收到房署繳費通卡，交租時，7-11話請與房署聯絡，交5到咩情況（剛配方2個月
特快公屋畢業了！慶幸前戶主只係搬新屋不是問題單位
-
終於輪到我今年特快號碼300幾…本身份名單出嚟第一日已經無咗心頭好彩德邨！然而轉向何文田個四至六人單位…雖然特快資料寫住2012年有問題…
但係實地考察，街坊話呢個單位上一手去年2022年買樓搬走，慶幸慶幸！
房署的問題單位你一日無去實地調查，一日都未知咩情況！430尺4人家庭，兩個仔唔需要轉校，大開心！
市4 藍卡G1373 登記時間2015年6月
2022年房協見主任審查，10月合格
2023年6月房署見主任，8月合格
2023年8月底首派漁灣邨漁順樓
2023年特快畢業 -
恭喜你揀到心水單位；街坊無呃你，房署都無呃你。
2012年，住該單位既男戶主夜晚跳樓自殺；
約兩年定三年唔記得具體日期，開始有人入住，就如街坊所講，入住到依家買樓搬走了。 -
其實無嘢，百無禁忌，度度都有呢D事。
最緊要開心，恭喜恭喜 -
買得樓嘅，承接上手運氣，間屋本身就無野啦！多謝你
-
何文田有5至9人十樓600呎，
原本我都有些興趣，題被人揀左。 -
所謂10樓其實係 3 樓嚟，7樓係孝民街地下，無你想像中咁高
實地嚟講，條街好多車，我平日去過了果條街，無下次 -
搬新屋都有可能係因為本身住得唔舒服
網友最新回應：
-
公
四人家庭入息超左幾十蚊！(自己計，未見主任),唔想停賽半年可以有咩方法，即刻cut左d保險或者辭工趕唔趕得切？有冇合法嘅辦法解決？之前已經試過擴市轉市區，再轉返擴市。
長工計底薪加花紅雙糧果啲，如果散工就簡單，半年或一年內收入平均。 用合法既手段去做犯法既嘢,住公屋真係晒左你 幾十蚊唔大影響呀？ 改期先。跟住唔好返工十日八日 如果唔係大公司,你填嗰份form係見主任前六個月入息,你可否填少幾百蚊,跟住同老闆講聲都得掛 如果未見主任轉區先，再停工 放一個月無薪假 請假應該是正解，如差幾十蚊。 唔得，因為自願放無薪假而令人工下降係唔理，都只會睇你原本嘅底薪 冇用。主任會扣起呢個月唔計 唔好以為改期跟住唔翻工，人工計法每個人唔一樣，專登cut人工，請假，分分鐘得不償失 計計下又可能有灣轉，非年終花紅係唔係計落津貼度？如果八九個月前嘅酌情花紅係唔係唔使報？如果係咁就冇問題喇！ 跟老闆商量下，請假半個月，然後每日照常返工，叫老細出現金支票。咁皆大歡喜 如果係固定月薪，只會計月薪，NPL都冇用 半年超左少少，都會你計一年入息 改期最多推遲4-6個禮拜，點都要見一次主任先
-
公
房屋局今日（12月1日）宣布，過渡性房屋亦會「跟機」，調整過渡性房屋甲類租戶須輪候公屋滿3年的條件，讓新生嬰兒的家庭在輪候公屋滿兩年，便可由乙類「升級」為甲類，以增加入住機會。
《施政報告》提出，在公屋輪候推出鼓勵生育措施，輪候人士有未滿一歲的初生嬰兒，可縮短一年輪候時間。房屋局表示，現時輪候傳統公屋未滿3年的家庭／人士，屬過渡性房屋乙類租戶，但在10月25日或之後，即《施政報告》公布當日起計，有新生嬰兒的家庭，今日起可獲縮減一年輪候傳統公屋時間申請的要求，即輪候公屋滿2年，便符合過渡性房屋甲類租戶資格，申請家庭須於嬰兒未滿一歲前遞交申請；其他申請家庭／人士則維持現有要求（即已輪候傳統公屋滿三年），方符合甲類租戶資格。
當局指，期望新措施能幫助有需要的新生嬰兒家庭加快脫困和更好生活。根據過渡性房屋的營運規定，營運機構須將項目內不少於80%的單位供甲類租戶入住，但可按其服務特色，自行訂定其申請對象的細節準則，並預留不多於20%單位予其他類別的申請者（即「乙類租戶」）。
油塘有工業大廈改裝為過渡房屋
位於油塘東源街一號的「光廈」過渡性房屋項目去年獲批9,130萬元資助，將由社企「要有光」營運。根據房屋局最新文件顯示，「要有光」獲公益業主以象徵式租金，把該幢6層高工業大廈全幢租予作過渡性房屋之用，工程將於明年第一季開展、明年第3季竣工，營運不少於5年，提供約166個單位，預計約560人受惠。
-
公
