首次註冊 u8hk.com 成為會員需透過Google登入,成功登入後可以設定用戶名及密碼。

好煩惱!公屋阿媽40萬積蓄「想綠表買居屋」


  • 近日討論區上有網民分享個人故事,指出正在居住公屋單位的母親,打算動用積蓄買居屋單位,有意起用自己及家姐積蓄資助。如果你平租緊公屋住,有幾多人真係想放棄公屋,拎張綠表出嚟買未補價公屋或居屋單位做業主?

    97c22d94-f9a7-4c36-a266-d40a6847dd2a-image.png

    該網民指母親好想買居屋,惟只有40萬元積蓄,一個人難以支付樓價約300萬居屋單位,樓主感覺到母親希望自己與家姐出手幫忙,雖然想母親住得舒服,惟樓主仍提出問:「你會唔會攞錢出來幫佢? 佢好似想家姐和我幫佢,我又諗如果佢百年歸老, 層樓點攪?」最重要問題是,樓主本身與家姐都有地方住, 所以不明為何母親想買樓。

    其他網民意見主要分兩派,一是支持放棄公屋買樓,主要原因是他日人去世後,政府必然收回公屋單位,建議趁現在利用公屋綠表換居屋,有網民直言:「如果層樓百年歸老後留畀兩姊妹而能力可以供,我會考慮,當孝道亦當投資!」不過有網民提醒要小心供樓問題,特別是由誰人供樓及他日遺產留畀邊個親人等問題,避免出現爭產。

    另一派意見是反對買樓,有網民認為不一定要買樓,買金都可以保值留給子女;有意見則指既然有公屋單位住緊,根本無必要花額外金錢買樓置業;有網民則則不客氣說:「好心做棺材本,仲攪咁多野做乜!」


  • 他朝阿媽百年歸老,到底誰人繼承業權,如不及早有共識協議,恐怕兄弟姊妹間會爭吵不斷,甚至成為仇人。


  • 可以不理,有得就算啦!想咁多做乜,幾十歲,費事第日姐妹成仇。


  • 可以同你家姐傾好到時一人一半,叫阿媽立定平安字,如果你自己供到咪當儲錢law,最緊要傾掂數同埋寫低佢大家簽字,唔好到時嘈ja。


  • 百年歸老,是你倆。一起住/各有錢,各買一層,居屋出租當一份投資。


  • 訪客 在 好煩惱!公屋阿媽40萬積蓄「想綠表買居屋」 中說:

    百年歸老,是你倆。一起住/各有錢,各買一層,居屋出租當一份投資。

    居屋係唔可以出租,要補左地價先可以出租


  • 你媽媽年紀幾大?
    可能你媽媽係為你地着想
    想老時換居屋
    唔好浪費綠表
    如果你冇細佬、大哥
    又有閑錢
    不妨一試,買到居屋即賺到
    將來同你姐賣出去分返錢又得


  • 嘩,佢自己都無錢供,即係要仔女代供樓?雖然第時老走左可以賣啫,比我就唔會孭多筆債係身了


  • 咁有能力有閒錢咪供囉,反正放銀行都無息


  • 如果阿媽年紀大,佢唔想佢走左後俾房署收番間公屋,襯而家換居屋係啱,大前題間居屋留俾邊個,邊個供。 如公屋只得佢一個名,就算係長者都好難抽到, 因只當一人家庭。 真係抽到先算。

    我62一人住,都抽左兩年都買唔到, 係上年疫情賣唔晒,到最後兩日揀樓先收到通知去揀樓,只剩番青衣細單位, 105萬 180呎,都買左先。


  • 咁又唔會
    好睇居屋個地段
    好多居屋屋苑係地鐵上蓋
    居屋個則實用,租金收入回報唔錯㗎
    而且好多家庭客願意租
    準時交租又企理
    我老爺上年都補咗地價
    另買私樓住
    個租金收入加少少夠供新樓


  • 照估是六十幾家庭主婦
    老本得40萬即是過去幾十年生財力不高
    都是旨望女兒供樓
    可能不清楚買樓有洗費及裝修費
    奇在不同女兒講買居屋目的


  • 如果一粒仔還可理解。如果兩個係女就唔好了。將來结婚有家庭自己都要錢用。


  • 60歲, 得40萬資產, 根本冇可能上會!



  • 當300萬樓價, 15萬首期, 律師, 印花, 普通裝修, 40萬夠上車!
    但之後佢有冇能力供得起?


