首次註冊 u8hk.com 成為會員需透過Google登入,成功登入後可以設定用戶名及密碼。

入息超額!$2.9萬筍工港男為公屋辭職


  • 600a9851-0d29-4155-8f7f-8d1c064d59c8-image.png
    香港土地問題,上樓不容易,有言「得公屋得天下」,有名港男跟老婆排了公屋4年近日收到審查信,現時他倆月入共約5萬元,超出入息限額,港男計劃辭去月入平均約2.9萬的工作等上公屋,可是很忐忑,現時工作對他來說是筍工,但長遠又認為上公屋較好,陷入兩難。

    公屋與工作2選1

    該港男於星期日(27日),在連登討論區以「公屋與工作的抉擇」為題發帖,詢問網民意見,事主排了4年公屋,近日收到信要審查,可是他跟太太收入共約5萬元,超出公屋要求的入息上限,夫妻月花1萬元正租住350呎樓,如成功上樓,估計2人單位租金約$1300至$2000,公屋呎數約150至250呎,事主如想上公屋,大前提是處理好入息,計劃辭職。

    我學歷毅進仔,份工私人司機平均月薪2萬9,9成時間都Hea自由活動,舒服好工好老細,如果我辭職都好難搵得返依家呢個人工同舒適程度。

    他很不捨現時工作,形容為「份工人工同舒服到我願意幫佢打一世工」,處於公屋與工作的抉擇間。

    有忐忑過係咪真係為間屋放棄份工,但係長遠咁睇好似上咗樓條路點都好行啲。老細都有返咁上下年紀,應該捱唔到去我退休,工就一定唔會無得開嘅,最多搵少啲同辛苦啲。

    以公屋作踏腳石抽居屋

    事主沒有想過一世住公屋,過往有數十年抽居屋資歷的他,形容抽居屋「同六合彩一樣」難中,他就想到以公屋為踏腳石去抽居屋,如以「綠置居」增抽中居屋的機會。

    雖然他現時入審超額,但將利用重審入息資產有所調整的機制,如果上到樓,事主大機會考慮買白居二或抽居屋,有感2人公屋單位太細,若有機會生仔不夠用。

    壓力開支大不買私樓

    有網民建議事主有能力不如買私樓,他提及很多考慮因素,買私樓供二三十年,經濟加息環境因素,兩人事業不一定穩定去夠支持債務,私樓的維修項目、差餉管理費等又是一筆數。事主指跟太太早前收入只是約共3萬元,現時能有如此收入是幸運。

    我哋兩個都係毅進仔基層工,我承認喺肺炎肆虐當中,我哋兩個人工事業都逆流而上係好彩,但係唔排除一個唔好彩下年變返月入30K就GG(玩完) 。

    網民支持︰公屋大過天

    網民就此有不同意見,部分支持上公屋是優先考慮,「有綠表已經2個世界,又可以抖兩年,司機唔驚無工開」、「公屋大過天啦,冇咩好抉擇」。另一方有人反對放棄筍工,認為「份工穩定寧願捱多幾年儲首期買樓」、「好工可遇不可求」。

    樓主其實心中有數,「其實條路都決定咗八成係點行」,想上公屋為先,只是想看看更多網民意見,可否啟發有不同做法,他承認「窮人思維,如果唔係窮,點會諗公屋」。


  • 梗係上咗公屋再抽綠置居同新居屋,你依家10k租同公屋2k租,每個月多8k,到時抽唔到鄀唔會俾房署趕咁滯,進可攻退可守。


  • 份工今日幾好幾穩定,將來都會有變數。你自己都講好難搵得返依家呢個人工,咁就當然拎公屋係優先。


  • 至於鄰居嘅質素,喂私樓都有痴線佬啦,睇你彩數嘅啫,總括而言,公屋再一次完勝。


  • 司機無進升空間,俾人炒咁點?人工難聽啲講overpaid有公屋就唔同,可以綠表,租平唔使管理費。


  • 50K反正爆入息,有好工就搵多幾年錢先,拖字訣。


  • 唔建議辭工,你兩公婆兩年前仲搵緊28k,而家有50k,其實可以直接搵上車盤,唔使做租客啦。


  • 梗係揀公屋,你份工睇落唔可以做過世,兩公婆又無咩特別搵食技能,經濟差起上嚟供樓會好大壓力,試吓同老細講減人工。


  • 住得公屋俾人歧視一世,鄰居又低賤,仲話生小朋友,害佢俾人笑一世。


  • 俾我就繼續做啦,得罪講句你咁嘅學歷呢份工巳經可以叫完美,人工唔低穩定冇壓力好老細。


  • 公屋用料赢九條街,間格又實用。另外公屋唔使交管理費,又慳返一筆。

網友回覆

  • 攞鎖匙果日起就跟富户政策,租約成半年後至收到都大有人在。

    閱讀更多
  • 7月頭派和田貨尾極低層,請問已經收咗鎖匙,但係租約仲未寄俾我,現在係咪已經可以跟入住咗公屋之後嘅入息?定係要等收咗租約喺手先當係?