今日房屋委員會公布了公屋最新輪候時間，截至今年9月底，在過去12個月獲安置入住公屋的一般申請者的平均輪候時間為5.6年，較上一季上升0.3年，當中長者一人申請者的平均輪候時間則維持在3.9年終止自去年8月起的跌勢，距離房屋局將輪候時間在6年的封頂水平只差0.4年。11月30日房委會公布解釋，今年是未來數年內公屋產量最低的一年，故過去12個月獲安置的一般申請者，大部份入住位於市區或擴展市區的翻新單位，其輪候時間較新界區公屋申請者的輪候時間長大約一年，致公屋平均輪候時間上升，並預期明年上半年會持續上升。惟當局強調，在2024/25年度起，公屋供應會逐步增加，「目前輪候時間的短期上升只是轉勢前的必經階段」，強調將公屋綜合輪候時間（即包括簡約公屋）下跌至4.5年的承諾維持不變。
過去公屋輪候時間
截至9月底，公屋一般申請者的平均輪候時間為5.6年，當中長者一人申請者的平均輪候時間為3.9年。房委會指，現時約有132,000宗一般公屋申請，以及約96,600宗配額及計分制下的非長者一人申請，即共有228,600宗申請。
對比今年6月底數據，當時共有230,000萬宗申請，而最新申請宗數減少1,400宗，減幅主要來自一般公屋申請，較上季減少1,100宗，而非長者一人申請亦較上季減少300宗。
房委會解釋：因過去數季新單位供應減少
另外，今年第三季編配入住公屋的一般申請約3,500宗，當中獲編配的長者一人申請約940宗。同一季度獲編配的配額及計分制下的非長者一人申請約為150宗。房委會表示，今季的平均輪候時間較上一季上升0.3年至5.6年，主要是由於在過去數季新公屋單位供應減少，強調今年是未來數年內公屋產量最低的一年，故過去12個月獲安置的一般申請者，大部份入住位於市區或擴展市區的翻新單位，他們的輪候時間較新界區公屋申請者的輪候時間長大約一年，導致公屋平均輪候時間上升。
過去公屋輪候人數
當局強調，公屋平均輪候時間六年封頂目標不變，亦承諾公屋綜合輪候時間亦會在2026/27年度回落到4.5年。
預計明年上半年持續上升
當局預計公屋平均輪候時間在明年上半年會持續上升，但強調在2024/25年度，屯門、東涌及新界北，以及在2025/26年度在觀塘、古洞北、粉嶺北及上水等地區均有不少新公屋供應，加上3萬個簡約公屋單位於2025年陸續落成，有信心整體公營房屋供應會持續明顯增加，形容「整體公營房屋供應會穩步踏入明確的上升軌道，目前輪候時間的短期上升只是轉勢前的必經階段。」
-
公
本身住開大埔
剔咗新界 第一派皇后山 第二派呢度
醫生幫我寫咗信希望可以接近鐵路沿線
都派咗富蝶畀我🥲
唔知道搏唔搏第三派好網友點睇？
皇后山好過富蝶，醫生信冇用㗎，除非你坐輪椅㗎咋 住新樓好過比近地鐵對身體更好 在家的時間比你搭地鐵既次數一定更多 住開大埔梗係皇后山好，不過第三派仲衰可能，如果可以都住，話晒新樓 你兩派都新樓仲想點？ 二派中番大埔重想點？！三派去屯門就無得揀番轉頭㗎 咁得意近鐵路，關身體咩事，仲有個醫生係咪傻，咁都可以以咁嘅理由開信，無野呀嘛，我都有病，我想住高層新樓，最好交通方便，樓下有商場，學校，最好有埋社區中心，游泳池 第三派就算交通不便你都要硬食架喇，如果唔係就重頭排過，自己諗清楚 連續兩派新樓。幾多人恨都恨唔到。真係想問你一句。你想點 同人唔同命，我中咗屯門三寶就真係好運啦 富碟邨去富亨邨上面，醫院就喺隔籬 鐵路沿線只會係舊樓 其實你呢啲咁嘅個案隨時上01新聞原文：https://www.facebook.com/groups/649256063541218/posts/874146581052164/
-
公
請問彩虹邨是不是要拆了，點解仲派嘅？大家俾下意見。
由建議、研究、討論、審批、執行，拆卸，起新樓，你估下幾年？😅 三十年 就快公布了，未公布前都會繼續派的，住幾年又有新公屋住 等多幾年先，你咪當佢係過渡性房屋咁住先囉 派俾我 我實要 分階段續步。二十年後估計會搞掂 正呀！住幾年搬新樓 比著我幾大都要 公布拆再算 等搬都要時間，有好多人住得辛苦嗎,又平租住自先,到時搬去對面就好開心！ 除咗車聲嘈啲，單位細啲，環境舊啲，其餘乜都好！ 有排.未拆住住多十年八年先啦 其實唔係派比你彩虹邨，係麗晶花園對面新樓 要，12月10號後公佈左應該就唔會再派 12月10日後公佈重建，一日未公佈都可以派樓 華富夠重建 又係繼續派 唔啱嘅話我搵豬頭骨同你交換 住幾年搬囉，唔好花大錢裝修 唔通你覺得 政府話拆就立即拆咩
