首次註冊 u8hk.com 成為會員需透過Google登入,成功登入後可以設定用戶名及密碼。

G137排了快7年被房署DQ🥲取消資格


  • 2022年1月17收到信話因我2015年申請時虛報資料,故意隐瞞過去6個月平均收入。當我收到信我係一頭問號🥲

    我同先生2015年4月申請,當時我係兼職百佳員工先生是全職百佳員工🥲冇任何保險,冇任何房屋車輛同投資🥲隔幾個月便收到藍卡安心排隊中。21年11月見主任審查。今年1月13號收到主任電話叫我上去寫份聲明書。上去後主任同我講話我2015年資料有誤,話我算係虛報,見我初犯,口頭警告。
    寫完份聲明書就冇問題啦。當我一頭霧水,以為自己當年係咪填寫錯d野,又以為主任係幫緊我。就心急急又驚耽誤個進度。就主任講咩我就寫咩。當時內容大意就係寫我在2015年誤將百佳這份工當作散工報左上去。🥲點知17號就收到信話我虛報

    呢兩日我瞓唔好食唔好 又喊左好多次🥲個腦海係咁回憶究竟發生咩事。先生同我一齊分析成件事。懷疑當初收表職員疏忽以為我是散工🥲而見主任時主任有提及到2015年的工作。

    我如實同佢講當年都係做緊百佳兼職,所以主任以為我當年係報散工先叫我寫聲明書?

    現時諗緊成件事是不是誤會。我同先生都做百佳呢個大公司。根本冇可能亦冇必要去隐瞞自己既收入!先生已打電話上訴🥲我地仲吾係好明我地隐瞞左咩我整理左幾條可能性。想問下大家我上訴機會高吾高?有三個可能...

    1. 成件事係誤會,15年收表職員疏忽以為我係散工。現在發現我一直係百佳工作。故話我虛報,證明就是我傻99未搞清楚情況就照主任話寫左份聲明書

    2. 2015年申請時資料冇交齊+職員以為我是散工🥲但呢個我有諗過,如果當年資料冇交齊又點會收到藍卡仲排左咁多年

    3. 係房屋發現當年既疏忽,現時將錯就錯。哄騙我寫下聲明書。推返個責任畀我🥲我唔知會唔會有咁既可能性。但我想爆頭都想不出到底邊度出了問題

    🙏🏻求大家幫下我。等左快7年以為終於等到。黑暗中的一道光瞬間熄滅。我依家好迷茫。吾知點算好😭


  • 你當時交表,有冇留底,我以前申請就影低左,我覺得好奇怪,你以前做野,同依家做野,2公婆人工有冇爆數先,如果冇 點解話你虛報 。


  • 你明明就係兼職點解會寫散工 。散工係未出日薪,如果你係兼職 你有糧單 未同主任交代番,你條數冇爆未得


  • 應該咁講,正常S1都未到應該冇可能話你虛報


  • 想問下係咪2015到依家都返咁同一份工?


  • 你們是幾人申請?可能你爆額,以前報過稅的話房署會查到你們的收入,房署話你虛報的是收入,不是散工的問題


  • 一定要上訴,試吓搵區議員傾,睇吓幫唔幫到你,解釋返當年呢個原因不是虛報。


  • 我同你情況差唔多,解釋完之後以為佢幫緊你,其實唔係咯,不過我去1823佢話我提供假資料,我都一頭霧水,而家等緊回覆,我都好驚DQ左無得上訴啊


  • 訪客 在 G137排了快7年被房署DQ🥲取消資格 中說:

    你當時交表,有冇留底,我以前申請就影低左,我覺得好奇怪,你以前做野,同依家做野,2公婆人工有冇爆數先,如果冇 點解話你虛報 。

    問題係2015年到現在佢地係百佳工作,關係在當時報兼職 or 散工,如果2016年到審查前無做野,佢地應該唔會睇,只計總收入。


  • 排左咁多年先比佢搵到位入我地,可憐兩個老人家😭


  • 兼職同散工唔同,佢地的確會當你虛報,而審查會比機會你改,問你確認當時係咩,然後要你搵雇主寫返當時既薪金證明。如果呢次改都錯我就唔知啦。


  • 訪客 在 G137排了快7年被房署DQ🥲取消資格 中說:

    想問下係咪2015到依家都返咁同一份工?

