首次註冊 u8hk.com 成為會員需透過Google登入,成功登入後可以設定用戶名及密碼。

港媽與男友育3子女申請5人公屋被拒


  • 香港土地問題嚴重,公屋成為不少市民安居樂業的目標。有港媽早前於討論區發文,指與男友育有3名子女,大呻早前打算以「5人家庭」名義申請公屋,惟因欠缺一紙婚書而被拒絕,感到非常失望。網民看過帖文未感同情,質疑港媽想享用政府福利卻不願守規則,更直指她目的只為「攞盡着數」。
    1f6ed539-d320-40dc-a30e-1d17765465db-image.png
    該名港媽於公屋討論區發文,指與男友育有3名子女,一直未有結婚,但過往因經濟狀況不佳,曾申請在職家庭津貼、子女的書簿及交通津貼等。她大呻早前曾以「5人家庭」名義「入紙」申請公屋,惟因與伴侶缺乏一紙婚書而被拒絕,令她大感失望:「話因為冇結婚證書所以唔畀我申請,唔關人數事,唔通要踢走爸爸?」

    帖文引來網民討論,不少人指港媽若希望以5人家庭名義申請公屋,只需與男友辦理結婚手續便可,「無結婚咪你1個帶3個細路申請囉,咁事實上你哋無結婚,係無任何關係㗎喎!點會畀你咁申請?」、「你無結婚證書,梗係唔承認你哋家庭身份,咁當然要踢走爸爸,你同3個小朋友入紙申請,政府係睇文件證明,唔係你話咩關係就係咩關係」

    有人更質疑港媽只想獲得福利,卻不願遵守相關規則,「無註冊,拎到大額津貼,又想當家庭單位計申請5人公屋,算唔算着數想攞到盡?」、「申請公共援助或者任何津貼嘅時候,想攞多啲就1家4口?申請公屋嘅時候,想攞大啲就1家5口?」。

    樓主其後留言回覆,為子女申請津貼全因近年經濟環境轉差,強調「自問唔係申請綜援,爸爸都好努力返工,申請津貼都只希望可以幫輕下」。而她打算申請公屋時亦「冇研究咩5人係大房4人係細房」,發文只想抱怨一下,「我提出嘅問題只不過係話無結婚證明書點解申請唔到公屋,但有人就將成個問題扭曲」。


  • 可以既話人人都搵fd夾埋啦

網友回覆

  • ?

    他说父母在元朗是只要原因!😕

    閱讀更多
  • 最近新界區都係派皇后山唔奇

    閱讀更多
  • ?

    @karrybb 我住屯門又係派皇后山!唉,

    閱讀更多
  • 老人家住果邊都幾好啊 近大自然可以行下山

    閱讀更多
  • ?

    其實派到邊度都唔熟路,要慢慢適應。

    閱讀更多
  • ?

    我覺得派到三寶或者新樓機會一半一半啦

    閱讀更多
  • ?

    屯門好似黎緊都有新樓

    閱讀更多
  • ?
    閱讀更多
  • 本人日前收到房署信首派皇后山因為父母住元朗加上粉嶺唔熟路,所以目前正考慮是否等二派睇下去唔去到屯門,但系唔想要舊樓,下想問二派要等幾耐同埋派新樓機會有幾大
    新界2人
    2015申請G-1396XXXX

    閱讀更多
  • ?

    屯門3月預派有機會

    閱讀更多
  • ?

    3月預預派屯門

    閱讀更多
  • 驚樓價跌?

    閱讀更多
  • eda95a48-10ba-40e2-b013-c2dc9ad0624a-image.png
    2017年10月林鄭提出「公屋封頂論」,指公屋數目最高限制為80萬,被大肆批評後隨即否認。當年雖然否認,但最新數據同近年趨勢都顯示,「公屋封頂論」似乎正在逐步實現。

    年年政府都誓神劈願話係多啲公屋,不惜向綠化帶甚至郊野公園打主意,咁近年公屋數字有無多到?

