東張西望近日接連報導喪妻76歲老翁何伯，與年紀相差逾30載的新何太忘年戀。

房屋署署長羅淑佩在電台節目中表示，在調查相關個案，證實何伯並非公屋戶。

何太揚言無任歡迎房署調查

對於被網民質疑違反公屋租戶條例，何太就指何伯只是暫住她的公屋單位，並激動表示：「你哋個何伯冇喺度長住，憑乜嘢加名，正確嚟講係法律唔容許，明唔明白呀？」她又指無任歡迎房署調查她是否擁有其他物業，她霸氣表示：「你真係搞笑，我都話行得正企得正，我合規合法，佢憑咩收呀，佢要有理據先收得返！」

何太曾在抖音與老公何伯齊齊開直播交代亡妻的首飾遺物分配一事。（直播截圖）

考慮「公屋加埋何伯個名」?

至於有網民向何太提問會否考慮「公屋加埋何伯個名」，她表示：「唔通過嚟一兩日都要加名？符唔符合先呀？嗰個房屋署，唔喺度長住佢畀唔畀你加名呀？真係搞笑。」被問到會否擔心公屋被收回，何太就自言寧願在內地居住生活，她說：「有一個人叫我返大陸，講真，而家不知幾多明星都返內地發展呀，佢知冇？而家大陸好差咩，吓？大陸係絕對嘅好，你哋畀機會我走返大陸發展仲好添呀，我仲多謝你哋添呀！」

最近何太不時會在抖音直播重提何伯的細女將他的450萬養老金全數提走一事，並與何伯異口同聲表示申請法援。（直播截圖）

大呻香港公屋咁窄

講到過往的辛酸史，何太透露曾與前夫住過劏房，她憶述：「嗰陣時我啱啱落嚟香港，住嗰啲劏房，我真係焗到我唞唔到氣，好逼好窄，我真係好驚呀！呢度係捱㗎咋。喺香港，呢度公屋又係，咁窄，邊個願住呀？如果唔係有困難，經濟唔穩定，邊個想住先？」她又指明白排公屋的困難，更激動地回答網民：「咁唔怪得你哋心理唔平衡啦，見我排嗰6、7年就攞到公屋，所以就唔抵得人啦，好多人都係你呢啲人呀，比你仲乜嘢嘅思想都有啦，睇到間公屋好似條命咁，屈就住吓咋，我有條件使住呢啲公屋咁窄？」