    聽樓主咁講應該現在都係做緊百佳份工。


  • 訪客 在 G137排了快7年被房署DQ🥲取消資格 中說:

    我同你情況差唔多,解釋完之後以為佢幫緊你,其實唔係咯,不過我去1823佢話我提供假資料,我都一頭霧水,而家等緊回覆,我都好驚DQ左無得上訴啊

    你係咩情況哦,可以詳細講嗎


  • 之前有幾個都因為仲做同一份工出事,正常主任唔會睇返之前既資料,加上佢都唔會一睇就睇到!應該係同依架份工有關先會check返申請時既資料!


  • 我2021年11月尾見主任審查,之前因為收入超額凍結過一次,到無超額再申請恢復啦,點知交齊資料後呢,打返比我話有野要我去解釋,關於2015年某親友的緩助,隔左咁耐我真係唔記得,好啦,去到個主任話我瞞報,話我填聲明書嘅日期我已經有工作,因為我當時一開始入紙係無工作,話我瞞報呢樣野,跟住我解釋左啦,點知上星期網上check 話我申請已被取消,琴日打去1823回覆話我提供假資料,我真係唔知做錯咩事,可能佢唔接受我的解釋,所以直接DQ左,真係唔知仲有無得恢復啊😭,而家等緊個主任睇下有無回復,我估都要過年後啦,而家佢地又WFH


  • 訪客 在 G137排了快7年被房署DQ🥲取消資格 中說:

    你當時交表,有冇留底,我以前申請就影低左,我覺得好奇怪,你以前做野,同依家做野,2公婆人工有冇爆數先,如果冇 點解話你虛報 。

    我申請時托緊BB就生。當時係申請二人先。我冇留到底😭😭簿仔都換左新冇留之前😭我已向公司索取當年6個月收入證明。15年我好細個又有左bb在百佳返兼職一個都係5~6千。先生當時好似係1萬2左右。當時申請我有交糧單同簿仔記錄😭我都吾明出左咩問題😭目前一家四口等公屋


  • 呢樣野你真係可以同佢解釋,因為你申請時真係無工作,同埋咩叫某親友的緩助,其實唔係好明白。


  • 訪客 在 G137排了快7年被房署DQ🥲取消資格 中說:

    想問下係咪2015到依家都返咁同一份工?

    我申請到現時都係在百佳做兼職,先生已轉工多年。目前一家四口😭


  • 13號簽的散工申明就好大問題吧


  • 訪客 在 G137排了快7年被房署DQ🥲取消資格 中說:

    你明明就係兼職點解會寫散工 。散工係未出日薪,如果你係兼職 你有糧單 未同主任交代番,你條數冇爆未得

    當然我冇寫過自己係散工😭也有交糧單同簿仔記錄。散工需另外填一份表格證明。我好肯定自己並沒有填過散工表😭

網友回覆

  • 李家超政綱提出公屋提前上樓計劃,如果政策落實,有房委會委員認為,目前未全面落成的屋邨都可以率先安排居民入伙,但長遠仍要改變先建屋後配套的規劃方式。

    大埔富蝶邨分三期興建,一期只有一座樓600多個單位,去年已入伙。二期8座樓7,000多個單位,已興建得七七八八,但整條邨配套設施貧乏。富蝶邨一期居民何小姐表示:「一定不方便,現時只得一間士多,還要不是二十四小時,最少要有餐廳用膳,現時這裡還未有餐廳。」富蝶邨一期居民王先生說:「上班時間較困難,要預早15分鐘,要行去大埔墟。」

    行政長官選舉候選人李家超提出,讓公屋輪候者提前入住一些已建成一至兩棟、但未有基建配套的新屋邨,以縮短一年上樓時間。身兼房委會委員的立法會議員梁文廣指,富蝶邨二期原預計在12月編配,明年3月入伙,可試行提早入住。

