@dawen-chen 資料充足,舉報得很好,值得讚揚表揚
這類有錢但不會在香港投資,卻霸住公屋的人,對香港全無歸屬感責任感
嘈到瞓唔到覺好困擾!點同隔籬鄰舍講?情況如下
-
屋企對面屋一家幾口(走廊尾),隔個單位(走廊頭)就係20幾歲男戶主退咗休嘅媽媽。佢成日都會走過去對面單位搵佢嘅仔、孫女一家幾口,有時企喺門口街市叫賣咁大聲同嗰一家幾口講嘢,就算對面一家人出咗去,佢成日都會行入去攞嘢,頻繁嘅時候,可以10分鐘內拉閘三次,一日內拉對面屋到閘20至30次。(我數過)
最頂唔順係琴日禮拜日朝早(逢禮拜日出入得最頻密。),八點幾差唔多九點,又踢住對拖,開閘企喺度同佢個仔大大聲聲講嘢。唔夠15分鐘,又喺佢嗰邊行過去我對面嗰度,兩個單位經常咁樣開閘同閂閘,咁頻繁其實真係好滋擾,我已經好幾次醒咗都瞓唔番。
其實之前有比張紙條仔同對面屋反映過,問過鐵閘聲、門口傾談可唔可以細聲啲,特別係佢小朋友會喺走廊度大嗌大叫,咁對面屋一家幾口時候拉閘都聽得出係有刻意細聲啲,都避免喺門口大聲講嘢,同提個小朋友唔好再喺走廊度大叫。
個嫲嫲其實都知道我比呢啲聲音困擾,但唔清楚係咪佢以為我淨係比張字條對面佢個仔嗰一家幾口講,所以唔知道佢咁頻繁行出行入都困擾我。
考慮方法
我有考慮過要唔要同對面屋個男戶主傾傾?例如:
- 建議佢媽媽可唔可以拎嘢一次過拎?
- 短時間裏面要再入去佢個仔間屋嘅話,就搞掂晒先再拉鐵閘,3)一係就拉鐵閘嘅時候細聲啲。
另外,因為之前都已經貼過張便條仔喺人哋鐵閘,再貼驚冇咁禮貌同埋煩到人。諗緊:
- 今次係咪真係撳門鐘當面同個男戶主傾傾,
- 等咁啱大家出門口見面嘅時候再講講呢件事
- 又或者寫張聖誕咭同買零食物語嗰啲零食禮盒,再夾封信講返個情況,拎個靚啲嘅紙袋仔掛喺人哋鐵閘度
我想大家鄰舍關係好來好去,請問大家點睇?
成日都瞓得唔好真係好辛苦,連續個幾月都咁,琴日禮拜日已經開始頭痛~🫠網友回應:facebook
網友最新回應:
您可能會有興趣:
Copyright © 2022 u8hk.com. All Rights Reserved.