因為裝修問題而同家人吵架

[公屋2022]

大家好，我係上次話同屋企人因為皇后山邨間公屋裝修問題而吵架的谷友，其實我個屋企人就係我阿媽，拿鎖匙的日子已經過左差唔多個多月，裝修仍然係零進度，就連裝修師傅她也沒找，只是想著在過年後慢慢找，慢慢傾，我想等到佢傾得來，開埋工，買埋物料，半個月已經可能過去，再預兩個月的裝修和零碎，入夥起碼都要5月尾六月頭，唸到呢度我自己就會好火滾，因為依家我住係屯門，要去沙田返學，仲要山長水遠返學，而返學後我好忙，係冇時間去同裝修師傅傾我嘅想法，特別係尋晚已經見到喺WhatsApp群入邊已經有人完全裝修好晒，最低限度的都已經同裝修師傅講晒簽晒約，拜埋四角，開始做基本嘅工作，而自己間屋都仲係空寥寥，我覺得佢完全冇上心，三催四請都仲係唔聽🤬，成日以過年為藉口慢慢拖拖拉拉，係連點樣做都唔知，如果真係有心嘅話，已經一早諗晒個plan，或者搵埋裝修報價嗰啲，我真係真係無可奈何，我諗陣間佢返嚟我又要同佢嗌交啦。🥵
ps.希望各位谷友可以畀下意見，因為我已經對我阿媽冇晒信心，我真係好想有自己嘅空間，快啲搬走。

[訪客]

等一等，冷靜一下，佢可能有難處？
平心靜氣同呀媽坐一齊傾傾，知道大家諗法，咁可能會好啲

[訪客]

你可以同佢傾定預算幾多
大裝定細裝
咩風格
再搵人搞裝修或者行定傢私舖睇下

[訪客]

間屋系你定你啊媽？如果都有份，感就要睇邊個出錢，如果你無出錢咪由得你啊媽搞囉！費事煩，如果你出錢就自己叫人上去搞
我宜家都嘈緊，如果我比錢就我自己搞，除非唔洗我比錢，感我唔出聲，自己搞飽佢，我無眼睇

[訪客]

冷靜滴，可以去分析下你媽媽的念法。過年後裝修未必是壞事，年近過年，裝修師博都可能在趕工期，年前找的師傅可能工錢貴，也未必有心裝得好。裝修材料年前訂肯定貴的了，也未必齊全。所以年後計劃也未必壞事。你心急是什麼原因呢？有無必要為左幾時裝修而吵列？你可以同媽媽好好甘講你的念法，或者你的裝修選材等的睇法，你可以主動自己去找師傅報價，找一些便靚正的家裝俾你媽媽參考，而不是追住快入住，而家皇后山通買野都不方便，等多人一起再入住可能設施都好滴列。

[訪客]

多謝你，其實我並唔係要求我阿媽過年前開始裝修，淨係想佢起碼穩一啲報價，睇睇點樣整，
仲要次次問佢都好似Hea緊我，次次都話過年先算啦。
依家主要是想快小小入住，依家網課仲好小小，如果上翻實體，去大學實在太遠了，來來回回至少要3個小時，有時趕完功課後還要回來，真的很累很燥底，
但住宿舍有同roommate不合，
仲有特別係見到已經有人開工，甚至成間屋已經差唔多裝修完，自己個度都係咩都冇，睇到真係好燥底，搞到因為咁而吵架。

[訪客]

訪客 在 因為裝修問題而同家人吵架 中說：

等一等，冷靜一下，佢可能有難處？
平心靜氣同呀媽坐一齊傾傾，知道大家諗法，咁可能會好啲

其實我都係想佢注重下時間，我驚佢真係拖拖下慢慢嚟，最咪比房署收翻間屋，佢後悔都嚟唔切。

[訪客]

邊個出錢邊個話事

[訪客]

佢係我阿媽，唔可以用金錢衡量

[訪客]

我12尾攞匙到今天咩都未攪，過完年先。急唔來

[訪客]

其實我覺得係好小事，我屋企都係等過咗年之後再慢慢搵師傅，第一多啲時間比自己選擇，第二睇吓裝修好嘅鄰居，俾自己多少少參考。家和萬事興，多點理解

[訪客]

我明你，完全系你既心態，驚遲入伙比房署收返間屋，見好多gp 友買晒傢俬電器，水電地下都舖埋，我屋企除左拆左野乜都未整😭，有比較就好心急覺得自己好無用，我都系呀媽既角色自己搞掂埋無人幫手..我系年輕媽咪第一次有自己屋企，以前我系乜都唔洗做，咩寛頻線乜乜77我宜家先學緊，搞裝修真系唔易，會唔會你媽咪都無頭緒？可能佢都好煩？你可以分擔下佢？佢唔搵就你搵報價比較左先？你甘大個，你媽咪呢個年紀可能無你甘精呢

[訪客]

年輕人；而家啲裝修公司套餐報價都唔野少架。
你可以協調加協助，簡單嗰啲自己做。舖膠地板，
油漆，窗簾等。睇怕仲有煮食及熱水爐搵煤氣公司擾
就可以啦，仲可以分期付款架。自力更生，豐衣足食。
我特登留返個油漆比個仔與我共享。佢都係要返 city .
窗簾？我要佢同我一齊做一個，之後，全部佢裝。
唔使佢做地板，算佢執到了。
想要更好的？問學資度水，畢業之後自己還。
有擔當者有成就。此乃獅子山下的好青年。
祝你事事順利。

