首次註冊 u8hk.com 成為會員需透過Google登入,成功登入後可以設定用戶名及密碼。

G137排了快7年被房署DQ🥲取消資格


  • 2022年1月17收到信話因我2015年申請時虛報資料,故意隐瞞過去6個月平均收入。當我收到信我係一頭問號🥲

    我同先生2015年4月申請,當時我係兼職百佳員工先生是全職百佳員工🥲冇任何保險,冇任何房屋車輛同投資🥲隔幾個月便收到藍卡安心排隊中。21年11月見主任審查。今年1月13號收到主任電話叫我上去寫份聲明書。上去後主任同我講話我2015年資料有誤,話我算係虛報,見我初犯,口頭警告。
    寫完份聲明書就冇問題啦。當我一頭霧水,以為自己當年係咪填寫錯d野,又以為主任係幫緊我。就心急急又驚耽誤個進度。就主任講咩我就寫咩。當時內容大意就係寫我在2015年誤將百佳這份工當作散工報左上去。🥲點知17號就收到信話我虛報

    呢兩日我瞓唔好食唔好 又喊左好多次🥲個腦海係咁回憶究竟發生咩事。先生同我一齊分析成件事。懷疑當初收表職員疏忽以為我是散工🥲而見主任時主任有提及到2015年的工作。

    我如實同佢講當年都係做緊百佳兼職,所以主任以為我當年係報散工先叫我寫聲明書?

    現時諗緊成件事是不是誤會。我同先生都做百佳呢個大公司。根本冇可能亦冇必要去隐瞞自己既收入!先生已打電話上訴🥲我地仲吾係好明我地隐瞞左咩我整理左幾條可能性。想問下大家我上訴機會高吾高?有三個可能...

    1. 成件事係誤會,15年收表職員疏忽以為我係散工。現在發現我一直係百佳工作。故話我虛報,證明就是我傻99未搞清楚情況就照主任話寫左份聲明書

    2. 2015年申請時資料冇交齊+職員以為我是散工🥲但呢個我有諗過,如果當年資料冇交齊又點會收到藍卡仲排左咁多年

    3. 係房屋發現當年既疏忽,現時將錯就錯。哄騙我寫下聲明書。推返個責任畀我🥲我唔知會唔會有咁既可能性。但我想爆頭都想不出到底邊度出了問題

    🙏🏻求大家幫下我。等左快7年以為終於等到。黑暗中的一道光瞬間熄滅。我依家好迷茫。吾知點算好😭


  • 你當時交表,有冇留底,我以前申請就影低左,我覺得好奇怪,你以前做野,同依家做野,2公婆人工有冇爆數先,如果冇 點解話你虛報 。


  • 你明明就係兼職點解會寫散工 。散工係未出日薪,如果你係兼職 你有糧單 未同主任交代番,你條數冇爆未得


  • 應該咁講,正常S1都未到應該冇可能話你虛報


  • 想問下係咪2015到依家都返咁同一份工?


  • 你們是幾人申請?可能你爆額,以前報過稅的話房署會查到你們的收入,房署話你虛報的是收入,不是散工的問題


  • 一定要上訴,試吓搵區議員傾,睇吓幫唔幫到你,解釋返當年呢個原因不是虛報。


  • 我同你情況差唔多,解釋完之後以為佢幫緊你,其實唔係咯,不過我去1823佢話我提供假資料,我都一頭霧水,而家等緊回覆,我都好驚DQ左無得上訴啊


  • 訪客 在 G137排了快7年被房署DQ🥲取消資格 中說:

    你當時交表,有冇留底,我以前申請就影低左,我覺得好奇怪,你以前做野,同依家做野,2公婆人工有冇爆數先,如果冇 點解話你虛報 。

    問題係2015年到現在佢地係百佳工作,關係在當時報兼職 or 散工,如果2016年到審查前無做野,佢地應該唔會睇,只計總收入。


  • 排左咁多年先比佢搵到位入我地,可憐兩個老人家😭


  • 兼職同散工唔同,佢地的確會當你虛報,而審查會比機會你改,問你確認當時係咩,然後要你搵雇主寫返當時既薪金證明。如果呢次改都錯我就唔知啦。


  • 訪客 在 G137排了快7年被房署DQ🥲取消資格 中說:

    想問下係咪2015到依家都返咁同一份工?