精選網友留言:
等到真係拆，咁大型既同區安置即係起到新村先有位俾你搬，你諗下要幾多年？俾我都會要左先，起碼近地鐵又唔駛捱貴租/劏房，最多唔花大錢裝修，預用返1x年後就換新野啦睇更多留言：
https://m.facebook.com/photo.php/?photo_id=645629637780091&set=a.390903926585998
-
公
原本過渡屋的甲類申請者需要符合輪候公屋達3年或以上的條件，而乙類申請者即為未有輪候公屋滿3年，但居於不適切住所的人士。不過，何表示有見新一份《施政報告》提出「家有初生優先配屋計劃」，讓今年10月25日或以後有嬰兒出生的家庭縮減一年的輪候時間，過渡性房屋亦作相應調整，讓有新生嬰兒的家庭只需輪候公屋2年或以上，就符合甲類申請的標準；至於乙類申請者方面，有18歲以下兒童的申請家庭，也會被納入為居住需要的甄選考慮因素。何永賢表示，希望這些措施能幫助有需要的家庭加快擺脫惡劣居所，改善生活，讓成長階段的小朋友有個更具安全感和幸福感的童年。
元朗「同心村」過渡屋照片早前《施政報告》宣布初生嬰兒家庭可「插隊」，縮減一年公屋輪候時間，而過渡性房屋亦作出相應調整。房屋局局長何永賢今日（16日）在社交網站上發文表示，房屋局副局長戴尚誠昨日（15日）與過渡性房屋的營運機構舉行會議，將調整過渡屋甲類申請者的定義，讓有新生嬰兒的家庭由輪候公屋3年縮減至2年，便能成為甲類申請者，有關調整將於今年12月1日生效。
元朗「同心村」過渡屋
-
公
房委會資助房屋小組委員會今日舉行交流會，分別與劏房一人住戶關注組、關注基層住屋聯席兩個關注住屋問題的團體會面。關注基層住屋聯席參與交流會，提到街坊在通過詳細資格審查階段後，也不能在短時間「派房」。
房委會資助房屋小組委員會10月14日舉行交流會，與兩個關注住屋問題的團體會面。有團體關注非長者一人住戶公屋政策，並提出多項建議，包括促當局取消現行的計分制、為非長者一人住戶統一派放現金試行津貼等。有團體則提出，希望房署能夠公佈公屋申請人在通過詳細資格審查階段後的編配時間。
要等至50歲才有機會上樓
劏房一人住戶關注組指，非長者一人住戶公屋申請採用「計分制」，且有「配額制」，可獲安排見主任、即詳細資格審查的分數愈來愈高。關注組中有成員輪候近20年，仍未有公屋分配，大部分非長者一人申請按正常上樓機制，亦至少要等至50歲才有機會上樓。
關注組建議取消計分制，按輪候先後次序及居住環境等作配屋準則，並為輪候時間訂定標準，同時提高配額制至公屋落成量之30%及不設上限；建議興建單身人士住房，類近於安置大廈或獨立廚廁之長者住屋。
不少人為符輪候公屋資格減薪減工時
關注組也指出，現金津貼一直未擴展至非長者一人住戶，N無津貼（即非公屋、非綜援的低收入住戶提供一次過生活津貼）政府亦已稱無意再推，零支援、零津貼令非長者一人住戶非常無助。同時，公屋入息限額過低，不少人為符合輪候公屋資格，減薪減工時，變相也鼓勵申請人依賴社會福利。關注組提出當局應為非長者一人住戶統一派放現金試行津貼，並重新審視公屋入息上限計算機制。就關注組提出的意見，房屋署回應指，會繼續進行一年一度的定期查核工作，以及監察經修訂的配額及計分制的實施情況，確保公屋資源得到合理分配。有需要人士可向社署求助，合資格的公屋申請者亦可以透過「特快公屋編配計劃」增加提前獲配公屋單位的機會。至於公屋入息及資產限額，則會繼續每年檢討。
促公佈有關編配輪候時間
另一團體關注基層住屋聯席同基層街坊參與交流會，並提出兩項議題，包括關注街坊在通過詳細資格審查階段後，也不能在短時間「派房」，甚至完成詳細審查後的等候時間越來越長，希望房屋署能夠公佈有關編配的輪候時間。
聯席也提到，發現最近有三人住戶獲編配二至三人公屋單位，而非較寬敞的三至四人單位，擔心住戶一旦入住後，出現輕微人口增加，便容易成為「擠迫戶」。
