唔想要！派左彩雲邨高層

[公屋2021]

二派彩雲一邨紫霄樓高層
間屋睇左，細到阿媽都唔認得，
間兩間房又無位行，超級唔滿意，大約2百幾呎大
我同我先生講，如果滿意呢間屋，但露台會book左去，用來做房間，佢又話唔好

---

G1350（登記日期2014年4月29日）
在擴3見主時轉市區
6月28號見完主任
7月頭網上轉S2
7月6號收合格信
30/7轉S4
5/8首派順安邨
6/8拒絕❌ 8月14日 網上顯示拒絕信息

[訪客]

28.61平方米唔細la

[訪客]

表面睇數字唔細，但實際2百幾呎都無

[訪客]

想大咪轉新界搏皇后山，30平方

[訪客]

好同情樓主，房署呢排派屋又舊又細，真係好難令人接受，希望下次派到心水樓

[訪客]

我朋友一家五口住緊紫宵樓同你一樣尺寸🤭🤭

[訪客]

唔係好多人都好似你咁同情囉，以為我中意新樓？新舊樓都係咁住，但問題係間屋好多限,制，又唔可以間房間到天花板，因為房暑裝左假天花板，每3年入屋檢查一次假天花板。

[訪客]

師姐你放心，我又冇話你吹水😅大家都係討論下，雖然我冇聽到數字既野，我亦都冇話師姐你想要新樓，只不過新樓就間隔實用啲，師姐覺得細，可以就翻某啲方法，大機會拎間大啲既，前幾日見有師兄3人，派環翠，得26.幾平方米，所以先叫師姐睇下需唔需要轉區等下啫，無其他意思，另外師姐一開始冇講係頂層，如果頂層又多少少麻煩位，師姐自己考量下睇博唔博下派，至於同唔同情呢個位，一開始師姐淨係講高層，所以我覺得3人住200幾300呎都冇乜大問題，位置既話，紫霄樓落彩虹地鐵站同巴士站都係10分鐘左右，想平可以去牛池灣街市買餸，我係覺得還好既！

[訪客]

我當初都係好似你咁諗法，但去到睇單位前，房屋辦事處既主任講明翻新單位有裝假天花，呢一點我要己經停左一停，上到去單位一入屋就感覺唔舒服問題，係焗。之後我晏就3點計打去問過彩雲辦事處，係咪26樓等我果個單位先裝了假天花，主任答我係，因為翻新單位，我再問佢，其他單位無假天花，主任答我，其他舊主戶無，係翻新單位才有，我即係omg，加上果個單位屬於3-4人單位囉（完全唔覺3-4人）

[訪客]

早前有帖討論過
是假天花應對防漏
好似說：五年需要入屋拆及換一次。
我估是新法防漏
所以只有翻新公屋才有

[訪客]

果個主人只答我所有舊樓同樓齡太耐既單位都會翻新。

[訪客]

所以師姐你等下派啦，至於係咪要轉區就睇你自己，我只可以話有機會會細過彩雲

[訪客]

單位面積其一，但呢個問題在於翻新左，天花板裝了假天花。問題二，每隔3年會有人來檢查或拆天花，問題3，限制我哋裝修（紫霄樓主任講明要裝修可以，但間房間既板或磚牆唔可以上頂）因為每隔3年有人上來檢查，我等8年公屋都係想要一個安樂窩，唔係要一間住又住得唔舒服既屋囉，每個人申請公屋既人都係咁樣諗法。要一間有限制裝修既屋，咁不如唔要

[訪客]

單位面積其一，但呢個問題在於翻新左，天花板裝了假天花。問題二，每隔3年會有人來檢查或拆天花，問題3，限制我哋裝修（紫霄樓主任講明要裝修可以，但間房間既板或磚牆唔可以上頂）因為每隔3年有人上來檢查，我等8年公屋都係想要一個安樂窩，唔係要一間住又住得唔舒服既屋囉，每個人申請公屋既人都係咁樣諗法。要一間有限制裝修既屋，咁不如唔要

[訪客]

你情況應該係問題單位，把握最後一次機會，同主任反映吓，你個號碼應該會等到海達，祝三派心水啦

[訪客]

我講左啦，佢話封信無寫係問題單位就唔會係問題單位

[訪客]

無，問左好多次，有師姐首派都係呢個單位，但佢同我講果時主任跟佢講係拆

[訪客]

你錯了！我三派正常單位，都俾我講到變問題單位，只要係合理嘅，我相信屋署都會考慮，你要知道佢地都會人為出錯，唔好咁天真，封信寫咩就係咩，你覺得個單位有咩不滿有咩問題，清清楚楚直接同主任講，不過你仲有一次機會，你自己諗吓有冇必要同佢理論喇～

[訪客]

我都係派左紫薇樓但仲未去睇實物 如果3人按1千5幾租金係24平方個種單位 我17號先約見 而家仲考慮緊 我係首派 但個地鐵站又真係近到行3分鐘就到 十分吸引 只係50幾年樓齡先15/16