首次註冊 u8hk.com 成為會員需透過Google登入,成功登入後可以設定用戶名及密碼。

無戶籍子女還原公屋?父母離世交還曾改間隔公屋


  • 不少公屋租戶入伙時都會裝修,自行間房甚至大改廚廁位置等。有網民指租住公屋的父母離世,由於子女無戶籍、單位曾經改動間隔,交還單位擔心會被要求自費還原。房委會雖列明租戶「還屋」時要將單位還原,但其實在一個情況下部分設施可以保留。

    一位網民近日在網上討論區「親子王國」發文詢問,倘公屋單位曾經改動間隔,當戶主離世、子女沒有戶籍,將單位交還房委會時,子女需否自費將單位還原。

    多位網民留言解答,有人認為子女沒有戶籍,未必需要承擔還原費用,有過來人則表示,數年前父母先後離世,他代父母交還公屋時,由於他並無戶籍,房署主任見單位有改動也未有要求還原,

    「個主任見到有改動都無講嘢,就算佢講,因間屋得兩老有戶籍,我都無責任代佢哋還原。」

    交回公屋須自費還原單位

    房委會列明,租戶如曾在單位內進行裝修或改建工程,於交回公屋時必須自費完成以下3個事項:

    • 把房委會的所有固定裝置及設備恢復原狀
    • 拆除加建的固定裝置及設備
    • 清走所有家具、雜物及垃圾

    如租戶沒有辦妥,房委會將從其按金扣除有關的清潔和維修費用,以及有關行政費用。

    廚櫃座廁等狀況良好可保留

    運輸及房屋局局長陳帆曾在2018年以書面回覆立法會議員有關公屋單位還原工程提問時,指房委會會在公屋租戶遷出有關單位前,對該單位內的設施及裝置作全面勘察,以評估及決定可保留、維修或更新的項目。

    若前租戶自行安裝的固定裝置及設備如廚房掛牆碗櫃、浴室座廁及水箱等的狀況良好,房委會一般情況下都會容許保留,無須還原,以供新租戶選擇繼續使用。倘若新租戶選擇接受前租戶自行安裝的固定裝置及設備,日後便須負責該等裝置及設備的維修保養責任。除此之外,房委會會根據單位的個別情況,在現有租戶遷出公屋單位後,進行空置單位翻新工程。

    當時陳帆提到在2015/2016至2017/2018三個年度中,房委會分別收回了12,400、12,000及13,300個公屋單位,不過政府沒有備存以上關於還原工程的數字,只表示房委會會要求相關工程的承辦商,執行良好的廢物管理措施,盡量減低對環境的影響。

    7c63731b-e8c5-43ab-81df-81f9e51f81eb-image.png 1a88f5c2-b82c-46fd-801f-341cf11791f0-image.png
    436c93f1-55d1-4219-bde3-961b10d8619d-image.png 0d637d5b-34a2-4a6a-9bab-a9434d128edd-image.png


  • 無名真係彩佢都傻


  • 無戶籍關人蛋治


  • 吾通父母欠的卡數你找咩,吾需理的。


  • 如繼承財產有機會需要


  • 正確黎講,當初租住係有按金可退回(但必須保留當年正式收據)可還原及搬走傢俱電器盡清走後,房署會搵人上去睇,清唔到或唔清走的,佢地會計出相關費用要租客支付,或在按金內回扣。這是本人去年的經驗。


  • 都冇戶籍,雙親又仙遊,駛乜理咁多呢,房署有外判執手尾比D新住戶


  • 辦理交還鎖匙的手續前, 房署人員 會檢查過間屋, 會告知你是否要還原。


  • 我爸的公屋,是拆了原有的石屎間隔,但房署沒有要求還原。冷氣機架沒有要求拆除。
    但租戶的傢俬就一定要清走(傢俬係包括自己加的房間間板)唔搬或拆就要比清理費, 當時我地自己清走晒才交屋。 地板方面,地磚或膠地板都唔會要求還原。 所以交屋時,無需比任何額外費用。


  • 我識得班愚孝仔女還原咗間屋,佢哋嘅心態係幫父母辦事,不是聽房署話


  • 公屋應該比返户主d子女繼續居住啦!跟本大家住咗咁耐都有份感情都已經當咗佢係祖屋啦!


  • 當事人走了 ! 已不能處理 ! 法理上你不是住户! 你可無需理會!

網友回覆

  • 好彩唔係屎渠

    閱讀更多
  • 漏水情況真的很誇張!有大埔廣福邨居民於網上發文訴苦,指家中廁所室內喉管出現嚴重滲漏問題。她兩度向房屋署反映問題,署方卻只3次派員入屋拍下情況,未有即時處理。帖文引起熱議,並引起當區區議員注意及提供協助,最終於發文5小時後房署便派員上門完成維修。

    gbdcjKyErHO3HXuMUueQVhA_ajcmoEtbTDTmOkw05jo.jpeg

    該名居民於昨日(11日)下午2時在fb群組「大埔 TAI PO」發文貼出照片,只見接駁在廁所天花板的U型隔氣彎管位置嚴重漏水,如同水舞間般,幸好滲漏的水較清澈,而非糞水,但已十分影響日常生活。

    居民自嘲道,「我家打卡位,緣份一到聖水來臨」,指出情況已持續了一段時間,「撞正樓上用水要快閃」。她無奈地說,「我心好亂」、「其實都唔知道點解可以咁,刺激」、「定係去樓上夾時間用廁所」。

    xyz5Tkc_X2FciczivB1-pzCSShzU45vo97XMVfe1zFU (2) (1).jpeg

    她表示,其實喉管已是第二次出現問題,上次只是滴水,去年亦已更換過喉管1次,沒料到最近突然變淋水。她指出,曾兩度向房屋署反映問題,署方卻只3度派員入屋拍下情況,未有即時處理,而家中長者又不肯讓她找坊間的維修師傅上門。