[訪客]

此言差矣，你已經成年喇，屋企人都好，邊個出錢邊個就系有話事權，有時真系你嬲都無用。我唔知你同你阿媽點溝通啦，不過按照我自己經驗，凡事有拗giu肯定係因為大家注重嘅嘢唔同，但系對方又唔知道。可以嘗試以心平氣和一啲嘅心態去問下你阿媽，佢點解唔認同你個plan，佢年紀大過你，經歷多過你，話唔定有你無考慮到嘅地方。又或者你自己做啲功課蒐集一下裝修資料，問佢意見。大個咗啦，有啲咩自己想要嘅，唔可以淨系提出需求唔參與解決，出唔到錢嘅就出力，如果真系又出唔到錢又無時間嘅，唯有自己接受一下現狀，係呢個各種刁難自己嘅環境入面平衡自己嘅生活。我唔知你屋企具體咩情況啦，但系我估你未工作，應該都系阿媽做嘢嘎啦，你再回憶下啊媽係唔係daytime做嘢，收工翻屋企仲煮飯做家務照顧你生活起居？雖然讀書都好攰好充實，不過你阿媽都將好多時間投放係家庭入面，佢可能都無咩自己私人時間，所以真係要感激阿媽嘅付出，有咩唔啱就傾到啱，唔好咁多拗giu，傷和氣。個人感悟，唔系想批判你，希望對你有幫助。講到尾，裝修係你地兩個嘅事，你對你阿媽幾失望都好，你地溝通唔到，外人比幾多意見都解決唔到。

[訪客]

如果你們計劃找裝修公司。你媽做法正確，如果你們計劃找室內設公司，你正確。找裝修公司報價至裝修完滿入住，中間要跨過新年。同裝修公司治談要一氣呵成，質量好些，你沒聽過消息曾經有住戶裝修爛尾，起碼搞多半年，你想遲多一個月入住還是遲多半年入住。或者你可以過年前黑紙白字列表方式寫低自己的想法，例如牆身用咩色，近門口天花燈用射燈等等。如果找裝修公司，前期階段(報價至開始裝修) 可以好快。

[訪客]

訪客 在 因為裝修問題而同家人吵架 中說：

間屋系你定你啊媽？如果都有份，感就要睇邊個出錢，如果你無出錢咪由得你啊媽搞囉！費事煩，如果你出錢就自己叫人上去搞
我宜家都嘈緊，如果我比錢就我自己搞，除非唔洗我比錢，感我唔出聲，自己搞飽佢，我無眼睇

師姊；點解特然之間咁灰架？
我隻母老虎佢精過你。讃到我天上有地位無咁。
結果係；我出錢，佢話事。
儍有儍福，精有精笨架。

[訪客]

訪客 在 因為裝修問題而同家人吵架 中說：

多謝你，其實我並唔係要求我阿媽過年前開始裝修，淨係想佢起碼穩一啲報價，睇睇點樣整，
仲要次次問佢都好似Hea緊我，次次都話過年先算啦。
依家主要是想快小小入住，依家網課仲好小小，如果上翻實體，去大學實在太遠了，來來回回至少要3個小時，有時趕完功課後還要回來，真的很累很燥底，
但住宿舍有同roommate不合，
仲有特別係見到已經有人開工，甚至成間屋已經差唔多裝修完，自己個度都係咩都冇，睇到真係好燥底，搞到因為咁而吵架。

佢係年輕人，仲讀緊大學。我都明白佢嘅。
當年，我哋入住柴灣興華邨嗰陣時，我亦在理工。
我係全部自己做嘅，間房都係自己嚟，油漆水電不
在話下；而家，係細佬住。佢係天下第一牛！啲裝修
無變過。我都係數日起貨。而家，到我入伙，我一定
留返啲嘢比個仔做，佢剛好也在大學。比佢好好感受
吓。大個仔囉，仲唔擔當？佢好乖嘅，冇意見接受。

[訪客]

就學期間所謂嘅煩惱，
同現實世界的困擾，
絕對係天與地的分別。
請問你有冇去瞭解過，
伯母在經濟方面有冇困難？
如果佢真係冇＄＄＄
咁…你有沒有打算分憂？
其他網友都指出，
年尾搵人裝修就係咁，
加上疫情只會付出更多時間和＄＄
其實，人生大部分時間都係等…等…繼續等。
**約人飲茶灌水，
**有分夾＄先至可以抝，
**食乜/食邊間/幾點食？
**如果唔打算夾＄，
**甚至根本冇＄＄＄
**最終唔係用輩分、身分去衡量，
**永遠都係磅水嗰位才有話事權。
***我反而好奇，既然對伯母冇晒信心，請問可以點？

[訪客]

很支持師兄的做法，男仔就應該多做事，用行動去幫助屋企人，要培養男孩子要有擔當同責任心

[訪客]

大個仔了，自己可以去安排的就自己去安排拉，父母年紀大了就不應該讓佢操勞