    房屋委員會委員梁文廣稱:「附近有一些屋邨可提供生活必須設施,富蝶邨附近有富亨邨。另一方面,它的地理環境,其實外面的行人通道,要上去富蝶邨第二期都方便容易。揀選一兩幢樓可以做好檢查、勘察,然後發入伙紙,讓其優先新入伙。目前我估計可以快三個月。」

    現時富蝶邨只有早上兩班小巴提供服務,居民日常出入需要前往鄰近的富亨巴士總站,現在記者走過去看看需要多少時間。記者用了約5分鐘來到富亨總站,但這裡只有大埔區內及前往尖沙咀的巴士線,換言之,若居民要去其他地區,最少需轉多一程車。對於富亨邨居民來說,將多了一批居民同他們共用設施。

    李家超倡公屋提前上樓 有房委會委員指長遠需改變先建屋後配套規劃

    https://news.tvb.com/local/626fb2e4e774fff83ff13d70/李家超倡公屋提前上樓-有房委會委員指長遠需改變先建屋後配套規劃

    富亨邨居民郭先生說:「不敢想像,日後上班可能要預多半小時排隊等車。街市又越來越沒東西賣,像老邨般,但新屋邨又快落成,越來越多人、越來越差。」

    富亨邨居民許先生表示:「遲些那裡又八座樓,這裡又八座樓,加起來最少上萬人,大埔中心都負荷不了那麼多屋苑,何況這裡一條邨。」大部分公屋規劃都是先入伙,再陸續加入配套設施。前年入伙的火炭駿洋邨,最初搬入來的居民亦指不太方便。駿洋邨居民詹先生稱:「甚麼都沒有,相隔半年左右才有。要住無辦法,難道住劏房,有公屋住已很好。」駿洋邨居民吳太則表示:「新地方落成,一定要捱一段日子才會方便。」梁文廣建議,未來建屋與配套設施應同步興建。

    閱讀更多
  • 嘩~你就好啦,我未派,我都想要皇后山呀🥺

    閱讀更多
  • 收到信😎
    皇澄樓 中低層 望北
    2206241430e00ab8cc827607f8.jpeg

    新2原U0268-> G1426-1427
    2022/1/20見主任 2022/3收合格信 2022/6/23 S4

    閱讀更多
  • 華明邨舊樓好多單位比皇后大10幾個平方。。

    閱讀更多
  • 5人派井字39.8都嫌細,都唔明點解新樓得嗰36都搶住要

    閱讀更多
  • 但係新樓4-5人單位全部都咁上下大細喎

    閱讀更多
  • 親身拒絕皇后山
    不是做皇后的命,今天已親身拒絕皇后山。今日同老爺、奶奶一齊去皇后山睇樓, 喺粉嶺站搭78A入去, 沿途風光明媚,好似小學生去郊遊咁
    皇溢樓超高層, 景觀好+空氣清新,仲贈送TGC超薄煤氣熱水爐,加2年免費WIFI…… 可惜,五個大人真係住唔落!! 所以決定留番俾一啲鍾意皇后山邨的朋友仔

    G139xxxx 新界5人 (天倫樂)
    G1385xxx~G1386xxx
    Nov /2021 S1
    20 Dec 見房協主任 • Feb 2022 收合格信 ☆
    May 2022 S2️⃣ ◇ Jun 2022 S4️⃣
    首派皇溢《拒絕》

    閱讀更多
  • 最近半年收入除以6

    閱讀更多
  • 請問寫個入息係寫最近個個月入息,定係6個月入息平均分?我有5個月唔超,最近個月超左DD都唔比我過........? 主任話唔係計6個月平均分......只計最近個期糧.....,係咪咁?......😢 😢

    閱讀更多
  • 不過我唔租啦。

    閱讀更多
  • @yuet-man-lo 會,最好報埋。

    閱讀更多
  • 房署會唔會查到我無申報其他入息?

    閱讀更多
  • thx。

    閱讀更多
  • 又唔係資產,收入又係現金,唔洗啦!

    閱讀更多
  • 請問如果有間格鋪,需要申報公入息嗎?

    閱讀更多
Copyright © 2022 u8hk.com. All Rights Reserved.