    聽樓主咁講應該現在都係做緊百佳份工。


  • 訪客 在 G137排了快7年被房署DQ🥲取消資格 中說:

    我同你情況差唔多,解釋完之後以為佢幫緊你,其實唔係咯,不過我去1823佢話我提供假資料,我都一頭霧水,而家等緊回覆,我都好驚DQ左無得上訴啊

    你係咩情況哦,可以詳細講嗎


  • 之前有幾個都因為仲做同一份工出事,正常主任唔會睇返之前既資料,加上佢都唔會一睇就睇到!應該係同依架份工有關先會check返申請時既資料!


  • 我2021年11月尾見主任審查,之前因為收入超額凍結過一次,到無超額再申請恢復啦,點知交齊資料後呢,打返比我話有野要我去解釋,關於2015年某親友的緩助,隔左咁耐我真係唔記得,好啦,去到個主任話我瞞報,話我填聲明書嘅日期我已經有工作,因為我當時一開始入紙係無工作,話我瞞報呢樣野,跟住我解釋左啦,點知上星期網上check 話我申請已被取消,琴日打去1823回覆話我提供假資料,我真係唔知做錯咩事,可能佢唔接受我的解釋,所以直接DQ左,真係唔知仲有無得恢復啊😭,而家等緊個主任睇下有無回復,我估都要過年後啦,而家佢地又WFH


  • 訪客 在 G137排了快7年被房署DQ🥲取消資格 中說:

    你當時交表,有冇留底,我以前申請就影低左,我覺得好奇怪,你以前做野,同依家做野,2公婆人工有冇爆數先,如果冇 點解話你虛報 。

    我申請時托緊BB就生。當時係申請二人先。我冇留到底😭😭簿仔都換左新冇留之前😭我已向公司索取當年6個月收入證明。15年我好細個又有左bb在百佳返兼職一個都係5~6千。先生當時好似係1萬2左右。當時申請我有交糧單同簿仔記錄😭我都吾明出左咩問題😭目前一家四口等公屋


  • 呢樣野你真係可以同佢解釋,因為你申請時真係無工作,同埋咩叫某親友的緩助,其實唔係好明白。


  • 訪客 在 G137排了快7年被房署DQ🥲取消資格 中說:

    想問下係咪2015到依家都返咁同一份工?

    我申請到現時都係在百佳做兼職,先生已轉工多年。目前一家四口😭


  • 13號簽的散工申明就好大問題吧


  • 訪客 在 G137排了快7年被房署DQ🥲取消資格 中說:

    你明明就係兼職點解會寫散工 。散工係未出日薪,如果你係兼職 你有糧單 未同主任交代番,你條數冇爆未得

    當然我冇寫過自己係散工😭也有交糧單同簿仔記錄。散工需另外填一份表格證明。我好肯定自己並沒有填過散工表😭

網友回覆

  • 2023新一年開始,不少基層市民都許下願望,盼可以盡快上公屋。房屋局局長何永賢今日(24日)於社交網站撰文,指早前探望了多名居住不適切居所的基層市民,均表示希望可盡快上公屋或到簡約公屋居住,以改善家庭經濟及居住環境。何更乘機推廣其簡約公屋,認為簡約公屋與一般工程撥款不同,暗示不應用工程造價去判斷簡約公屋的價值。

    適逢新年,何永賢表示不少早前曾與不少基層市民接觸,大部分在說起生活苦況時均眼泛淚光,最大的新年願望便是有個安身之所,可以與家人享受家庭生活。而她亦隨即大推簡約公屋,形容簡約公屋「不是一般的工程撥款」,而是可以改善每個家庭生命軌迹的工程。

    農曆新年過後,立法會工務小組委員會即將於本月30日開展參觀活動,以了解簡約公屋的示範單位。簡約公屋由去年《施政報告》提出至今,僅公布了其中4塊地的選址,仍有兩塊選址尚未公布,其造價每個單位需約90萬港元,比一般公屋單位更貴而為人詬病;又因暫時公布的選址均位於新界、遠離港九市區,被質疑影響市民入住的吸引力,首批約1,000個單位最快於2024/25年落成。

