@香港公屋 估計佢想要啟德新樓,要新樓請她等多一兩年或想快就派澤安邨比她
屯門餐廳連阿婆都呃!公屋邨好人好事獲近萬港人讚好
-
日前屯門有餐廳分享員工「欺騙」客人的事件,為了讓不肯接受送贈的婆婆獲得小食,於是用一方法將小食免費送到她手中,同時員工們對她的細心服務態度,更使餐廳獲得近9,000名網民讚好。
《啲同事連阿婆都呃》
今日樓面經理休息,我返去扮工
有個婆婆自己一個嚟叫咗三文魚親子丼食
同事輪流行過去同佢傾偈最後用埋紙筆溝通
最後佢哋鬼鬼祟祟拎咗一小碟中華沙律比婆婆俾我發現左,我問做乜事
佢地話其實婆婆好鍾意食中沙
佢哋每次送都唔制話要俾返錢
今次佢哋老作話個中華沙律係跟刺身飯送婆婆好開心食完後
同事攙扶佢出門口上步行架係,我知,梗係深圳服務好啦
世界第一,頂級超卓,冠絕全球
唔使同我講我知道晒
係囉香港真係好落後無得比輸九條街✌️我只係想分享一個香港人同香港人既故事
同埋我想講
我班同事唔係個個聰明絕頂
有時忙起上嚟仲會倒瀉籮蟹
但人以群分,聚埋一齊個個都良善有愛
請大家好好珍惜
一班依然係用個心去做服務既香港飲食業從業員>
@花火漁屋 屯門山景店有時候「好人好事」不需要做甚麼轟動的事情,送贈微小的禮物,亦可將愛分享。這間位於屯門山景邨的餐廳,以銷售日式料理為主,日前在社交平台專頁以「啲同事連阿婆都呃」為題發帖,分享員工與一名顧客的經歷。事緣餐廳有一名婆婆是熟客,員工都落力與她交談及服務,但是曾經多次送贈食物予婆婆,都被她婉拒。近日婆婆又再光顧,點了三文魚親子丼,員工見狀就「老作話個中華沙律係跟刺身飯送」,結果婆婆便不知情下接受送贈。
除了送贈小食,員工會與婆婆「用埋紙筆溝通」,她離開時更會「攙扶佢出門口上步行架」。餐廳指,婆婆本身亦有禮兼客氣,經常「唔該前唔該後」,所以員工們都會以禮相待。餐廳又指出,「同事唔係個個聰明絕頂,有時忙起上嚟仲會倒瀉籮蟹」,但每一位都「良善有愛」;最後更呼籲「大家好好珍惜一班依然係用個心去做服務嘅香港飲食業從業員」。
網友點睇?
- 因為繁體字嘅愛係有心,所以做服務最緊要有心,加油!
- 我諗有啲嘢搞錯咗:唔係對一個七十幾嘅阿婆好就係服務到位,係要全方位。
- 加油,我以身為香港人為榮,希望多啲好人好事
- 坐喺格離枱見到曬 有愛
- 雖然香港的店員大多數都忙碌到頭都(luck),1個頂3個,冇氣透,但我久不久仍會遇到有heart的員工,特別窩心
- 但願香港人仍然有愛不自私!不單服務業,各行各也應如此,收得人工出得力,不要邊收錢一邊丟臉,希望來年我們大家敬業樂業,以愛為家!祝大家身體健康新年快樂。
- 講得好,人以群分。如果我食緊飯,有人喺我旁邊跳舞,我會請佢娘出嚟跳。
- 香港需要多啲你啲員工
- 我家下要投訴你個標題誤導呀!連語文都咁差,又輸多條街畀頂級超卓嘅深圳啦
- 您講得岩,態度如何,服務必定如何
- 呃阿婆!不過你地啲員工服務真係好!
- 我都相信香港地仍然仲有愛。
- 做任何工種都敬業樂業就大家都開心,加油!
- 多謝分享美文,睇完心情都靚啲,個陣香港味濃到呀!正!
- 星期三晚終於去幫襯咗,你哋同事都好客氣。#說好香港服務業故事
- 呢個感動,有啲想喊