等咗5年十個月，終於可以上樓了，係首派，本身我就諗住唔理派邊度比我新定舊我都會要，唔想再等落去啦！

今朝去簽約前上樓驗收單位竟然有大驚喜🤩，未開門前職員同我講佢都好耐未見過咁靚嘅公屋單位，連我個裝修師傅朋友陪我去睇都羡慕我話我中咗大獎啦！

雖然有28年樓齡，但上手租戶keep得個單位好好，仲鋪咗木地板，房署亦全單位翻新過，鐵閘，大門，鋁窗，厠具，廚房都換過哂，電掣插蘇位天線位亦都係新嘅，數量亦足夠，地台亦重新舖咗磁磚同造咗防水，牆身亦造咗批盪重新油過(雖然唔知邊個油😁)

仲以為自己去睇緊示範單位，如果要求唔太高基本上可以唔使點裝修，只需添置一些傢俬電器即可，可以慳返好多裝修錢。實在太滿意了。感恩🙏