同大陸人結婚後公屋申請無申報，現準備離婚算隱瞞嗎？

[kiko1112]

要填申報時要填巳婚但係備註在內地及未來香港,我之前辦過同樣手續

[公屋一人]

住都無地方住，嚟香港做乜先

[JoJoLam]

唉，唔怪之得條隊排極都未到啦

[得公屋得天下]

呢種情況我覺得有得講，內地人士無身分證又不乎合申請公屋 報唔報也不會影響你是否優先派屋，至於最後點都係睇房處做法

[AmyLam]

個ho好正
講真呢個意見真係唔得
ho都知道咗點可以叫你唔報
當然你唔報 ho就做少一樣
你比人抓到
就算話ho話叫你唔好報都唔會幫到你
而且只係口同鼻拗 ho都唔會有事
所以勸你快d報返

[lovelv]

收左幾錢？😏

[wingwing]

未結婚、報什麼？、結婚啦就要報、就算未派屋未來港都要報、只要來到香港轉2人隊、會快d又大d上樓、祝！好運

[恨上公屋]

未黎香港就離婚，你地有無一齊住過架😆

[香港公屋]

如已註册結婚、不論配偶居住內地或本港、必須申報為已婚。若填未婚、明顯虛報資料、有機會被檢控。

[BOBOBO]

冇申報已結婚，對方又未來港，但又準備離婚，真係有啲亂兼步伐行得好快。

[Angela]

你都問過房屋署主任啦 佢點講你點做！有咩責任 佢話事！你問網民沒有用 因為網民唔係呢方面既專家！對房屋署條例都不能好似佢地工作人員咁清楚了解！你係呢度唔會得到答案 只會被網民知多啲你私人事！
其實你離婚又好 對方係內地人又好 都無必要係度公開！
你唯一做得啱就係匿名post
如果唔係 你以後會後悔自己今日係度問呢啲問題！
無人可以俾到確實答案你 你係向房署申請 唔係向網民申請 你問黎都無用！
因為房屋署條例成日改 肯定係房署主任最清楚如何解決啦！人地點講你就點做！有咩事上黎 都係主任負責！網民係無責任既 就算佢地俾個答案你 你又信唔信呀？萬一有咩爭論 你係搵果位網民出黎負責嗎？

[Maggie22]

若然邨內主任真係答咗你，已經有官方答案，你若然對邨內主任抱有懷疑，建議你去樂富總署問，將你情況一五一十同佢地講返咪得。
~題外話，有次因工作關係要去法庭，原來發現有好多人假結婚俾人捉到。跟住，在場同事話，啲人以為假結婚唔會咁易被發現嘅，結果。。。😏。
~守規矩嘅就等成十年八戴。。。
~我就唔會教佢點做，主任都答咗，唔明教佢做乜