    閱讀更多
  • 如果真係自問一世人先有一次拎屋機會,唔想又浪費10年時問,屋企人辭職轉工係最好選擇。

    閱讀更多
  • 以我以前所知超咗係可以半年上訴嘅,不過係以前,而家有冇得改就唔知。

    閱讀更多
  • 我朋友入息超咗唔係好多,「重賽」,等半年再見主任再報過入息。

    閱讀更多
  • 暫停半年係而家審查你入息超咗停半年; 重新計係你當時申請時入息已經超咗就要重新嚟過。

    閱讀更多
  • 第一次超就界半年時間你,半年後仲係超,連資格都要取消,你索性捱佳半年停工,見完主任先再返工仲穩陣。保險我有同事冇報,佢好好彩冇查,博唔博得過你自己諗,見主任你畀晒佢,佢會幫你寫,到時再報就得。

    閱讀更多
  • 以我所知冇得暫停,如果入息過咗係即out。想生多個加到4人,要懷孕夠4個月有醫生證明先計數。

    閱讀更多
  • 保險問題,如果唔超報番0K,超咗當時申請資格就一定唔得。加名問題,暫停可加名,但3同4人隊唔同,半年之後冇得審查,要排4人隊應該有排,重新嚟就梗係加得名。

    閱讀更多
  • 我懷孕啱啱好夠16周,見主任我就畀張懷孕證明佢,佢會畀張加未出世嬰兒你簽。

    閱讀更多
  • 我見啲人講超咗半年後可再審查,但懷孕加名要夠16周(好似),然後加咗名條隊又可能唔同咗,你不如去問埋主任

    閱讀更多
  • 保險有儲蓄成分要申報,我之前漏報,見主任時耍補番同找證明(要搵番申請公屋時同期的保單),簽番張「衰仔紙」話漏申報,如果再有就取淌資格。同埋我有3人轉4人(因超額),條隊一定會排耐咗,所以有啲人會照排番3人。

    閱讀更多
  • 申請公屋家庭入息超額點算好?一名港媽發文指一家3口申請公屋,卻因家庭入息超額且漏報保險,預料會失敗收場,但已計劃「重賽」,並希望再生一個改排「4人隊」。

    一名女網民上周一(16日)在網上討論區「親子王國」中發帖,表示一家3口正申請公屋,即將會見房屋署主任,但因家庭入息超出限額,而且漏報保險,預料會被取消資格,需要重新輪候,但她形容已有心理準備「重賽」,

    「因之前曾經向房署申報番,以前有份保險漏了申報,會否被取消資格?已有心理準備將要暫停和重賽。」

    要避免入息超額,其中一個方法便是「增加人數」,事主明言本身已打算生多一個小朋友,並問道「如到時重賽又剛好懷孕有醫生紙」,可否加名排4人單位。

    網民:辭職轉工+有醫生證明先計數

    不少網民看到帖文後,指申請人如入息超出限額,房署主任會給予期限,如在期限內「砌好條數」就能繼續輪候;有人認為上樓機會難得,建議事主考慮辭職或轉工,務求令入息不會超額。至於加名問題,有網民表示要在懷孕16周後出示證明文件,但比起3人家庭,「4人隊」輪候時間可能較長,建議她向房署主任問清楚,不過事主表示,擔心對方認為她「有預謀」而直接取消資格。

    房委會:6個月後至2年內可恢復申請

    根據房委會資料,公屋申請若因家庭收入/資產超額被取消,日後如因家庭狀況有所改變,或入息/資產有所調整而再次符合申請資格,房屋署可考慮恢復其申請,但必須在首次申請被取消後6個月至2年內提出,否則不予考慮。

    如再次超額如何處理?

    如在恢復申請後入息/資產仍然超額,則必須在該次被拒絕恢復申請的日期後6個月及該申請首次被取消的2年內,才可再次提出要求。要注意的是,不論在任何情況下,若在該申請首次被取消的2年時限後才提出,將不會獲得考慮,申請人必須重新遞交申請表輪候公屋。

    另一方面,如果申請人對公屋申請被拒絕或被取消資格有任何異議,可於有關通知信日期起計2個月內提出「上訴」。

    增加家庭成員規限

    申請人可透過表格更改已登記公屋申請的資料,包括增加家庭成員,如屬懷孕滿16周,需遞交註冊醫生簽發列明預產日期的證明文件副本。如屬重新申請公屋,如申請內任何成員已懷孕滿16周或以上,該名未出生嬰兒可作1名家庭成員計算,並需遞交註冊醫生簽發的預產期證明書副本,顯示在簽發日期或之前已懷孕滿16周或以上;嬰兒出生後,申請者須盡早通知房屋署更新資料。

