首次註冊 u8hk.com 成為會員需透過Google登入,成功登入後可以設定用戶名及密碼。

首派屯門菁田邨!港媽嫌遠兼有祖墳


  • 公屋是不少人長年等待的終極住屋目標,但收到分配結果又未必合心意。有港媽表示,首次分配獲派屯門新屋邨菁田邨,惟到該邨實地視察後發現不少缺點,包括地理位置欠佳,步行至輕鐵站需20分鐘、近山,以及在邨中央有填墓。其言論惹其他網民氣憤,嘲諷「唔知以為你畀錢買樓盤,又嫌遠又嫌風水」。

    77930dd9-4ebb-4739-b866-ca27cfc24e8c-image.png

    該網民在facebook群組「公屋討論區(FB版)」發帖,指首次分配獲派屯門菁田邨,她日前與女兒到該邨視察,發現地點的確頗遠,「行到滿頭大汗」、「呢個太陽,9條命都唔夠它曬」,而且位置近山、由輕鐵站步行前往要20分鐘,「還要等一年,唔知要唔要」。她另一個考慮點是,該屋邨5座大廈包圍着墳墓地興建,令她感到不舒服。

    帖文引起網上熱議,有人認為樓主只是首派可選擇放棄,「唔適合可博二派」、「座向對住個墳就唔要啦」;但有網民就指出該區交通及配套都不錯,「20分鐘?咁你應該係散步,我同我仔日日行都係十零分鐘」、「我住屯門,這個村可以㗎,你住落就知交通都可以」、「起緊市政大樓,有街市、圖書館、5萬呎商場」、「會有接駁巴士西鐵站,有巴士出九龍」,亦有人認為有祖墳不是問題,「風水唔好都唔安放喺嗰度,所以不要太介意」、「你當佢係李鄭屋古墓個觀感會好啲」。

    有網民則批評樓主諸多不滿,甚至不合理,「新樓都唔要?」、「呢排度度都熱啦」、「咁辛苦排咩公屋,又要交通好,又怕曬買私樓啦!嫌三嫌四,快啲拒絕留畀需要嘅人」、「咁多不滿,全個世界為你而設定吧」;又認為樓主沒搜集清楚資料,「唔係9月入伙咩,點解要等1年出年先入伙」、「你係咪行咗去和田邨,睇錯私樓完工期?」。

    公屋首派拒絕後,還有多少次分配?

    公屋申請者於編配房屋時,可享有最多三次機會(每次編配一個單位),獲編配位於所選擇地區的公屋單位。 詳情按此


  • 跑馬地墳場後面山上是豪宅,博扶林基篤教墳場後面也是豪宅。


  • 大埔道豪宅側是墳場

網友回覆

  • 點解皇后唔要?我派左皇后都有想過拒絕,但最後都接受,而家覺得皇后山好好住啊,樓下商場超市餐廳街市乜都有,交通78A好密,小巴出上水都方便,城巴出旺角荃灣都有,越住越開心,冇後悔。

    閱讀更多
  • 公屋發展逾60年,是超過200萬人居所。日前有網民在Facebook群組「香港風景攝影會」發文,拍出一輯「背山面海、開揚景觀」的公屋美景。帖文分享其近半年在南區公屋華富邨所拍攝的美景照片,只見照片於走廊位置拍攝,見到一望無際的海景,在夕陽襯托下格外美麗。

    wa8.jpeg

    網民大讚:海景正過貝沙灣

    照片獲大批網民分享,有網民根據照片內走廊座向分析,估計拍攝地點是華富邨華清樓。當中不少網民大讚,「果然名不虛傳,全香港最美公屋」,更形容是「平民海景樓」,「真係住一世都願,靚同最重要有人情味,靚到冇得頂」、「好靚!應該冇人願搬走」、「風水地」、「以為係日本沖繩」、「海景正過貝沙灣」、「華富邨真係無敵」、「嘩以為希臘呀」。

    wa3.jpeg wa2.jpeg wa1.jpeg wa7.jpeg wa6.jpeg wa4.jpeg

    不過,有網民點出,雖然華富邨白天景色美,但太陽「西斜會好曬」,「靚係好靚,但呢啲舊屋村走廊,夜晚真係好恐怖」、「好靚,我都住過華清樓幾個月,條走廊......晚上幾得人驚的」。

    閱讀更多
  • 點解要取消,可能買得耐資產超額。

    閱讀更多
  • 可能難d, 因為兩田都係派緊貨尾

    閱讀更多
  • 再中和菁既機會好微囉
    住開屯門又有好學校
    就算再派屯門舊樓都ok 啦

    閱讀更多
  • 菁田和田只剩小量的貨尾(別人拒絕單位),現在都是派舊樓居多,如希望住新樓就不要拒絕皇后,如不想住皇后,就預二派舊樓機會比較大。

    閱讀更多
  • 機會微,如果接受到屯門舊樓就拒絕,如果接受唔到,見好就收。唔好似我哋運氣差,後悔捶心口😭

    閱讀更多
  • 派邊都有機會,若果講百分百,我諗房屋署都唔敢打包

    閱讀更多
  • 閱讀更多
  • 如果首派係新界區舊樓

    第二派
    會唔會派皇后山邨
    屯門和田邨
    或菁田邨

    閱讀更多
  • 收到關於房署配屋安排的消息:
    房署留起在上兩個月被拒絕的兩田(和田與菁田)及皇后山的單位,準備在本月中至本月底,對調地編配給有關申請者(上次拒絕兩田的將會獲派皇后山, 而上次拒絕皇后山的將會獲派兩田),所以將會有大量申請者在本月初轉S2或S4。

    閱讀更多
  • 不要會後悔的哦

    閱讀更多
  • 咩原因唔要皇后啊

    閱讀更多
  • 現場望上去d樓,就咁睇都好多未入伙咁

    新界4人
    G1317xxxx
    2022年7月30日 S4
    2022年8月2日 首派皇后山皇溢樓中層
    2022年8月8日 拒絕

    閱讀更多
  • 唉,D骨真係派黎派去,祝你下派心水!仲有兩次搏💪🏻

    閱讀更多
Copyright © 2022 u8hk.com. All Rights Reserved.