    樓主自嘲漏水位置為打卡位,「我家打卡位,緣份一到聖水來臨」,指出情況已持續了一段時間,「撞正樓上用水要快閃」。(資料圖片)

    帖文隨即引起熱議,近千網民按讚或留表情,並有200多個留言,有網民嘩然,「嘩,呢啲仲要等?冇得即整㗎?」,有人猜測「應該樓上有搵嘢通過,通甩咗呢個位,但都係通唔到先漏得咁勁」、「塞咗最多都係U渠滴水,上面浸水,佢咁樣噴法應該係上面通渠,隊甩咗個U隔」,有人笑言「有冇用個口接住啲聖水,或者留番畀房署用」、「欣賞樓主幽默感」、「可以慳返水費,樓上自來水拎返嚟用」。

    有網民建議,「漏到咁,直接封咗佢,樓上會好快搵你合作處理」。有人則提醒,「唔建議自己拆,仲要幫樓上清埋頭髮廚餘各種惡心嘢」、「租的話一定等房署搞,你自己郁過,日後有乜事房署都唔再包,玩自己」、「你打去房署嗰啲維修冇用,直接打去房署主任同佢講,佢哋先會真係安排維修上嚟幫你搞, 同埋你漏水嗰條應該係污水喉,樓上沖涼水、洗手盆啲污水乜都流晒落你嗰個單位,好易有菌好唔衛生!」。

    帖文成功引起當區區議員注意及留言提供協助,直到昨日傍晚6時,樓主更新帖文指出,「感謝大家幫手推post,房署剛約我7點處理!感謝大家!」,並於7時許再更新道「已完成維修」。

    閱讀更多
  • 香港房屋委員會昨宣布,在今年1月至6月期間,公屋租戶如有短暫經濟困難未能及時繳交租金,可向房委會申請暫緩發出遷出通知書。若申請獲批,房委會將在這段期間暫緩向該些租戶發出有關通知書。租戶可聯絡所屬屋邨辦事處或中轉房屋辦事處,以了解安排的詳情。

    shutterstock_1454852261 21.jpg

    此外,房委會一直透過租金援助計劃協助有短暫經濟困難的公屋租戶。在這計劃下,合資格的申請人可獲減免一半或四分之一租金,為期兩年。當租援受助人的家庭收入有所改善,或家庭人數有變動時,須主動通知房委會,以作資格覆核。房委會亦會抽樣調查,以防止濫用。

    疫情下,為幫助有經濟困難的租戶度過困境,房委會已於2020年5月至10月採取臨時措施,暫緩向成功申請的租戶發出遷出通知書。其後房委會將這項措施先後五度延長至去年12月。鑑於疫情對本港經濟的影響持續,房委會決定再度延長有關措施至今年6月,為期半年。

    閱讀更多
  • P

    @JoJoLam 開荒牛,除了住,甚麼都沒有?54區公私樓同時發展,居住人口將會暴增,希望政府能關注,陸續開辦社區中心會堂,體育館,學校
    區內開辦重點政府設施,將會吸引更多外來人遷入

    閱讀更多
  • 新屋邨總是配套不足/__\

    閱讀更多
  • 有找主任上訴嗎

    閱讀更多
  • @Marcuschoi 见主任不是核实现在半年的入息资料就OK?怎么还会问返五年前的散工.长工问题的?

    閱讀更多
  • M

    我爸媽申請咗公屋已經5年今日終於見主任。但問題出咗黎。
    報薪表上有提及幾時入職。但當時我爸不太很定程況下答2015年入職。 但經主任檢查後發現喺2017年申請時注明做(散工)。但現時報薪才發現係(長工)。主任稱這是虛報。於是我叫爸打去公司問清楚到底幾時入職。其後得出答案係5年前(2018年)。但最後見完主任爸返工司時最後得知真係2015年已經入職。 但當初報散工原因因我爸的確以為份工屬於長散工。冇返工冇錢計時薪。我爸每月先6千幾薪金。2015年入職更加少完全都冇心虛報。 到底而家我應該點做。求助

    閱讀更多
  • P

    環顧區內欣田,菁田,和田,寶田4條屋邨居民都不少,卻欠缺一間郵政局方便該區居民?
    菁田在中間位置,適合開辦郵政局🙏

    閱讀更多
  • 住公屋就唔好讀咁貴架playgroup 啦。呢啲貴playground 係為咗入名牌幼稚園,到時啲學費又負擔到嗎?

    閱讀更多
  • 供得到0K嘅,不過公屋真係幫你慳好多,唔係的話可以月月清。

    閱讀更多
  • cut埋唔係必要嘅興趣班,再買部好少少嘅電腦訓練佢寫吓code,第時仲搵到錢,加上學校而家STEM學科好多都有資助唔使錢。

    閱讀更多
  • 講真大個畀多啲錢佢補習/學嘢仲好,細個啲play group除咗為入學同湊仔有咩用?

    閱讀更多
  • 少少建議,小朋友唔一定需要join,等多年就K1,小朋友咁細個就要佢學咁多嘢,追趕嘅壓力都唔少。喺香港真係好黐線,咁細個就已經填鴨咁灌,當然小朋友同大人都應付到就冇問題啦。

    閱讀更多
  • 點都平過出去食先,樓主屋企既然有人煮開,肯帶飯一定慳好多,係睇吓肯唔肯返工食多餐一樣嘅飯餸。

    閱讀更多
Copyright © 2022 u8hk.com. All Rights Reserved.