首次註冊 u8hk.com 成為會員需透過Google登入,成功登入後可以設定用戶名及密碼。

父親過身成公屋寬敞戶失業女與母被迫大屋搬細屋


  • 居住問題總為港人帶來困擾,有連登女網民日前在討論區發文,指父親去年過身,現在的公屋單位只有自己和母親居住,近日收到房屋署寄來的調遷表格,表示她們要大屋搬細屋,還要花4萬元還原單位,令目前失業的她陷入困境,「完全無預過會咁樣,好無助,日日為咗無屋住而煩,可以點?」

    XdryY0iTtf0BXllWrIKDavgCMco8IkAavlte8b5bXvE.jpeg

    該女網民近日在連登討論區以「老豆過咗身,而家係優先寬敞戶」為題發文,指父母多年前離婚,媽媽帶住她和妹妹租樓住,後來因負擔不起而再搬回父親的公屋單位,她自己則在外租屋另組家庭,但一直沒有讓媽媽加名到公屋戶籍上。直至父親一年前過身,妹妹亦已除名準備買樓,公屋戶籍只剩下樓主一人。

    樓主表示,近日收到房署的調遷表格,要求搬往一人單位並要花4萬元還原,而且現有家私太大未能搬過去,大部分電器亦用了廿多年很殘舊,「即係搬屋還原、買家電、傢私要洗一大筆錢」。她又指即使戶籍加回媽媽後,亦只能搬往1至2人單位,「唔通要孖舖瞓?」、「我自己一個咩都得,仲有個阿媽呀,得120至150呎,我都想像唔到點一齊住」。

    她指媽媽今年50歲,自己畢業1年多,沒有太多工作經驗,之前做銷售員但逼得自己好緊,令抑鬱症更嚴重,打算休息一排再找工作,但剛好碰上疫情,找文職也沒有人聘請。樓主坦言自己的情緒很反覆,「今日我可以好積極好有信心,聽日我可以完全起唔到身。呢排無信心嘅日子多過有信心。」現時只想住多幾年,有穩定收入才搬走,「我都唔想霸住間屋,但而家無能力搬」。

    對於有網民建議申請綜緩,樓主指當年媽媽離婚後一個人養大兩姊妹, 「佢幾辛苦都未諗過要拎綜援,而家我要去到拎綜援都未接受到」,目前她會盡快找議員或社工尋求意見,商討下一步可以怎樣做。

    帖文引起網上熱議,有網民同情樓主的遭遇,紛紛提出不同建議,如跟房署「講數」減低還原費用,或要求搬至同座不同單位,「樓上搬樓下,慳好多」,又可以到網上免費送家具的群組看看。有網民則鼓勵樓主「馬死落地行」,勸她積極找工作,「兼職、7仔都做住先」、「之後搵份ft(全職)捱幾年綠表買居屋,加油」。但亦有網民認為有公屋住算好,「要你搬細啲啫,又唔係收你間屋等你冇屋住」、「逼啲咪逼啲,係無私人空間,剩係可以食飯訓覺,咪簡單啲生活。」

網友回覆

  • ?

    他说父母在元朗是只要原因!😕

    閱讀更多
  • 最近新界區都係派皇后山唔奇

    閱讀更多
  • ?

    @karrybb 我住屯門又係派皇后山!唉,

    閱讀更多
  • 老人家住果邊都幾好啊 近大自然可以行下山

    閱讀更多
  • ?

    其實派到邊度都唔熟路,要慢慢適應。

    閱讀更多
  • ?

    我覺得派到三寶或者新樓機會一半一半啦

    閱讀更多
  • ?

    屯門好似黎緊都有新樓

    閱讀更多
  • ?
    閱讀更多
  • 本人日前收到房署信首派皇后山因為父母住元朗加上粉嶺唔熟路,所以目前正考慮是否等二派睇下去唔去到屯門,但系唔想要舊樓,下想問二派要等幾耐同埋派新樓機會有幾大
    新界2人
    2015申請G-1396XXXX

    閱讀更多
  • ?

    屯門3月預派有機會

    閱讀更多
  • ?

    3月預預派屯門

    閱讀更多
  • 驚樓價跌?