  • 如居屋業主只係阿媽, 千祈唔好鼓勵佢或金錢上支持佢.遺囑係可以改的

    佢可以在公屋住過世, 但如佢係居屋唯一業主, 你同家姐將來可能因幫手供款數目不同或阿媽偏心, 只留俾一個女.

    或阿媽仙遊時, 你和家姐可能各有家庭, 一個女+C6想一家搬入去, 另一個女+C6想賣左平分, 可能兩姊妹及两位丈夫吵大架,因財失義

    我個case係99買私樓租俾人住,叫C6幫手供, 攤長很耐還俾佢.99仙遊後, 62再娶.62決定不還錢俾C6,叫佢去下面找99還. 冇借據冇合約

    結果係後生後母分最大份, C6一元都冇得收番.其他俾C6的幾個哥哥平分.佢地話C6自己(同我)有私樓住, 遺產應幫下住公民的哥哥們


  • 我會全資買俾阿媽,只要佢哋開心


  • 我上個月打去問左,因為我媽本身居屋未補想出租已擁有30年,後來因為費事煩都係選擇補地價

    只要買入居屋擁有暫時10年期就可申請配對證,就唔洗補地價都租到比排緊公屋既人,只要差對方都同樣去申請配對證就得

    老實講..雙方都要申請配對證,租金都唔會可觀,因為如拍得住附近單位,唔會有人咁煩拎幾百出後申請配對證


  • 你夫家既人, 都好無恥喎,我想爆粗。

網友回覆

  • 一家人本關係和睦,卻因一個單位反目成仇。TVB節目《東張西望》近日報道,一名50多歲獨身女子多年前將所住居屋,轉讓予關係不錯的二哥,且將200萬元身家全借出,條件是對方要讓自己在單位長住。然而當二哥入住老人院後,事主卻收到懷疑由二嫂代為發出的律師信要求她搬走,面臨無家可歸。

    貼200萬補地價 獨身女居屋業權轉讓親兄

    該名年過50歲的朱女士(化名)是家中孻女,對上有4名家姐及2名哥哥,家人關係向來和睦。早年她與母親及二姑一家居於葵涌一公屋單位,至20多年前,她以白表抽到鄰近的一手居屋,母親便以朱女士的名義買下該個單位,並且已經供完。

    朱女士受訪時指由於母親體弱多病,多年來都是由她負起照顧母親責任,因此不便外出工作,只能間中打散工幫補。至2016年底,朱女士的二哥身體轉差,故她主動提出由二哥照顧母親,改由自己外出打工,惟二哥反建議她將居屋轉到其名下。朱女士要求二哥無論任何情況都不可以賣樓,並要一直讓她居住,朱女士指二哥當時亦有口頭答應條件。

    收律師信被趕走 事主斥貪錢二嫂從中作梗

    除將居屋轉到二哥名下,朱女士更將現金連股票合共約200萬元積蓄,無條件給予二哥用作補地價,

    「諗住佢(二哥)屋企有大有細,有錢可以幫到佢。」

    朱女士當時認為兄妹一場,相信並無問題。當朱媽媽於2018年肺癌過身,朱女士繼續獨居於該單位,未料去年8月起二哥多次對她發出律師信。朱女士起初對信件不以為然,直至收到由土地審裁處發出的法庭信,要求她在7日內搬離單位,始知事態嚴重。

    曾出信追債「棋差一着」

    由於二哥已入住老人院,加上曾承諾單位可讓她一直居住,朱女士估計是二嫂在背後從中作梗,故曾主動聯絡二嫂了解,但被對方一口拒絕,亦不讓她與二哥接觸,更反咬一口指責她曾對二哥發律師信,要求追回當年用作補地價買樓的200餘萬元,故才會透過法律行動要求她搬走。面臨無家可歸令朱女士頓時陷入困境,

    「突然間要我走係咪要我去死?我依家覺又瞓唔到,好抑鬱。」

    執業大律師陸偉雄表示,朱女士向二哥發律師信要求還錢,款項可能被視作除買樓外有其他用途,做法反而對朱女士自己甚為不利。然而陸偉雄認為,朱女士仍可向土地審裁處取得上訴許可,如再配合當年二哥向朱女士承諾讓她在單位長住的證據,即使日後朱女士與二哥二嫂對簿公堂仍有勝算。報道指朱女士已參考陸大狀建議,向土地審裁處申請擱置遷出單位命令,現正等候上庭,希望事件最終可圓滿解決。

    閱讀更多
  • 用白表先可以

    但餘下家人必須夠18歲同埋要過到資產入息審查。如果過唔到俾房署踢走,佢係唔可以住係新買既居屋(因為冇名)。
    另外,用白表買左新居屋之後,名單上的人要即時搬離公屋。如果是買樓花,就要另覓地方暫住。

    閱讀更多
  • 首先你要想用綠表或是白表?

