同主任解釋番。

  • 好心街坊

    明知個個月都要交租嘅,可以咁拖咩?

  • 熱心街坊

    應該之前一兩個月都有催租信,出到叫你走最後一封信,先至肯去交,方理由話睇唔到囉。唔好理咁多,立即繳費靈又好,親自交又好快啲交咗佢先,先至求情啦...


  • 你一直唔繳費即係都冇誠意同悔意….就算趕你走點都要交埋你住咗嗰幾個月㗎


  • 有經濟困難就應該一早出聲,唔應該拖租,而家快啲交番嗰三個月,之後去搵主任同佢講睇吓得唔得啦,公屋有租金援助㗎

  • 熱心街坊

    上訴要有理據,欠租一定係租客問題,你應該寫求情信。

首次註冊 u8hk.com 成為會員需透過Google登入,成功登入後可以設定用戶名及密碼。
其他網友回應

  • 金銀花茶

    你打去房辦,同佢講幾月幾號大約幾點交左,叫佢地check多次。
    我都試過咁,最後佢地自己搵返份張表。

    閱讀更多

  • saya0216S

    我記得交表職員會即時發出證明.…

    閱讀更多

  • 一切隨緣

    主任話無都無計😓唯有再補交❗但一定擔心私人資料外洩

    閱讀更多

  • K

    填多一次、問題不大、與房署爭吵亦無意意、下次交表記得拍照留底

    閱讀更多

  • ckwongC

    揾返個肥婆職員問清楚

    閱讀更多

  • Maggie22M

    五月都未過又會咁快俾呢啲提醒信既

    閱讀更多

  • saya0216S

    封信最底咪寫咗 交咗就唔需要理會封信。申報表量多處理需時,佢出信果刻可能都未update得切全部資料,唔好太緊張,打電話去問一問先啦

    閱讀更多

  • 公屋2023

    我5月12號已經交咗富戶申報表畀管理處,有個肥女人職員話你交畀我得喇主任應該唔喺度,跟住今日收到封信話我冇交警告我喺5月31號前要交番,管理處係咩玩法?我份嘢去咗邊?入面全部係私人資料!
    IMG_6294.jpeg

    閱讀更多

  • 一切隨緣

    衰左可以再上訴:一次機會意思係第一次超額後半年至兩年內,喺呢段期間都可以上訴,但每次要相隔半年,而最後上訴日子係不變(一定係第一次超額後兩年之內)一般如果好心急半年即上訴的人可以上訴兩次,當中係計埋申請恢復/等有期見主任/上訴完等通知書ETC.物理時間)有D人計到好盡房署又好神速夾到時間係可以兩年內上訴3次。。。
    總之「一次」意思係唔會超過第一次超額房署畀你上訴期嗰兩年大限。另外兩年大限的日子係你提出上訴申請的最終日子,而唔係一定要喺兩年內完成上訴(見主任),你係可以最後一日向房署申請上訴都冇問題。

    閱讀更多

  • K

    新僱主肯幫你填就ok,唔駛特登搵返舊僱主;有新工就唔會睇舊工。一係你係非固定僱主/做散工,公司唔肯幫填薪金證明就用6/12個月糧單/月結

    閱讀更多

  • karrybbK

    你可以提供糧單,或者月結單

    閱讀更多

  • 公屋2023

    大家好,上年7月爆入息,3月交恢復申請,原本3人,3月時加多一個,總數是4人,而申報入息及資產表格已顯示4人。
    本身是固定僱主月薪,11月俾公司炒左,12月1號開始沒有工作直至4月頭開始返新的固定僱主月薪,但房屋署要我報9/2022-2/2023的僱員薪金證明書,但表格最遲31/5/2023要交。

    有兩個問題:

    如果舊僱主唔肯簽會點算? 如果搵新公司出,我新人工計3人入息會超過,但4人就不會過,信上寫要求恢復原有公屋申請,但報入息就是有4個人要報,如果可以搵新公司簽就最方便。

    349917012_1304948286807551_8509093578759972860_n.jpg 350095569_652813470008517_268723242208182605_n.jpg

    閱讀更多

  • AngelaA

    如果她兒子早已加戶..她可以優先做新戶主
    加戶由戶主申請…如果她兒子現時沒法加戶..你和她其中一人做新戶主…你們要達成共識由誰做新戶主

    閱讀更多

  • AmyLamA

    佢申報咗而又結咗婚加唔到戶❗現只可1個獨身子女加及就算係加都要得到所有戶籍人員簽名.但假如你做戶主都要審查資產+入息通過先可及如未60歲要調遷1人單位.

    閱讀更多

  • B

    冇偈傾,鬥拖,最後都係家姐做戶主成數較高。

    閱讀更多

您可能會有興趣:
  • 8
  • 4
  • 1
  • 1
  • 1
  • 2
  • 1
  • 5
Copyright © 2022 u8hk.com. All Rights Reserved.