早前，有網民在公屋討論區開帖發文，表示自己女友有一位住在內地的表姐，平日已經常勞煩女友幫忙辦理香港事務，但一副「老馮」的態度，「幫完就算，多謝都冇句」。今年，表姐懷孕，他們有非永久香港身份證，在香港沒有地方住，但打算來港生子，提出希望到女友公屋單位暫住一個月。由於女友的屋企空間少，只有一張碌架床，因此沒有正面答應她。表姐知道樓主女友開學後會暫時離開香港，因此決定「直接突襲」，出現在她家門前，表示自己即將臨盆，只暫住一個月，BB出世後一定會離開。
在亞洲人社會，一般都比較重視家庭關係，即使不是直系親屬，如果親戚需要幫忙，大家都會盡力以為，特別是傳統的父母，對於來自內地的親戚都會「幫得就幫」。最近，有網民分享自己女友慘被大陸表姐佔便宜，對方表示想來港生仔而暫住女友的公屋，女友更因此與自己母親吵架，不甘被人「搵笨」，於是網上求救如何對付厚面皮親戚。
表姐導致母女不和
樓主女友的媽媽容易心軟，因此提出自己搬到朋友家中住，公屋留給表姐居住。樓主女友得知後，非常憤怒，因為她知道表姐一家在內地有車有樓，亦有充裕的流動資金，可是就經常「搵佢兩母女着數」，因此堅決反對母親的決定。想不到，媽媽竟然因此與女友吵架。樓主女友感到非常煩惱，因為她太清楚表姐為人，知道她一定會恃着自己懷孕，經常要求她和媽媽幫忙，「之後大把嘢煩」。樓主因此幫女友開帖，詢問網友意見。
公屋 大陸 。樓主女友感到非常煩惱，因為她太清楚表姐為人，知道她一定會恃着自己懷孕，經常要求她和媽媽幫忙，「之後大把嘢煩」。樓主因此幫女友開帖，詢問網友意見。
網民一致認為應該拒絕
帖文一出後，引來大量網民回應及討論。原來，不少網民都有同樣的遭遇，表示自己都有同樣的親戚，勸喻樓主女友千萬不要讓她們住在自己家，既然他們流動資金充足，應該建議他們住酒店。
- 「親戚兩個字大晒咩」
- 「有事搵你幫手就乜都得，幫完佢之後就反轉豬肚唔認人」。
- 「成日扮有錢，但又佔人便宜」
- 「分分鐘唔肯走，到時間屋真係比佢哋霸 」
我都有啲咁嘅親戚，格衰面口衰，成日扮有錢睇唔起人但一有便宜就占。
你女朋友阿媽係呢件事嘅關鍵，必須要令佢知道事件嘅嚴重性，同大陸班人疏遠，唔係遲早都會俾佢哋㩒住黎搶。到佢出事嘅時候，唔使指以大陸班人會幫手。最終受落嘅都係你女朋友。
伯母知佢地有咁多流動資金都唔會想叫佢地住酒店?😨 叫佢幫乜幫物咪話佢都唔識呀搵唔到呀咁囉 幫得一就有二就永遠都要幫幫幫 就嚟幫埋佢除褲去廁所
叫女朋友唔好理佢地，難聽啲講，如果你介入，伯母可能仲會覺得你多事，一陣憎你
同我d大陸親戚一樣，有事搵你幫手就乜都得，幫完佢之後就反轉豬肚唔認人🙂
原文：
大陸親戚想落黎霸公屋
事緣就係我女朋友阿媽個細妹（阿姨）嘅女想落嚟香港生仔，想暫住我女朋友屋企嘅二人單位公屋一個月
佢哋都有身分證（非永久），但未曾喺香港生活過，表姐已經懷孕，打算落嚟生小朋友，但係佢哋話要住喺我女朋友屋企😧
佢屋企就得一張碌架床，上格床擺嘢，下格一張床咁，地方好細，但新搬入公屋所以新裝修過，我估可能係過年嚟過拜年，睇中左佢哋屋企啦，當時已經係又食又拎，仲要嫌我女朋友阿媽送俾表姐隻金戒指太輕⋯表姐仲問伯母係咪送錯禮物俾佢⋯
呢樣都未同佢計，阿姨而家就話要嚟佢屋企住啦。因為我女朋友開學後暫時唔係香港，佢哋就趁我女朋友走即刻過嚟，阿姨仲特登問我女朋友係咪喺香港，唔覆佢仲打多三個問號❓ 意思即係問我女朋友做乜唔覆佢 。
佢次次都要我女朋友幫手辦香港啲嘢，但都係幫完就算，多謝都無句。
昨日仲殺到我女朋友屋企😧同伯母講表姐就嚟生，暫住到bb出世，最多不出一個月一定返大陸，伯母又真係肯應承（肯定收好平），再通知我女朋友，伯母搬出去住朋友度，佢哋兩母女留女朋友屋企，我同女朋友聽到都好愕然，原來尋日係咁問係唔係香港係咁意思，唔係有事要問，係想瞓埋佢張床。
btw最尾係女朋友堅決反對下，伯母帶佢去朋友嗰度住，因為朋友要去大陸探親兩個月，短時間唔返嚟，間屋都幾大，兩房一廳咁，就安排佢哋住人屋企。
但我又好擔心佢哋會貪得無厭，拎埋人地屋企啲重要嘢，或者用壞人屋企啲嘢，佢哋生完住完就可以走，但伯母就要執手尾喇🥺
諗到呢層，女朋友同伯母講返，唔好安排去人地屋企，伯母仲鬧返轉頭，乜事都要理埋，伯母係一個好傻好易心軟嘅人，明知表姐佢地都唔尊重自己仲要幫，我有時真係諗唔明啲長輩諗咩😵💫
講到呢度大家可能會以為阿姨一家係咪好窮，錯啦，佢地屋企有車有樓，起碼流動資金有7位數字，但表姐同表姐夫係好食懶做唔會返工嘅人，阿姨就好孤寒成日搵著數嘅人黎，我同女朋友都好憎佢地，好睇唔過眼啲大陸人落黎搵著數，呃公屋，搶香港資源。
佢哋初嚟香港，乜都話唔識，要伯母幫手打點一切，仲要叫我女朋友搵埋公立醫院生小朋友啲資料俾佢哋，我估之後大把嘢煩😡
同埋如果伯母朋友提前返，趕佢哋走，都有機會返到佢屋企住😓
各位有無類似經驗點樣對付呢啲大陸人，求賜教😭