    閱讀更多
  • 內地新移民媽媽於「小紅書」以「香港申請公屋,等了6年現在加名還是繼續等?」為題發文,猶豫是要等兩老取得公屋再「加名」申請擠逼戶調遷,還是現在「加名」。

    2fc30a33-769f-4f1e-8da8-547ec738d82f-image.png

    輪候公屋多年,突然要「加人」怕單位不夠用,究竟如何抉擇?有新移民媽媽於內地社交網站「小紅書」發文表示,其65歲的老爺奶奶正申請市區2人單位,她與丈夫連同2名小孩,一家四口日後打算與兩老同住方便照顧,但又怕2人單位太逼不夠用,猶豫現時應讓兩老繼續以2人單位等市區派屋再「加名」,還是先「加名」再轉排較大單位。帖文引來網民熱議,紛紛獻上「攻略」,建議她待老爺奶奶獲派公屋再「加名」,可更快獲得大單位。

    該新移民媽媽於「小紅書」以「香港申請公屋,等了6年現在加名還是繼續等?」為題發文,指她一家四口均為非永久居民,而65歲的老爺奶奶已輪候公屋單位逾6年,原本在新界已到配房階段,但因兩老想轉回市區居住,於是繼續以2人單位申請身份排隊。

    該新移民媽媽指出,她與丈夫及兩名孩子打算以後與兩老同住,方便照顧,但又怕2人單位太細不夠用,猶豫是要等兩老取得公屋後再「加名」申請擠逼戶調遷,還是現在直接「加名」,「如果現在加名的話,由於一家四口都不是永居(永久居民),只有2老人是永居,2永居拖2非永居,只能加我和老公名字,不能再加2個娃(2個娃其中一個還要等一年才有單程證)」。

    她形容自己的情況較為複雜,「聽講派房那時需要過半人數永久,如果加小孩名字,就要等老公3年多後換永久才夠過半人數。再者,加了名,從2人隊伍換4人隊伍還要排隊更久,所以好糾結」,遂求問其他網民,「真心很煩惱,求助大家幫幫忙看看?萬分感謝」。

    952ed18b-7e73-4c6b-b89a-90a540944d87-image.png

    帖文引來大批網民提供攻略,主要都建議新移民媽媽先等兩老獲派公屋單位再「加名」,認為可更快上樓及調到更大單位,「加名,因為剛拿了公屋,新住戶不知道要多少年後加名才能換大屋」、「先拿了房,兩人單位,然後申請加名,等過半數永居申請擠逼戶調遷,6人住2人單位應該會是第一天選房,大戶可以任選了,時間短」、「最好先拿到公屋,然後去加名!到時一邊抽居屋一邊排擠逼戶,你哋6人住2人單位排擠逼戶,排名一定靠前,這樣比較快上到樓」、「既然你老爺奶奶都開始派屋了,就別考慮別的了,先拿了房子先。有個居所定下來先,也是好事啊!」。

    根據房委會公屋擠逼戶政策,凡「家庭人數總和不超過9人」及「居住密度平均每人少於7平方米室內樓面面積」的公屋租戶均可申請,(資料圖片)

    根據房委會公屋擠逼戶政策,提供位於市區、擴展市區、離島及新界的公屋單位給符合資格的公屋租戶申請調遷,凡「家庭人數總和不超過9人」及「居住密度平均每人少於7平方米室內樓面面積」的公屋租戶均可申請,而申請者家庭人數包括現時租約上的認可家庭成員。

    另外,如個別認可家庭成員符合下述特殊情況且申請時能提交有效的醫療證明文件,在計算居住密度及家庭人數時均可作一位額外家庭成員計算:

    已經懷孕十六個星期或以上 為非短暫性需要於室內倚靠輪椅活動人士 為四肢癱瘓人士 為須長期於家中洗腎人士 為患有過度活躍症人士

    閱讀更多
  • 當然計啦,就連海外收入都計,除非check你唔到囉。

    閱讀更多
  • 应该包括在内一起计算的!

    閱讀更多
Copyright © 2022 u8hk.com. All Rights Reserved.