    閱讀更多
  • 我剩係知綠置居份申請表寫明:公屋內所有成員

    所以我都唔知係啲人吹水,定係改咗規則,還是有我唔知的特殊方法

    閱讀更多
  • 一家四口住公屋想下年抽新居屋
    爸爸係戶主
    請問可以只有戶主+媽媽+其中1個家庭成員抽新居屋嗎?
    填表申請時係咪填3個人資料就得?
    如果抽到 係咪可以將現有公屋資格轉名畀餘下成員…
    由大單位搬細單位?
    Thanks
    2212090250dfc354c354e12a64.jpg

    閱讀更多
  • 請問你一個家庭可以用綠表買兩套房嗎?

    閱讀更多
  • 1/12號中午12點,原來1點前選樓,但是要等到2-3點才能去交本票+簽約。因為房署午飯時間😂😂

    所以附近食完,3點去等簽約+交票+等文件。差不多5點才搞完。

    現場人數並不多,大概4,50人。我以為人山人海😂😂

    2年時間,綠表家庭隊買了一個居屋,長者隊買了一個大租置。也算圓滿畢業。沒買熱門的啟德,一來2層樓負擔重,二來老人家嫌細。畢竟用來住不是投資😂

    最後祝大家好運連連,堅持就是勝利。

    閱讀更多
  • 房署回覆,自己有未補地價居屋,可以承繼父母的居屋,不會有雙重福利

    閱讀更多
  • 究竟拎咗間公屋幾時可以用間公屋綠表買居屋?我阿爸阿媽有綠表居屋係咪可以轉名畀我㗎?媽,好亂呀~唔駛驚,郭Sir👨🏫喺大廳,一齊聽吓郭SIR點講啦!


    #新手攻略 排完公屋即上車換居屋?!綠表居屋可以轉名俾仔囡?!? #中原訓練學院 #地產考牌

    #繼承居屋 #新手攻略 #郭SIR #郭昶 #公屋 #新手上車 #新手買樓 #居屋 #樓換樓 #綠表 #居屋轉名
    #考牌班 #中原考牌班 #考牌攻略 #地產代理 #地產經紀牌 #地產經紀 #地產代理課程 #地產代理考試課程 #地產經紀課程 #地產代理牌 #地產代理牌照 #地產代理考試試題 #地產經紀牌照 #地產代理考試 #地產代理考試天書 #地產考牌 #地產代理證書 #地產經紀證書 #地產經紀考試天書 #地產經紀考試試題 #地產經紀考試課程 #地產代理考牌 #入行地產 #地產代理入行 #AA入行 #AA考牌 #地產經紀懶人包 #地產經紀入行

    閱讀更多
  • 抽到必賺的

    閱讀更多
  • ?

    邊個計架,印花稅廿幾萬?

    閱讀更多
  • Wha_1024.jpeg
    原本想公屋換居屋全家住得更好,卻引爆家人之間互不信任問題。一名港男與父母同住公屋,最近打算以公屋抽居屋,但父母擔心日後隨時被兒子趕走而拒絕,除非新買的居屋由他們來做業主。事主對於被認為反骨感到無奈,直言從未有此想法,一直只盼婚後跟妻兒、父母同住。

    公屋換居屋

    一名20多歲男網民本周三(23日)在「香港討論區」發帖,表示自己出社會工作一年多,月薪2萬多元,跟不到60歲、仍然在職的父母同住公屋3人單位,現時正繳交雙倍租金,而家中所有支出,包括租金和水電費均由他負責。

    事主指打算今期以綠表抽居屋,但身為戶主的父母表明反對,只因擔心換居屋後會被他趕走、「唔畀屋佢哋住」。事主對此感到無奈,稱從沒想過趕走父母,二人遂要求他簽訂合約,

    「佢哋又話,換都得,要我寫份合約,講好換居屋後唔准趕佢哋走,業主的名要寫佢哋,供就由我供。」

    望將來與妻兒父母同住:咁都有錯?

