@香港公屋 估計佢想要啟德新樓,要新樓請她等多一兩年或想快就派澤安邨比她
房署故意刁難我!小朋友測驗確診過度活躍症想公屋申請人數+1
-
我小朋友在下葵湧兒童體能智力測驗中心見咗醫生做咗評估確診過度活躍症,醫生講明份評估報告就係確診信直接交比房署就得,但房署話唔係公立醫院精神科醫生信唔接受,要下葵湧醫生獨立寫一封確診信,但醫生再三講明報告就係。
如果房署要信就叫房署寫信去下葵湧申請醫生先會獨立寫封信,下葵湧姑娘話其他人一直都係咁交上去就得,話房署職員故意為難我。因為我小朋友未夠6歲依家5歲7個月,要6歲至可以到公立醫院見醫生,但我哋已經見咗主任半年,可能隨時派樓(希望),我依家可以點做?小朋友有過度活躍症已經好煩,點解房署仲要故意刁難...
網友點睇?
- 房署只承認公立醫院醫生信
- 公立醫院有講明6歲以上先可以睇醫生?
- 我當時私家的報告都接受⋯⋯直接交去樂富就行了
- 一定要政府精神科醫生開嘅信,評估紙唔計。
- 其實私家診所精神科信都接受 唔一定要公院 樓主可以考慮吓 智力中心信房署係唔接受
- 依我所知幼稚園前個啲叫疑似adhd。。真正確診一定要六歲先叫確診而房署要收既係精神科醫生確診信,人地冇難為你,事實真係禁
- 下葵涌診所係歸衛生署管,唔會出確診信,房署淨係接受醫管局(即係公立醫院)嗰封,你只可以等去到兒童及青少年精神科嗰陣要求醫生寫出俾你,無其他方法
- 你係邊間醫院跟進?你可以試吓問吓嗰邊有冇兒童發展行為科,都一樣可以睇adhd ,但條隊會快啲。我小朋友當時喺瑪嘉烈複診係咁。
- 乜你覺得診所d職員會清楚得過房署d人要乜信?總之ban 你就係房署人唔岩!坊間話乜乜乜就係最正確,成日話聽邊個講話得其實好多都係九up 或已經過時既資訊
- 係要係兒童及青少年精神科,見咗醫生先至可以叫嗰個醫生寫確診信,但係就唔一定要6歲,因為我小朋友都係五歲嘅時候就可以寫
- 正常你去完下葵涌佢都會轉介你去公立醫院架喎,同埋封信一定要寫「diagnosis of Hyperactivity Disorder 」因為之前醫生寫「have attention Deficity hyperactivity ADHD syndrome on assessment 」都唔得,我之前疫情都由k3等到3年班先見到醫生
精選網友回應:
房署啱嘅,同埋未滿六歲,測驗中心冇可能敢確診你小朋友為過度活躍症,評估係姑娘就可以做到,而確診一定要有牌精神科醫生先有資格去做到,點解我清楚?我女係沙田尤德醫院一路做評估兩年評估自閉譜系症,咩都加快進度比我地了…未滿六歲佢話不可確診為任何呢啲症,剛𨍭左去排精神科醫生睇…. 不過我一直住公屋所以冇衝突,只想做好一切對佢成長有利事情….
網友最新回應:
您可能會有興趣:
Copyright © 2022 u8hk.com. All Rights Reserved.