就聯席的意見，房屋署回應指，現時合資格的公屋申請者在所選的區域共有最多三個配屋建議，公屋申請者獲編配的單位的人均居住密度，將不少於7平方米室內樓面面積，申請者可按其意願及自身情況決定是否接受首次編配、或等候其後的編配。公屋編配的情況受多項因素影響，申請者在各公屋選區的輪候時間會不停變動，署方不能預計個別申請者所需的輪候時間。
-
公
《施政報告》提出，成立「解決劏房問題工作組」，以定義劣質劏房，以及其取締方案。消息人士表示，當局正研究讓劣質劏房居民優先入住過渡性房屋和簡約公屋；至於未滿輪候公屋未滿三年的劏房戶，則可透過乙類，即透過不適切居所配額優先安排入住過渡性房屋，相信簡約公屋亦有機會跟隨相關做法。
《施政報告》提出研究取締劣質劏房，安置方案成為外界焦點。據了解，房委會10月10日就《施政報告》的房屋政策舉行交流會，房屋局局長何永賢和常秘羅淑佩均在場與委員交流。消息指，會上提到當局正研究以過渡性房屋優先安置劣質劏房居民，日後輪候公屋未滿三年人士亦可優先上樓，簡約公屋亦有可能跟隨。
公營房屋單位超額完成有望「住大啲」
消息續指，當局在會上提及，現時已覓得足夠土地，在未來十年興建41萬個公營房屋單位，已超額完成10萬間，故有空間研究「住大啲」，進一步增加公營房屋的人均居住面積，惟現時「頭五年期」的項目有九成已上馬，故最快只能在「後五年期」的項目改動戶型，實踐「住大啲」。
委員追問催谷生育優先選樓計劃成效
另外，《施政報告》亦提到，為鼓勵生育，將在公屋和居屋分別推出「家有初生優先配屋」和「家有初生優先選樓」計劃。據了解，今次的交流會上，有委員追問相關計劃的成效，質疑提早上樓是否能鼓勵夫婦生育，亦有委員關注現有措施傾側公屋輪候人士，希望其他階層亦能受惠。
人均居住面積或納入單位「封底」條件
翻查資料，房委會今年初在例會上通過，於2026/27年度起，為居屋「封底」至不少於280平方呎，而公屋，除一至二人單位外，一般室內樓面面積亦不少於226平方呎。消息 人士指，房委會現時以人均居住面積訂於10平方米（107平方呎），若租戶人均面積低於7平方米（75平方呎），則可申請調遷，相信當局日後會將人均居住面積，納入單位「封底」的條件。
-
公
一名網民早前表示等了8年半，終於獲得一個特快公屋6人單位，上樓參觀「好鍾意…祝大家早日安居樂業」，其他網民見到相片，紛紛大讚單位「好大」、「好大間」、「好正」、「超光猛，真好」，亦有人疑惑：「咁靚單位點解會去咗特快公屋呢？間屋有咩問題呢？」有留言估計單位曾發生事故，但認為無所謂，「入伙嘅時候做足拜四角嘅儀式， 送走唔好嘅東西， 但求心安」。
公屋一向供不應求，特快公屋都非常搶手。樓主在公屋facebook群組圖文並茂表示，輪候公屋8年半，最近獲得特快公屋，前往參觀該個6人單位，不但分成3房，而且向南，形容非常喜歡新居，「感恩上天一切都係最好的安排，祝大家早日安居樂業」，樓主沒有交代新居位置。
多名網民大讚單位，祝賀樓主獲派新居，「三房同個客廳都大」、「真係好大，好企理」、「超光猛，真好」，亦有人感到疑惑，詢問「咁靚單位點解會去咗特快公屋呢？間屋有咩問題呢？」其他人估計曾經發生事故，但認為即使曾經發生事故都無所謂，「入伙嘅時候做足拜四角嘅儀式， 送走唔好嘅東西， 但求心安」。
更多網友回應：
呢隻咁黃既米黃色又係房署嘥錢系列 記得記得記得換色，我岩岩產晒啲油 先知埲牆滲水，足足5層 哩啲單位好，窗口特別多夠通風，四四方方易間隔，好過啲新樓好多，恭喜上樓新居入伙，好運接住來 三房個客廳都大，同我格式一樣 6人單位 和諧式有2個廁所, 恭喜選到心水單位 甘靚單位點解會去左特快公屋呢？間屋有咩問題呢？ 入伙嘅時候做足拜四角嘅儀式， 送走唔好嘅東西， 但求心安～
-
公