    事主稱自己只想換一間面積較大的3房居屋,將來結婚後跟妻兒和父母同住,不禁反問「咁都有錯?」然而父母卻批評其想法天馬行空,

    「(父母)又話我先20幾歲,人哋30幾40歲公屋都冇間,你就想有居屋住?唉,我都係想供間居屋,一家人一起住,點知父母咁樣。」

    網民:父母覺得你係反骨仔

    不少網民看到帖文後,形容事主此舉或令父母有感他「不孝」、「反骨」,指社會上有很多例子都是子女換居屋前後兩個樣,認為其父母為了保障自己才會這樣做,亦有網民質疑事主結婚後,其妻未必想跟老爺、奶奶同住。此外,另一方面有網民認為換居屋還有很多實際問題,包括其人工是否能負擔供樓等。

    閱讀更多
  • ?

    兄妹抽到都無機會揀樓

    閱讀更多
  • 各位好,黎緊想抽居屋有啲問題想請教大家。
    本人居住緊5人單位公屋。然後想以兩位成員名去抽居屋。想問大家萬一如果抽中的話,除咗名間公屋就變三個人,間公屋會唔會比房署收返架?

    閱讀更多
  • 北部都會區2022

    《施政報告》提出發展「北部都會區」,房屋協會早前表示,會在粉嶺、洪水橋及古洞北興建專用安置屋邨,預料會在2024年分階段落成。房協近日向城規會提交申請,放寬古洞北屋邨的地積比至5倍,以增加214個單位至2,868伙。
    文件顯示,該專用安置屋邨毗連雙魚河,與豪宅「歐意花園」僅兩街之隔,將會興建3幢34層高的資助出售房屋,以及一幢32層高的出租公屋,邨內將興建安老院舍、幼稚園和零售商舖等,並會設有庭園等休憩地區。

    132a86fd-cb7a-4428-9d0f-54fe7a312abe-image.png

    房協向城規會提交的文件顯示,將於古洞北新發展區第24區,興建專用安置屋邨,涉及4幢綜合用途大樓,相關大樓介乎32至34層樓高,包括1層地庫停車場和2層平台,今次申請是要求放寬該屋邨的地積比率,由4.5倍增至5倍,增幅為11.1%,以增加額外214個單位,令整個項目的單位總數增至2,868伙。

    該專用安置屋邨毗連雙魚河,與豪宅「歐意花園」僅兩街之隔,相信大部分單位可以看到河景,鄰近港鐵「落馬洲支線」,鐵路後方將會發展成市廣場(planned Town Plaza),屋邨的另一邊則預料會興建醫院,旁邊亦會有古洞北區域供冷系統。
    4134c4b3-0e37-4d01-bdca-e828dee4edda-image.png 9f2a612b-7d0e-4341-88cf-41e270b80cbf-image.png 48ea0d83-c114-47ba-b30e-2a9dd6746b7b-image.png

    文件顯示,該安置屋邨其中三幢大樓會將會發展為資助出售房屋,各樓高34層,將以平台相連,平台將會設有社福設施,包括安老院個,餘下的一幢大樓則是樓高32層的出租公屋,毗鄰有零售商舖和幼稚園。

    項目將設有不少於7,760平方米休憩用地,包括有緩跑徑、192個單車泊位、庭園等,平台亦會亦有安老院舍、幼稚園等社福設施。至於地庫停車場則可提供558個停車位,當中334個屬於私家車車位,23個屬於電單車車位。

    92237768-bde1-4657-bd78-8ffaf6f61517-image.png
    ff6bf7d1-8601-4605-be2f-d34bb18a759f-image.png 9d14da76-7345-4a81-93dd-c1f6b16136c1-image.png f22267b3-25ba-40a0-a592-a7f796cf3bbd-image.png
    房協解釋,專用安置屋邨是要為受清拆行動影響的人士,提供安身之所,今次申請可增加相關屋邨的平均單位面積和數量,將能改善受影響住戶的生活質素和房屋供應,而放寬地積比後的發展密度,亦與古洞北新發展區內的周邊規劃用途相容。

    房協主席陳家樂去年10月表示,「北部都會區」是政府長遠的房屋部署,相信會涉及不少收地及安置工作,未來會繼續配合政府的清拆行動,以及支持和協助發展都會區,包括在古洞北、粉嶺和洪水橋三區興建專用安置屋邨,預料會分階段在2024年落成。

    專用安置屋邨主要為不符合房委會資格審查的受影響居民,提供多一個選擇,包括租住或購買資助出售單位,基本條件是申請人不可已擁有物業;租金屆時會再按政策而定,至於出售單位的價格會參考居屋價錢。

    閱讀更多
Copyright © 2022 u8hk.com. All Rights Reserved.