林鄭：如建屋太慢，罰房委會支付公屋現金津貼！

[公屋2021]

特首林鄭月娥上周三發表本屆任內最後一份《施政報告》，提出多招加快房屋供應，她今日（10日）出席電視節目期間提到，希望不論公、私營，建屋的速度都可以加快，其中對於現時自負盈虧的房屋委員會，林鄭建議如果政府交付土地後建屋建得太慢，輪候公屋現金津貼應該由房委會支付，以建立問責精神。

房委會委員、公屋聯會總幹事招國偉表示，對於特首的言論感到困惑，因為即使要向房委會「罰款」支付「現金津貼計劃」的款項，「其實房委會啲錢都係公帑，我睇唔出政府咁做有咩嘢分別。」

「俾得呢個任務你，你就要負責」
林鄭月娥在無綫電視節目《講清講楚》中表示：「我有個好得意嘅諗法，我話咗要提升管治效能嘛，咁我俾得呢個任務你，你就要負責。」她舉例指，特區政府的目標是公屋三年上樓，如果政府向房委會交付土地後，「今日嘅現金津貼係政府出，點解唔係房委出呢？你起得慢你就出錢，希望令佢更有動力起快啲，起快得一個月得一個月，兩個月得兩個月，否則佢畀錢。」她形容這是「建立更加實在的問責精神」，是提升管治重要一環。

你（房委會）起得慢你就出錢，希望令佢更有動力起快啲，起快得一個月得一個月，兩個月得兩個月，否則佢畀錢。」

招國偉稱非「嘆慢板」：不可能完全無視法規
招國偉接受查詢時表示，特首有權要求房委會負擔「現金津貼計劃」的開支，「但到時我哋又要填返一年7、80億開支，只能夠喺賣資助房屋時定價貴啲、商業項目租金又貴啲，呢個係咪政府或者社會樂意見到嘅呢？」

他又重申，現時房委會已全速推展更多公營房屋項目，「而家好多時係前期規劃程序用多咗時間，生地變熟地都要10年，如果政府可以賦權畀房委會，唔使經過前期啲諮詢程序，我哋起樓真係可以快咗喎。就算特首喺施政報告都有講，要壓縮前期程序，問題出喺邊度大家都見到。」他又指，現時房委會每個推展的項目，各委員都很著緊如何再壓縮前期的程序加快建屋，但不可能完全無視、繞過現有法規。

他反駁說，倘若房委會「嘆慢板」、故意拖慢公營房屋項目進度，當然可以問責，「但事實唔係咁，咁點解會覺得係我哋做得慢，向房委會問責呢？」

督促房委會多用組裝合成技術
林鄭提到，確實認為現時不論公營還是私營住宅，建樓速度都有空間提高，尤其現時有組裝合成技術，可大幅加快建築速度，現時房委會亦只有少數建築項目有使用，正督促他們多用。她強調，由於每幅土地的情況不同，打地基的難度也有不同，因此設一個硬指標要求何時落成也不公道，不過這是她的初步想法，「我已經同咗運輸及房屋局局長（按：兼任房委會主席）講，下一步會睇睇建屋流程，仲有冇機會可以壓縮。」

政府今年6月底推出為期3年的現金津貼試行計劃，向長時間輪候公屋的基層家庭提供現金津貼。申請人必須是一般公屋申請住戶，即二人或以上的申請住戶，或「高齡單身人士」優先配屋計劃的申請者；已輪候公屋超過3年，仍未獲首次公屋編配，而其編配資格仍然有效；居於香港但並非居於公營房屋；沒有領取綜合社會保障援助。

現金津貼金額按有關公屋申請內符合所有申領資格的人數而釐定。金額是現時綜合社會保障援助租金津貼上限的一半，一人住戶1,300元、二人住戶2,250元、三人住戶2,700元、四人住戶3,050元、五人住戶3,350元及六人或以上住戶3,900元。

稍後將探訪基層家庭
被問到今年《施政報告》對於土地房屋，是否太過著重長期願景而欠缺短期措施，林鄭指過去數年已提出多項即時幫助市民住屋情況的措施，如放寬二手樓按、過渡性房屋、劏房租管等，她稍後也會去探望一些基層家庭。

至於釋放土地用作發展，林鄭指近幾年私人發展商對於一些涉及土地的政策「佢哋都係積極回應嘅」，例如「土地共享計劃」，而通常他們與政府商討時，都已有一些前期研究為基礎，可向政府提供建議，因此現有的三、四個項目「成數好大」，只要經城規會批准、行政會議審視，就會變得很容易。

[訪客]

因住房委會破產

[訪客]

房委懒官係時候做野

[訪客]

支持問責制

[訪客]

起組裝樓啦

[訪客]

減薪才對

[訪客]

董伯伯年代，政府唔撥款俾房委會又唔俾房委會賣居屋，但要房委會承担起公房責任，搞左個間領滙出來。而家要房委會負責上樓津貼，又唔知又會發生啲咩呢？