近日有網友在facebook公屋群組發帖，指正以3人家庭身份輪候新界區公屋，8月初見房署主任後，9月確認合格，10月底獲首派，「派咗3寶之一（指友愛邨、蝴蝶邨、大興邨，均為樓齡高舊公屋）。他指單位位於超低層，房署還提供8個月減租優惠，「有冇同路人派過蝴蝶（邨）？」。公屋難求，但獲派俗稱「屯門三寶」又未必高興？有網民近日發文，指一直輪候新界3人公屋單位，近日首派屯門蝴蝶邨蝶聚樓，而且有8個月減租優惠，覺得配套不錯，但又正考慮拒絕後的部署，不知應否轉回擴展市區隊伍。未料不少網民籲樓主拒絕，更有居住邨內的住戶直指「三寶居住環境最差係蝴蝶」、「衛生環境差」，力勸要三思。不過，有網民看出樓主突然轉排新界區單位是「想博富蝶，呢鍋熟透喇」，又有留言認為有可能三派都是舊樓，接受首派至少不用捱貴租。
樓主上傳的配房通知信所見，他獲派蝴蝶邨蝶聚樓，單位月租為1,209元，租約生效後可享有8個月的租金減免，每月繳交的寬免租金為604元，若接受單位，需於11月3日早上到屋邨辦事處辦理有關手續。
他好奇問現時新界3人輪流的話，是否多數獲派「三寶」，又正思考如拒絕後應怎部署，「留守新3還是轉回擴隊（擴展市區）」，指本身是排擴展市區「超前號」（申請編號前於房署公布的配房大約最高編號），「請多多指教，祝大家早日派心水，安居樂業！」。
樓主又透露自己是8月初由擴展市區隊伍轉到新界，未說明輪候時間，但未收過特快公屋編配信。帖文其後以題為「新3好不幸首派屯門三寶！超低層有8個月減租優惠」轉載到公屋討論區。
不少網民建議樓主拒絕單位，有人同樣新3首派蝴蝶邨中層單位，上門查看後覺得「超級差，拒絕咗二派友愛邨」、「上去睇，親自拒絕」。有居於邨內的網民力勸樓主放棄，認為「三寶居住環境最差係蝴蝶，除咗交通配套方便，學校多之外好多問題，樓主要認真考慮下」。
樓主回覆認為配套蝴蝶邨不差，只是怕低層有老鼠。該居民解釋，屋內環境各舊屋邨差不多，「問題係依度衛生環境差」，指大堂地下很多垃圾煙頭、用過口罩，「亦親眼見過有街坊離遠飛袋垃圾去蓋住咗嘅垃圾桶上」。而且居民指邨內球場會有人播歌及許多小孩尖叫，住在中層關門都會聽到，「我住咗幾年報咗警幾次，保安俾我投訴到去保安公司，同邨嘅朋友都有類似嘅經歷，真心勸你要三思」。
由於樓主本身是擴展市區超前號，突然轉去新界，網民看出他想派到新的大埔富蝶邨，「早唔轉遲唔轉，想博富蝶，呢鍋熟透喇。轉去市區避一避，跟貼青衣新樓預派時間，見差唔多再轉返擴展搏殺過」，樓主也笑言富蝶邨「派晒啦」。
也有網民認為舊屋邨一樣不錯，「我首派皇后山，二派蝴蝶邨，我哋都要咗蝴蝶邨」、「我7月新3二派蝴蝶，入伙咗兩個月，其他真係唔太差，不過你首派其實可以博下，我有個2歲小朋友，開支大咗好多，唔想再捱貴租」、「我三派都係舊樓啦，欠缺運氣」、「如果你想要快，依家就有樓畀你上，舊又唔要，咁即係唔係想快上樓，咁點解唔返去等東涌，過嚟做乜」。
-
公
俊宏軒
大埔人首派俊宏軒。7年半完美畢業了🥳🥳
雖然小朋友要轉校
點解派居屋既？
俊宏軒興建時規劃係居屋，02年停售居屋後，入伙至今一直轉左做公屋。網友點睇？
包晒廚櫃地板間隔，真係即刻有得住🤩 喺公屋嚟嘅、正到冇朋友 俊宏軒正嘢喔 羨慕 好過買居屋 會唔會太吸引.. 居屋質素…正到爆 居屋間隔超正，有哂兩大超市，多食店，佳寶，麥記，kfc，360，759，萬寧，123，藥房齊，附近多公園，學校，巴士快。 有曬 地板 ，灶頭簡單裝潢 唔錯。 恭喜 有地板、櫥櫃唔好浪費，用得就用，修飾一下好靚 私人參建公屋無論單位間隔和室內裝修都畀其他公屋優勝！ 正
俊宏軒（英語：Grandeur Terrace）是由香港房屋委員會聯同私人機構俊和發展集團合作發展的一個公共屋邨，由巴馬丹拿建築師有限公司設計，位於香港元朗天水圍新市鎮北部第111區，原本為私人機構參建居屋，現已改作公共屋邨作出租用途，現時由城市專業管理有限公司負責屋邨管理。
本物業由俊和發展集團於2000年至2003年發展，整個工程耗資達15億港元，在2006年獲選為優質建築大獎。
俊宏軒背景俊宏軒原本屬「私人機構參建居屋」計劃的屋苑，並且（原本）為全港大型的「私人機構參建居屋計劃」之一，屋苑於2003年5月落成，並擬於2001年的居屋第23期乙中出售，之後因香港政府於該年宣佈停售居屋一期而改為公屋作出租用途，是香港有史以來首批由私人機構參建居屋後改為公屋出租的項目，屋邨斥資15億港元來興建，是香港用料最昂貴和最豪華的公屋項目。
