本人單親有一個12歲女兒,已刪了家人那邊戶籍,並已排公屋4年,剛發現自己有癌症,想加回戶籍到家人處,搬回與家人同住,房署會否酌情處理?請問各位有沒有成功案例?
為左公屋咩都可以唔要!即辭職放棄「人工+年資+大假」終於上到樓
-
有感而發既帖不喜任插!
由申請到過多幾日收首派信歷時5年4個月,係呢段時間入面真係真係對於公屋輪候學左唔小輪候認知同見到好多人既留言人情冷暖,有啲留言好刻薄,有啲就用同理心咁為人解答。我第一次見主任就已經肥佬左入息,要停賽半年先再可以重審,之後就由收到唔合格信就正式同公司即刻辭職,我亦都叫我另外一位屋企人即刻辭職唔好做野,因為我係二人申請。我辭左職無做野三個月,換言之無收入三個月,三個月後我再做返野,但就人工同年資同大假乜都無晒,由頭再黎過,因為再次入職由起薪點做先唔過個入息上限,呢個係我決定辭職前都好大掙扎,因為年資同人工無晒,但香港人為都係為個瓦遮頭,所以長遠睇緊係要屋,工作可以慢慢再做返上去。
直到第二次見主任,主任初步口頭話算合格,不過要等收合格信先叫作準,日日睇幾時有黃字,有黃字之後又要睇幾時轉s2,轉左s2又成日睇幾時轉s4,由s2轉s4歷時足足8個月,宜加終於可以放下心頭大石,感恩感恩一切。
網友回應:- 由S2轉S4,衹等8個月算快啦!咁依家應該派左樓啦!恭喜!
- 無錯,土生土長香港人一屋難求,都係為左有瓦遮頭5年幾算快,恭喜恭喜🥳🥳
- 到派屋又担心派唔派到心水,派到心水又要搞裝修,所以想有個安樂窩都要烦好多嘢㗎,希望所有輪候緊公屋嘅人都早日安居
2人?真係好咁快 3人都唔知點 - 我都係8個月轉S4~兩個星期首派!啱啱收匙加油頂多陣喇🫶🏻上樓簽約要申報多次呀!
5年幾 咁快有首派信?祝岩心水 - 到攞匙當日都唔好過限額呀
- 呢度真係好多冷言冷語嘅人,但都有好多熱心嘅谷友,唔開心嘅唔好放心上,上樓嘅歷程真係不容易,祝你以後安居樂業,工作順利🫶🏻
- 🎉恭喜恭喜🎉終於可以安居樂業, 有屋住經濟壓力唔洗咁大, 搵得多又洗得多搵少啲又係咁, 條數都係咁計, 以後晚晚都可以瞓得到瞓得好👍🏻👍🏻
- 我同事一人申請都過小小,要求公司減人工。之後花紅雙糧乜都唔要。福佳公司見佢咁委屈求全,所以加左好多工作量比佢。
- 得公屋得天下!你夠醒目,懂得選擇同取捨!取到公屋之後,再決定下一步怎行
- 五年幾係咪新2呀,如果係就差唔多啦,我擴2,2016 六月到而家都重係S2😭
- 係,好多人都因為門檻太低,要捨棄好多嘢,大家加油👏🏻
- 申請得公屋就要確認所有收入嘅來源,要清楚清晰沒有超越上限入息限制
- 我DKLM 大陸人在大陸有晒資產就有公屋!!!香港人就重重關卡查到篤
- 肥左入息都係5年4個月真係好快 我低收入都等左7年8個月 唔知係你特別好彩定係我特別唔好彩
網友最新回應:
您可能會有興趣:
Copyright © 2022 u8hk.com. All Rights Reserved.