@香港公屋 估計佢想要啟德新樓,要新樓請她等多一兩年或想快就派澤安邨比她
房署派樓永遠距離返學天邊咁遠...有無諗過間學校家長嘔心瀝血先入到?
-
其實房署同教育局都幾搞笑。。。
永遠派樓,都會派到同小朋友返學地點相距天邊咁遠。。。
拿,呢個對無小朋友嘅家長嚟講,5係一個問題,亦都會輕鬆咁講一句,轉校囉。。。🫣
在家長立場,其實有無諗過,小朋友升學,家長都嘔心瀝血搵學校,5好話要求最好,但大多都係同區,有校車,5會最差咁去選擇!
教育局,要求家長揀選附近學校,而小學大抽獎更不用講,仲要跟番住址地區!
既然學校要跟地區派位。咁點解派樓5可以呢?
我入咗群都一段日子,基本上,我見好多家庭都係想要求,5想轉校,5一定要新樓!
我相信,如果房署派樓審批時,將小朋友就讀學校地區列入埋派樓地區,會更好啲,更多家庭受惠!
亦相信好多家庭,為咗子女可以原校升讀,都不介意派到舊區舊單位!
固然,呢個方案,可能會出現少部份,有私心嘅人搬到心儀地區學校!
如果可以以校區派位,房署亦可以睇小朋友係該區就讀咗幾耐而決定,避免咗揀區家庭出現!
其實以上,我考慮咗好耐打5打出嚟!
只係個人想法,不喜勿插,只係正常討論下,thx🙏🙏
Ps.我係為子女原校升讀而選同區,特快揀舊邨舊單位,仲要超低層!但我哋住得好開心🥰網友點睇?
- 房署邊有咁多人手去做呢啲嘢,日日樂富都人滿 好難兩全其美。
- 小朋友幾年轉一次校,等上樓隨時十年八年,點跟到咁多?
- 其實每個人都想心想事成,但可以嗎?
- 算啦而家其實啲學位都大把 真係香港人學生 有能力大多數都移咗民或者計劃移民 包括我在內都係計劃緊!所以冇所謂啦
- 到真係顧到小朋友,又話要顧埋返工,照顧長者,上得床嚟拈被冚,永遠有更好嘅
- 我D細路屯門.天水圍返學出九龍住日日都係咁樣返學
- 學校方便返學先同一校網 公屋又要唔要方便返工?不過你講得好啱啊,為左促進生育率,有適齡學童嘅就應該比佢地家長全港優先任揀地區,最好可以同一校網,但係個個都揀某幾區/某些校網,排多幾年又制唔制?小學升中學跨左區,又要唔要再調遷?
- 租地址揀學校係人都識 如果可以俾你用學校區派位 咪即係俾你揀去邊區住
- 冇錯呀 呢個post真係好搞笑
- 我識得同學仔媽咪住葵涌,首派荃灣,二派青衣,返學只要約半個鐘車程。派公屋不嬲都唔好要求咁多,揀邊區既時候唔係嗰陣時已經諗清楚?我住葵涌,揀擴展市區都要承擔風險(有機會派將軍澳),做家長既唔諗仔女而諗自己行先既自己都有問題,唔好賴人地派到山長水遠
- 你生仔之前點解唔買樓先呢?你買樓一定可以永遠係返果區讀書,要攞公屋,又想要就自己既仔女,全香港得你有仔女咩?公屋咁多人申請,個個要就仲洗玩既?上到樓已經要感恩啦,仲提出要就返學,香港納稅人無欠你架,公屋係社會福利,唔係老奉,有要求之前睇下自己有無本事
- 我有3位小朋友,其中2個讀緊書小學,我都明白好多家長唔想轉校,其實我都係咁諗,不過可惜做人冇十全十美,唔係口講就可以落實,政府有好多唔同嘅部門負責好多唔同嘅嘢,如果要將所有嘢合埋一齊其實好難嘅事
- 人總喜歡得一想二 好難滿足到各個人的要求 自己接受到就OK 否則就拉倒……
- 公屋咋,遲啲真係邊區返工都要就埋
- 有幾搞笑啫,地址同校區唔啱你可以轉校㗎嘛!唔鍾意轉校咪早啲起身返學囉!再唔係你可以買私樓!比福利你唔代表就你㗎嘛🤔
- 房署只係解決你房屋需求,並不是解決你教育需求,無責任考慮方唔方便你子女返學
- 每個人養小朋友嘅方法都唔同,如果你係香港區讀書,果頭無公屋,咁點算呢?永遠唔使派俾你,你有錢,鐘意住邊都得,無錢要政府俾公屋你仲咁多要求,我都係有小朋友嘅家長,我依家將軍澳去黃埔番學都係咁
- 冇得咁淰喇,要怪就怪自己冇本事要排公屋!
- 其實講咩都係假,最好就係公屋只派比土生土長既真香港人
原文:https://www.facebook.com/groups/649256063541218/posts/882972810169541/
-
@公屋2023 社會已改變咗很多,房署公屋政策已寬鬆咗很多,在英治年代,根本沒有選擇權,派你去那一區都要去,那年代,為搬遷絕大部份學生都需要轉校轉區,現在要求多多,不合理
公屋屬政府福利,不適宜過份退讓,房署應維持公平公正均衡派房原則,過份不合理要求,一概拒絕
網友最新回應:
您可能會有興趣:
Copyright © 2022 u8hk.com. All Rights Reserved.