值得一提是，項目在2003年落成時，其中4座住宅大樓的天台均安裝太陽能發電系統，供大廈內的公共走廊照明供電，但原來相關設施在2009年已完全停止使用，房屋署至今仍未對外公佈。
俊宏軒合共有11座，1，2，6，7，8，9，10和11座樓高37層，而3，4，5座則樓高38層。屋苑附設5層停車場、一間幼兒園及一個中型商場；商場設有天橋接駁至天恆邨及天澤邨。
因為俊宏軒原本計劃以居屋出售、不過現已改為公共屋邨，所以部份單位都比同區公共屋邨的單位為大（例如單位內有三房兩廳兩廁所），所以租金亦比較高（約10%）。
資料來源：維基百科
-
-
公
假設一個3人家庭和4人家庭大家都係排左3年，而3人家庭即將生多個BB，係咪會比同期4人家庭快一年上樓？謝謝
公屋BB加名
我係咁諗：咁多年都等咗，唔志在等多一年。唔會因快一年生多一個B。4人單位比其他單位要慢好多 本身3人大約5年，4人大約8年，比你8-1年都無咩用 原本都等5-6年，生多個早一年，咁生3胞胎，會唔會即刻有樓？ 其實有冇快一年根本唔會知 加多一個人印象中會扣減已排時間嘅一半😗 有新移民家庭成員就最快 推遲一年又快一年咁樣囉。 話快一年根本冇實際透明準則，語言偽術 人 你快一年但係都睇號碼 加上大單位好少 你覺得有用咩？ 實質三人家庭比四人家庭早兩年到上樓 其實就好似中途加長者享天倫樂快半年咁樣 正常跟號碼排隊，我唔明點快一年🤔除非又多條特快隊 排？耐？根本無人知順其自然舒服啲 好多野都係講左當做左！ 由3人隊轉咗去排4人隊，麻煩再等一等 可能重新排過4人隊再扣一年呢 尋日先至公開施政報告，再過行政會議，立法會，財政預算案。最快都要出年4月1號先至會成事，慢慢排公屋啦，兄弟姊妹齊齊等啦！ 3人生B之后变4人，都不知点样排过队，可能重新排！！！ 佢講你就信🤣講左幾年縮短上樓時間有做到嗎？你生一件就快一年咁個個都生哪裡有屋俾你生仔咩～一年就多一間屋呢個正苦鳩嗡冇上限聽完開心左就算啦- 唔通你生完一件上房署問佢幾時有樓咩！ 好多人都想知，你試左可以報告我地，好人一生平安！
網友點睇？
-
公
公屋預測建屋量 2023-2024
*附件：2023-24 年度的公營房屋預測建屋量.pdf(2023年9月更新)
*PDF附件2023-2029 所有公屋落成量資料，例如以下：
公屋測建屋量 2028-20229
-
公
想請教一下，我住的單位樓上，五年前開始裝修，一裝就裝左兩年，樓上單位入住後，早上有小朋友走來走去一，不只一個。中午到黃昏，就不定時就鑽牆（維修或裝修嘅躁音）😔到晚上，d小朋友又走黎走去。近呢一年仲加多樣，晚上十點左右會跳繩，有時零晨跳番廿零三十下，😑就算每次叫管理處，都捉佢唔到，就算錄佢音都冇佢符，我可以點樣做？
因為我番輪班工作，樓上就乜時段都總有躁音...唔係追逐就鑽牆，又大力關房門，一係鬧交，一係整哭個小朋友，一係跳繩。
我一家三口已困擾左五年，幾年間我長期睡眠不足，焦慮崩潰很久。係咪要攪大佢先可以收科，報警及報東張西望有冇用？定係打1823投訴話管理處理唔到，樓下枱頭管理員有冇上去口頭警告又唔知。
希望各位大佬大姐教下我可以點做😭🙏感激萬分
原文：
https://www.facebook.com/groups/649256063541218/posts/859410309192458/
-
公
排緊非長者一人單位 。
一個月前剛滿58歲，今天收到審查信，但入息已經超額。
現只有369分，明明未夠上樓分數， 審查就算合格都畀唔到我一兩年內上樓，諗住6O歲退休後一兩年才夠分，點算好呢😭
我唔想申請綜援
-
公
房協10月17日通知租戶今年12月起加強打擊濫用行為，包括將「非經常持續居住」定義由半年改為逾3個月，非持續居單位3個月便視為濫用。
