首次註冊 u8hk.com 成為會員需透過Google登入,成功登入後可以設定用戶名及密碼。

父一人住600呎公屋想抽居屋網民質疑借名買樓


  • 房委會明年出售7個新居屋屋苑,價錢以市價51折定價,入場費由124萬元起,不少市民蠢蠢欲動部署購買。有網民在公屋討論區發文,指其父親現正1人住在600呎公屋,媽媽已經入了老人院長住,已經除名的一家人和爸爸不想一個人獨佔用間大公屋,打算「交返間公屋讓有需要的人住可能更好」。

    _2021122323362618934.jpeg

    發文者於是問,其爸爸是否可以作為申請人交出公屋,由正在租住私人樓宇、已婚的兄長跟正在領取綜援的爸媽聯名用綠表抽新一期居屋。發文者說她自身無業無法協助父親申請,因父親已無收入又無資產,應該末能上會,但兄長做護士收入穩定,月薪大約6至7萬元,因此只有兄長有能力負責供款。

    網民意見不一

    「你哥搵6、7萬但爸媽拎綜緩,講唔講得通」

    「我第一時間諗呢樣,通常叫長老公屋換居屋話一齊住方便照顧,最終咪又係放位老人家去老人院,根本就借長老名買居屋」

    「子女月入六七萬,父母都要拎綜援。腦退化,你講到你哥一人揾食,阿嫂仲有小朋友要照顧,真係照顧到老人家?老人家最後嘅價值就係公屋換私樓,希望唔好換完趕老人家去老人院」

    有人擔心
    「如果樓主阿哥用咗老豆間公屋換居屋, 日後老人家同阿哥一家有拗撬, 最終係送佢去老人院?」。

    也有人指
    「阿哥結咗婚,係計家庭喎!即已經唔可以用老豆+哥哥名義申請。」
    「如果公屋仲有阿媽名,當家庭,抽居屋機會高啲,如果只剩得爸爸名,當單人抽,都無乜機會抽到大單位。我老爺單人名抽咗兩年都抽唔到, 最後係上一期青衣剩返細單位,先有機會買。 細單位一定唔夠你哥一家和爸爸住。」

    發文者解釋,因父親年事已高有腦退化
    「如爸有居屋便可和哥一家人住,又可照顧他。」

    發文者又補充
    「我哥每個月都有畀錢我父母㗎,點會利用呢,我爸好錫我哋的,都想同我哋一齊住,因他一個人好孤單,我自己因住公屋,一家四口,加埋奶奶,不方便接爸來住,平時又耍凑仔女同照顧奶奶,奶奶已中風,所以都好少探到爸,其實抽居屋的意念是爸提議,因不想哥交貴租,又可同住方便照顧。」

    經過網民眾說紛紜發文者透露
    「另外我已把大家的建議告訴哥了,我哥話咁多問題就唔好搞了,寧願用醫管局個計畫買樓,呀爸轉細單位便好了。」


網友回覆

Copyright © 2022 u8hk.com. All Rights Reserved.