u8hk.com | 最新公屋配房編號 (地區/人數)
新2:1457500 新3:1452600 新4:1409800 新5: 1433400
擴2:1402800 擴3:1389800 擴4:1382300 擴5:1404000
市2:1379000 市3:1371000 市4:1372400 市5:1378900

與弟弟同房20年!公屋港女埋怨父母無能力卻堅持生


  • 公屋同住|香港的住宅單位普遍狹小,缺乏私人生活空間。一名女大學生發文訴說,一家四口住在公屋,自幼與弟弟同房,然而男女有別為生活帶來諸多不便,大呻就連更衣也沒有空間,怒批父母當年無經濟能力卻堅持生育,結果令全家人都不好受,希望找到合適的劏房單位搬走。

    287248892_10228875026045477_2816626373079899656_n_600.jpg

    該網民在「連登」討論區發帖,指自己家境不太好,父親學歷不高,母親來自內地,一家四口居於舊公屋單位。由於空間有限,她自幼和弟弟同房,房間放置大衣櫃後已佔去一半空間,還要再擺放碌架床和書枱。

    由於睡房無窗,睡在下架床的事主長期處於陰暗環境,睡在上層的弟弟每次上落,都會踩在下格床和書枱,更直言自己就連更衣的空間也缺乏,

    「細佬都中五,我廿歲仲要逼埋同一間房,我永遠唔可以企喺度換衫,因為換衫空間得我張下格床,有時仲要驚細佬會睇到,又要驚爸爸成日無啦啦開門。」

    她曾經找媽媽商量解決方法,然而對方卻不以為然,雙方情緒激動之下又起爭執。事主形容最令難受的是,媽媽總是認同外人的說法,卻不會接納自己的意見,僅以一句「冇能力」便推搪責任,「過一陣同佢啲師奶傾完先覺得我有道理,永遠都係人哋講嘅嘢先啱,但態度照舊,一句冇能力就算,咁點解生嗰陣又唔會諗到自己冇能力?」

    除此以外,事主還有種種不滿,例如住所設計欠奉,只有公屋戶常用的不銹鋼碟、摺枱、摺凳和摺門,狠批「完全冇生活品味可言」;抱怨父母為節省電費,即使天氣炎熱也只准開客廳的冷氣機,為了消暑她不可關上房門,晚上基本毫無私隱。

    家人同住經常爭拗

    不滿大爆發源於升上大學,她指中學時期同學們背景相若,她不會感到家境有落差,然而升上大學後見多識廣,發現不少同學即使並非住私樓,都會有自己的房間,對自己的居住環境更加不滿。

    她嘆道,以往媽媽總嫌棄她成績差,爸爸又經常在家中旁若無人大聲播放影片,干擾其他人生活,彼此經常爭執。自言在家中聽過無數不堪入耳的說話,但當她升上大學讀專科,父母又大肆宣揚炫耀,行為令她非常不屑。

    即使升上大學卻無緣入住宿舍,繼續與弟弟同房,令她萌生搬出去租劏房念頭:

    「朝朝早返工返學要嘈到全家都要起身,溫書溫到幾夜都要每朝畀人嘈醒,仲要畀人話咁夜瞓抵死,已經頂唔順睇緊有冇啱嘅劏房想快啲搬出去脫離呢度」。

    努力改變命運

    事主遭遇引來網民同情,不少人勉勵事主繼續讀書和搵份好工扭轉命運,「過去已經冇能力改變,惟有將來靠自己改善」,也有人建議她和朋友夾租在學校附近居住,避免再和家人發生衝突。此外,有人提議事主可以特殊理由向學校申請入住宿舍,並且向學生資助處申請資助和學貸,相信機會改善居住環境,「如果真係咁窮,居住環境真係咁差,上到大學,點都會攞到宿位,跟住攞埋全額學生資助,夠畀晒學費、宿費有突,仲有剩可以做生活費」。

首次註冊 u8hk.com 成為會員需透過Google登入,成功登入後可以設定用戶名及密碼。
其他網友回應

  • 公屋2023

    請問如果我10月見主任,是否只需要申報四月至九月的月結單,但是我的女女3月30號擺了百日宴,收了幾萬元的利是,在3月31號入了銀行,會否有影響?求指教?🙏🙏

    閱讀更多

  • S

    老人家就好似有免死金牌咁,冇得搞,有咩事啲衛道之士就走出嚟,只有怨自己唔好彩。

    閱讀更多

  • R

    佢仲要開住門?? 有呢啲鄰居真攞命

    閱讀更多

  • 公屋一向都係咁 睇開少少 呢啲先有公屋味

    閱讀更多

  • KittyKittyK

    拍門試下叫佢閂埋度門聽,長者聽力通常有問題,大家互相體量下

    閱讀更多

  • B

    年紀大,個個都耳聾咁。無可避免既!

    閱讀更多

  • lovelvL

    我淘寶買咗隔音棉痴係門內,好咗好多,你可以試吓

    閱讀更多

  • BOBOBOB

    好難攪,老人家耳又聾眼又蒙真係等佢死!(我唔係黑心)

    閱讀更多

  • 公屋2023

    隔離老阿婆天天煲曲,吵到頭爆。投訴幾次都冇用。

    閱讀更多

  • P

    @公屋2023 行得走得,吾係太老人健康,腦筋清晰,應該外出工作,不太操勞,輕輕鬆鬆的工作當運動,保持生命活力,完全靜下來過靜態生活,生命好快會結束

    閱讀更多

  • P

    @公屋2023 租約名單內有名都可以繼續住,前題係退休老戶主不可以除名,否則就有很多煩複承繼手續要辦,有可能不獲房署批,老戶主過身反而易搞
    子女繼續住根本無問題,不向房署呈報,不四處張揚招搖亂講,準時交租,水電煤交齊不拖欠,每2年審查返香港一次,無人舉報誰理你?

    閱讀更多

  • 公屋2023

    想請教一下藍田德田邨,德瑞樓好住嗎?交通方便嗎?一個孤寡老人住,佢又想d野,以前一直做餐廳,唔知好唔好穩野做?🙏🏻🙏🏻🙏🏻

    閱讀更多

  • 公屋2023

    幫朋友問,由於戶主打算回國退休並申請刪除戶籍。其他家庭成員的資產是不超額的,請問他們可繼續住在公屋嗎?謝謝!

    閱讀更多

  • 04 室向東南偏南,望連城路同歌連臣角墳場,連西灣國殤紀念墳場都望得到,特大露台加黑廁,俾 d 理由你拒絕啦
    2306061217e5611404a4fa1ded.png

    閱讀更多

  • ckwongC

    柴灣去石門,682 巴士有無諗過?682 巴士大約 60 分鐵,搭鐵去石門大約 55 分鐘
    就算你留響擴市,派咗去將軍澳(調景嶺站)都好,搭鐵去石門都要 36 分鐘,其實相差唔太遠
    留意返,擴 3 唔多派到沙田區,就算真係派到沙田區,區內地面交通分分鐘都係要 30 分鐘左右或以上,以環翠邨咁近地鐵站嚟講,反而搭鐵預時間會相對穏定

    閱讀更多

您可能會有興趣:
  • 1
  • 8
  • 2
  • 2
  • 1
  • 7
  • 1
  • 1
Copyright © 2022 u8hk.com. All Rights Reserved.