房協跟隨房委會收緊公屋富戶政策，並會在12月起加強打擊濫用公屋，房協總監（物業管理）潘源舫今日（18日）在電台節目表示，過去三年共向近2,000個租戶終止租約，當中30多戶涉及濫用公屋，認為情況不算嚴重，但仍要謹慎處理，包括與房委會的新修訂看齊，將非持續居住定義收緊一半至3個月。另外，房協明年4月起亦會收緊公屋富戶政策，將要求新租約租戶，每隔兩年申報是否在港擁有物業等資產狀況，而租戶在置業後，亦要在一個月入通知房協，房協將會審視每一份申報表，並調查懷疑個案，超出資產限制的租戶將會被要求遷出單位。
潘源舫在港台節目《千禧年代》表示，濫用公屋的行為包括，非經常在單位居住，甚至丟空單位、將單位分租或轉租、將單位用作非住宅用途，甚至不法行為等，房協現時會定期家訪了解租戶的居住情況，亦會在接獲舉報後，突擊探訪懷疑濫用的單位，若經調查後，證實相關租戶涉及濫用，將會終止其租戶，並會發出遷出通知書，要求對方遷出。
房協總監（物業管理）潘源舫。（資料圖片／羅君豪攝）起將「非經常持續居住」定義由6個月改為3個月
他續指，過去三年合共與近2,000個租戶終止租約，當中30多宗涉及濫用公屋，佔整體不足2%，認為情況並非嚴重，但強調仍要謹慎處理。他又提到，房協將於12月起加強打擊濫用公屋，包括將「非經常持續居住」定義由6個月改為3個月，以回應社會對濫用公屋的關注，並與房委會新修訂看齊。
租戶每兩年申報資產物業
被問到若租戶因工幹、住院等情況而短暫無法在單位內居住會否被要求遷出，他則強調，當局在找到懷疑個案時，會了解相關個案，若租戶能提供醫生紙、工作證明等，將酌情處理有關個案。新安排並不適用於所有房協公屋租戶，僅限制房協的新租約，當中包括所有入住房協單位的新租戶、因轉換戶主、調遷等須重新簽訂租約的單位。
除此之外，房協亦會明年4月起，就公屋富戶政策「加辣」，潘源舫表示，新安排將要求受影響租戶每兩年申報其資產、入息狀況，以及要申報其在香港是否持有住宅物業，而租戶置業後的一個月內，亦要向房協申報，強調房協將會審視每份申報表，並會深入調查懷疑個案，若證實租戶的資產超出限制，將會發出遷出通知書。
-
公
點算好？ 漏報左一個銀行户口。。
而呢個户口曾經同渣打借過一筆 8 萬蚊做生活費
審查既日期仲有幾萬蚊係户口
依家仲要俾房署職員告！本身號碼差不到派樓，等左4年幾
新 3 - G1437總資產都唔過 10 萬！！
低收入人，個個月都係12000-14000左右
單親爸+ 2個 adhd 小朋友 （ 2歲，5歲）無天理，好灰！
一波三折埋門仲要可能取消資格
有無 Ching 曾經試過呢個情況？
可以上訴？
-
I
想請問依家網上轉左S1幾耐會收到信 例外假如入息超左小小，但剛剛轉左擴展區，但再立刻轉返市區請問會唔會有懲罰？
-
公
我和兒子申請咗公屋， 約大半年至一年上到樓。 請問我把兒子放在香港學校寄宿， 假期才回家， 可不可以？
網友點睇？
點解可以咁快….半年至一年上到樓…我地香港出世 土生土長既…等到8.9年都未上到 最直接帶他到孤兒院就可以，你選擇生出來 可是不願顧，可憐的小孩 😔 咁跟本不需要間屋啦！兒子讀香港寄宿學校，假期直接帶兒子回國內就得啦！ 申請咗半年至一年上到樓什麼情況？我和女兒申請咗五六年都未到資產審查。 有咁多錢俾寄宿學費，根本唔駛住公屋，攞返間屋出嚟俾真正有需要的劏房家庭 了解下群育學校，一樣有寄宿，仲唔使錢。你子女有需要嘅話去搵社工轉介就得😒 咁利害…睇情况香港對新移民特别好？繼2仟幾住海景公屋之後，又嚟一單申請半年定一年已經上樓？本身自己係一個，土生土長的香港人…真係對香港- 政府死心了！😢 香港人，都話腥港人有特權，知道自己幾時上樓架，你地知唔知呀？ 香港就係比你厘類人霸佔D公屋。 體恤安置不嬲係年幾兩年左右派房，利申我唔係，我有朋友試過 申請公屋為左可以係香港讀書？🙄咁即係本身唔係香港住，大陸有層樓住緊🙄 表達唔清楚啫，我諗佢係想話自己過多半年至一年半就上到樓樓主最新留言補充：
我和我亞仔都係土生土長的香港人， 我排咗公屋已經有六年多。 我亞仔有特殊需要， 讀緊特殊學校， 我凑佢都身心疲累！
-
公
房屋署的做事風格是能不辦儘量不辦，能拖儘量拖~~~人為原因導致我遲一兩年拿到手！不過總算是等到了！雖然西晒，好在樓層高！
-
公
工聯會的研究發現兒童長居劏房會影響發育，促請當局放寬簡約公屋的申請資格，讓有兒童的劏房家庭盡早上樓。