    閱讀更多
  • eda95a48-10ba-40e2-b013-c2dc9ad0624a-image.png
    2017年10月林鄭提出「公屋封頂論」,指公屋數目最高限制為80萬,被大肆批評後隨即否認。當年雖然否認,但最新數據同近年趨勢都顯示,「公屋封頂論」似乎正在逐步實現。

    年年政府都誓神劈願話係多啲公屋,不惜向綠化帶甚至郊野公園打主意,咁近年公屋數字有無多到?

    公屋單位總數 較上年底淨增長 2017年底 802,134 +4,729 2018年底 818,903 +16,769 2019年底 828,138 +9,235 2020年底 835,665 +7,527 2021年底 836,643 +978
    (資料來源:注1)

    公屋單位增長數字有2018年底起逐年下跌,截至去年第三季更增長不足1,000,而住係公屋嘅居民數字由2019年起減少11,267人,雖然數字可能與人口老化有關[2],但與公屋最新總數字近乎「封頂」不無關係。

    過去四年賣走近萬公屋庫存

    2017年10月林鄭提出「公屋封頂論」,指公屋數目最高限制為80萬,被大肆批評後隨即否認。當年雖然否認,但最新數據同近年趨勢都顯示,「公屋封頂論」似乎正在逐步實現。

    faa0aee0-825b-48bb-9f2c-7716f0980a05-image.png

    有兩個因素影響導致公屋數目近乎封頂,除咗因2018年起公屋落成數目由過往每年20,000個左右,逐步下跌至2020年6,605個外,將新建成嘅公共房屋資源私有化,亦嘅主要因素之一。林鄭收回「公屋封頂論」後3個月,政府宣布綠置居恆常化後頭兩年賣出市場嘅公屋庫存分別為2,545個及3,696個,2020/21年計劃計劃賣4,700個,但受疫情影響最後只賣出2,112個,但四年依然合共搶走近萬個單位。

    唔少團體當時擔心綠置居恆常化會令公屋庫存降低,不過政府辯稱綠置居「不會減少公屋供應」,因為合資格綠居買家一早排緊公屋。但當年立法會議員不買賬,要求政府即使將綠置居恆常化,亦要根據《長遠房屋策略》繼續增建租住公屋,以保障無能力買樓嘅基層家庭需要[3]。

    過咗幾年,呢個理想並無實現。新建成公屋數字一邊減少,經綠置居流出市場嘅公屋資源一邊增加,此消彼長之下,公屋總數停滯不前,長遠必對公屋流轉及輪候冊有所影響:近幾年綠置居出售單位數目約為每年新落成公屋單位嘅30%,呢啲資源原本係預留作租住公屋,但最後流出市場,政策恆常化長遠或許影響公屋流轉,造成惡性循環。

    房委會賣公屋居屋大賺96億

    咁政府點解要賣公屋?政府並不缺錢,最主要嘅講法係話幫助基層上車(但有無問過佢哋想租屋定買樓多啲先?),實質上保障房委會賺錢嘅機會都係原因之一。

    睇番數簿預計本年度房委會有成96億盈餘,賺咁多,唔多唔少都係因為同近年綠置居越賣越多同復售居屋有關[4]。2021年,居屋同公屋建築成本每個分別只係65萬同76萬,但可以賣200多萬至500萬不等,房委會儼如變成一個逐利發展商。

    政府或許長遠淡化租住公屋的社會角色?

    但房委會唔係公營機構咩?雖然係公營機構,但政府要求房委會「自負盈虧」,係呢個原則下起屋賺錢成為生存條件之一,直接與提供廉價租住公屋嘅目標衝突。但賺錢賺成近百億,又係咪必要呢?

    建屋量減少、視綠置居為公屋政策一部分、強調置業階梯,自70年代起建立嘅租住公屋作為社會福利嘅觀念及政策正逐步瓦解,呢個趨勢同歐美國家如英國自1980年代起嘅公共房屋私有化、房屋金融化、鼓勵借貸置業的趨勢有相似之處,而公共房屋私有化對社會及基層生存權的遺害,在全球各地已有廣泛討論[5],而香港政府似乎唔介意呢啲問題繼續惡化落去。

    閱讀更多
  • ?

    都结婚6年了,只是之前离过婚,申请公屋也还敢写离婚了!真的是大骗子!😢

    閱讀更多
  • ?

    原来再婚了就不可以再一人申请了!

    閱讀更多
  • 28
  • 2
  • 22
  • 1
  • 3
  • 4
  • 8
  • 1
Copyright © 2022 u8hk.com. All Rights Reserved.