    公屋單位總數 較上年底淨增長 2017年底 802,134 +4,729 2018年底 818,903 +16,769 2019年底 828,138 +9,235 2020年底 835,665 +7,527 2021年底 836,643 +978
    (資料來源:注1)

    公屋單位增長數字有2018年底起逐年下跌,截至去年第三季更增長不足1,000,而住係公屋嘅居民數字由2019年起減少11,267人,雖然數字可能與人口老化有關[2],但與公屋最新總數字近乎「封頂」不無關係。

    過去四年賣走近萬公屋庫存

    2017年10月林鄭提出「公屋封頂論」,指公屋數目最高限制為80萬,被大肆批評後隨即否認。當年雖然否認,但最新數據同近年趨勢都顯示,「公屋封頂論」似乎正在逐步實現。

    faa0aee0-825b-48bb-9f2c-7716f0980a05-image.png

    有兩個因素影響導致公屋數目近乎封頂,除咗因2018年起公屋落成數目由過往每年20,000個左右,逐步下跌至2020年6,605個外,將新建成嘅公共房屋資源私有化,亦嘅主要因素之一。林鄭收回「公屋封頂論」後3個月,政府宣布綠置居恆常化後頭兩年賣出市場嘅公屋庫存分別為2,545個及3,696個,2020/21年計劃計劃賣4,700個,但受疫情影響最後只賣出2,112個,但四年依然合共搶走近萬個單位。

    唔少團體當時擔心綠置居恆常化會令公屋庫存降低,不過政府辯稱綠置居「不會減少公屋供應」,因為合資格綠居買家一早排緊公屋。但當年立法會議員不買賬,要求政府即使將綠置居恆常化,亦要根據《長遠房屋策略》繼續增建租住公屋,以保障無能力買樓嘅基層家庭需要[3]。

    過咗幾年,呢個理想並無實現。新建成公屋數字一邊減少,經綠置居流出市場嘅公屋資源一邊增加,此消彼長之下,公屋總數停滯不前,長遠必對公屋流轉及輪候冊有所影響:近幾年綠置居出售單位數目約為每年新落成公屋單位嘅30%,呢啲資源原本係預留作租住公屋,但最後流出市場,政策恆常化長遠或許影響公屋流轉,造成惡性循環。

    房委會賣公屋居屋大賺96億

    咁政府點解要賣公屋?政府並不缺錢,最主要嘅講法係話幫助基層上車(但有無問過佢哋想租屋定買樓多啲先?),實質上保障房委會賺錢嘅機會都係原因之一。

    睇番數簿預計本年度房委會有成96億盈餘,賺咁多,唔多唔少都係因為同近年綠置居越賣越多同復售居屋有關[4]。2021年,居屋同公屋建築成本每個分別只係65萬同76萬,但可以賣200多萬至500萬不等,房委會儼如變成一個逐利發展商。

    政府或許長遠淡化租住公屋的社會角色?

    但房委會唔係公營機構咩?雖然係公營機構,但政府要求房委會「自負盈虧」,係呢個原則下起屋賺錢成為生存條件之一,直接與提供廉價租住公屋嘅目標衝突。但賺錢賺成近百億,又係咪必要呢?

    建屋量減少、視綠置居為公屋政策一部分、強調置業階梯,自70年代起建立嘅租住公屋作為社會福利嘅觀念及政策正逐步瓦解,呢個趨勢同歐美國家如英國自1980年代起嘅公共房屋私有化、房屋金融化、鼓勵借貸置業的趨勢有相似之處,而公共房屋私有化對社會及基層生存權的遺害,在全球各地已有廣泛討論[5],而香港政府似乎唔介意呢啲問題繼續惡化落去。

    閱讀更多
  • ?

    都结婚6年了,只是之前离过婚,申请公屋也还敢写离婚了!真的是大骗子!😢

    閱讀更多
  • ?

    原来再婚了就不可以再一人申请了!

    閱讀更多
  • 1
  • 4
  • 112
  • 2
  • 22
  • 1
  • 3
  • 28
Copyright © 2022 u8hk.com. All Rights Reserved.