    閱讀更多
  • 你屯門堅決唔要,咁大元good fit la

    閱讀更多
  • 好似係第三派 要硬食

    閱讀更多
  • 搵東張西望

    閱讀更多
  • 主任要我自己搵X展清,
    有冇人可以教我點做?
    房署永遠變成1823, 得返一個星期回覆要唔要

    220929021599ed54c61e4dd0db.jpg.thumb.jpg

    大埔大元邨

    新3 G1384
    1派菁田 (拒絕)
    2派和田 (拒絕) 社工介入

    閱讀更多
  • 嘩 私樓質素

    閱讀更多
  • 裝修錢都可以慳返啲

    閱讀更多
  • 嘩,好過新屋多多聲

    閱讀更多
  • 月頭派咗俊宏軒…早兩日終於去睇屋啦!
    超開心,簡直係夢寐以求

    2209290014b9335defa4fa5058.jpg.thumb.jpg 2209290015d978151f4988b482.jpg.thumb.jpg 220929001498a24bf447fd8611.jpg.thumb.jpg 22092900150b839870531b56fa.jpg.thumb.jpg 22092900154accbb26de0eb396.jpg.thumb.jpg 22092902193c5f5176c8700b3c.jpg.thumb.jpg 2209290015b069b505bd199695.jpg.thumb.jpg 220929001591597503a455b9f2.jpg.thumb.jpg

    新4 G1342
    7月首派皇后山皇順1樓拒絕
    8月二派友愛邨友暉凶宅,唔計一次
    2/9再二派俊宏軒中高層畢業
    26/9睇樓簽約,完美畢業

    閱讀更多
  • 早知今日 何必當初 見好就收啦

    閱讀更多
  • 屋邨人既素質不及私樓

    閱讀更多
  • 香港樓價高企,基層市民對公屋的需求亦與日俱增。雖然公屋難求,但獲派「問題單位」、不合心意的公屋亦確實讓人進退兩難。近日有港媽獲派3次公屋,但由於不同原因放棄編配,大呻「想點呀?激到暈,焗住要博四派」。

    _77057253162a058cfcebbf.jpg copy.jpg

    獲派3次公屋不合心水 近日有港媽在facebook群組「香港公營房屋討論區(FB版)」發帖,指其一家四口輪候公屋,目前已獲分配單位3次,首派到三派歷時4個月。 該港媽首派油塘「凶宅」,二派井字型舊式,三派1樓低層單位,她形容「地庫L1衰到無人有」,以上單位皆因不合心水而放棄編配。

    拆房署的信真是手震,一派油塘問題單位,二派順利井(字型),三派順天L1,想點呀?激到暈,焗住要博四派⋯⋯

    由於該港媽的首派屬「問題單位」,她有第四次編配的機會,惟是次放棄後就需再輪候。

    首派「問題單位」 該港媽曾在群組分享過首派公屋是油塘油麗邨卓麗樓一個「問題單位」,指單位內發生過自殺或意外死亡事故。 雖然該屋邨的環境不錯、交通方便,但由於家中有小朋友,港媽擔心「凶宅」影響小朋友的成長,雖感可惜,但也要放棄,又指「房署浪費人力物力浪費大家時間,基本都會拒絕不會要的。」 帖文引起網民的熱烈討論,有網民表示百無禁忌,比起「凶宅」,指自己更怕上不到樓。 不過,亦有網民理解「凶宅」不是人人都能接受,認為港媽既然介意就應該放棄編配。 有網民更分享朋友入住「問題單位」後生活總不如意,「男人是職業司機,無端端停牌一年,欠下很多債務,就是生活不順,沒有因得到公屋生活質素好過,還要債務重組,申請低津,申請減租又減唔到」。

    天水圍「特殊」公屋 早前亦有另一名港媽獲派天水圍「特殊」公屋,不過「查明往績」後放棄上樓。 港媽指輪候公屋多年,終收到房委會的配房通知信,獲派天水圍天晴邨晴碧樓的單位,月租為1897元。 通知信中附有「請參閱附頁以便了解上述單位的特殊情況」的字句引起事主的注意,隨後事主上網查閱單位資料,結果發現輪候已久的單位是「凶宅」。

    「本身好開心,好興奮,上網一查,原來係凶宅,仲要吊頸。」

    網上資料顯示,一名女子於2012年11月,在單位內吊頸輕生逝世。

    e46c60a3-b889-4967-825f-78ab02c406af-image.png

    擔心影響小朋友成長 事主本來住在天水圍,希望能一直留在此區,故得悉獲編配天晴邨單位時「開心到彈起」。 不過,事主表示會放棄今次的編配機會,指家中有2位小朋友,擔心單位「無日安寧」,影響小朋友的成長。又表示「都等咗咁多年,唔差在啦」。

    閱讀更多
  • 【公屋/配套】常有人說「得公屋得天下」,有網民就於討論區發文討論「邊條公共屋邨配套最屈機?」,其中牛頭角下邨、鑽石山啟鑽苑、深水埗海達邨、沙田乙明邨、瀝源邨,以及油塘邨都被不少網民點名,當中以牛頭角下邨公認最「屈機」。不過,有2個屋邨配套則同時被網民認為「最慘」,分別是大埔富亨邨及長洲長貴邨。

    z3dVlUkTmArPRkbuwE1n29odnEIzvezDxS_zkMUv85A.jpeg

    該網民於連登討論區以「邊條公共屋邨配套最屈機?」為題發文,拋磚引玉指出牛頭角下邨位於九龍區,近港鐵九龍灣站,又有德褔廣場及牛頭角街巿,配套相當完善。

    帖文隨即引來熱議,除了牛頭角下邨,鑽石山啟鑽苑、深水埗海達邨、沙田乙明邨、瀝源邨,以及油塘邨都有不少網民提及,主要優點都是交通四通八達、民生康樂如街市、商場、泳池等設施充足,更直指「好多都屈,公屋>私樓」。不過要數最多人提及和最「屈機」的,仍然公認是牛頭角下邨。

    閱讀更多
  • 認真睇都唔錯

    閱讀更多
Copyright © 2022 u8hk.com. All Rights Reserved.