研究報告指，經專家研討及資料搜集，發現長居劏房的兒童有視力衰退問題，居住空間狹窄亦令他們經常要彎腰，在床上完成功課導致脊柱側彎等，並會提升患心臟病或情緒病等的機率。
工聯會指，近月向劏房家庭派發問卷後，收回約300份，當中最多人擔心子女成長會受到影響，建議當局考慮向這類家庭放寬輪候公屋超過3年才可申請入住簡約公屋的規定。
兒童長居劏房或致智力發展遲滯
劏房環境不利於兒童身心健康，不僅是社會普遍認知，更有科學證據支持。港大醫學院兒童及青少年科學系臨床副教授葉柏強昨日在「告別劏房」研討會上表示，兒童腦部發育受到多項因素影響，遺傳只是其一，若長期處於劏房等不理想環境，有機會造成智力發展遲滯。
未來患抑鬱症風險是一般人數倍
葉柏強引述一項長期追蹤研究指出，在逆境中成長的兒童，「（逆境）包括極端貧窮，極不理想的居住環境，特別是父母出現精神健康問題，有疏忽照顧甚至虐兒行為等」，這類兒童長大後，有八成以上機會出現發展遲緩以至智力發展延遲問題，這些兒童未來患上抑鬱症的風險亦是一般人的數倍，只因他們兒童時期的腦部發育曾出現問題。
葉柏強並表示，童年對於人的一生至關重要，「將來小朋友會成長什麼的人，有怎樣的性格，有什麼能力，最後他們對人生的抱負有多高，童年如何栽培至關重要。」他認為，政府向兒童投放資源，相對其他年齡段群體，會收穫最多的回報，尤其對基層兒童的改變更是巨大。
天主教新民書院校長吳華彪表示，該校目前有約50名居於劏房的學生，為幫助他們建立健康的自我形象，學校曾煞費苦心，「比如疫情期間，一些學生因為家庭環境不佳，上網課不願意開攝像頭，老師們會教他們使用虛擬背景，我們會全日開放自修室，讓學生留下來學習。很多劏房兒童無法上補習班，我們也安排一些升入附近大學的畢業生幫他們補習。」
樂群社會服務處總幹事黃萬成在會上憶述，早前探訪一位育有兩名子女的單親媽媽，三人居於一間不足百呎的劏房，讀中學的女兒要在床上做功課，兒子的玩耍和睡眠空間竟是床底，讓他倍感心酸。他還見過有劏房兒童因自我形象過低，與他人很難正常交流，臉上少有笑容，發脾氣時會以頭撞牆。
他建議，目前正在推行的「共創明『Teen』計劃」涵蓋中一至中三學生，已取得一定成效，未來可進一步擴大計劃至小學四、五、六年級的學生，讓參與者從小開闊眼界，樹立信心，走向正向人生道路。
-
公
哥哥18歲就申請緊單人公屋，宜家30歲，想加埋妹妹排隊，但妹妹懷孕中，個妹夫不負責任，請問咁樣係咪計三個人排隊？但不知道能否當3人
網友點睇？
叫阿妹搵社工，呢啲情況有得快啲 搵社工唔會有得快囉！香港1年有幾多單親家庭，點解會比某一個特快？跟哥哥做3人家庭可幫哥哥早日上樓，但哥哥第日結婚，妹妹第日結婚就要兩家住埋一齊，倒不如妹妹同個bb 2人申請；哥哥第日自己結婚加埋太太，兩兄妹咁後生，只有家庭申請先有望排到。 單親同正常人咁排 有社工都冇用 我單親有社工都係正常排緊 朋友個妹社工用恩恤安置，前後九個月上左樓 將來嘅嘢冇人知 大家會有自己家庭 應該妺妹自己和B另外申請 會好啲  小心上咗公屋BB老豆會出現架啦! 無佢名，出現有用？ 小心個妹好過啦😏 如果兄妹一齊都不婚，一齊住冇乜問題，但其中一方組織家庭就攪笑，未婚住喺嗰度嗰個瞬間會變成多餘嗰個。長遠嚟講分開申請好過，阿妹個B都會長大，到時都需要私人空間。 搵社工幫手， 講到非常淒慘，非常可憐。大住個肚，無家可歸。畀男友飛，畀男友虐待。應該可以快啲，快啲，再快啲 其實點解妹妹同BB兩個人去申請呢？搵社工幫手睇吓點處理會好啲 妹妹自己申請會好些原文：https://www.facebook.com/groups/649256063541218/posts/852858099847679
-
公
有姐妹們住這個屋邨嘛 環境交通怎麼樣
一直住習慣油尖旺到旺角還算方便嗎牛頭角上邨 常興樓 租金$1700
-
公
歡迎來參觀我家
唔知點裝修 370呎 啱拎鎖匙
考慮這怎麼裝修 設計好 😂
和諧式370呎
您可能會有興趣：
Copyright © 2022 u8hk.com. All Rights Reserved.