首次註冊 u8hk.com 成為會員需透過Google登入,成功登入後可以設定用戶名及密碼。

如果公屋審查超額...只好生多個


  • 我估計自己號碼在2023年審查,目前很憂愁,先生公司福利好,全家免費看私家醫院。如果未來超額,會生多個,可是目前經濟不允許,自己身子底子不好,生了1個,由懷孕到現在都感到吃力,照顧孩子1年365天都沒假放,即使生病也得執勤。

    唉,母親多麼偉大,多麼神聖的職業。
    我想起照顧嬰兒夜晚沒得睡覺,白天也是。
    有點抑鬱,再生,我的路在哪裡?

    為了上樓,再博多個,別人說挨下挨下就過去。


  • 2個有個伴,我都系2個,我支持你生


  • 好矛盾,為左唔過額而生多個,咁是為生而生?定為過額而生呢?如果從懷孕到現在都感到吃力,加上後話見你仲提及未見前路,是否應該考慮清楚?如果為過額而生就一定唔支持,對小朋友都唔公平。我自己本身都有小朋友,係好辛苦既!但無計,生得佢就不能埋怨。食得咸魚低得喝,就算無路都要搵出路,呢個叫責任。


  • 如果為咗唔超額生小朋友,冇必要。自己身體唔好,就算你有屋住,日後你都有排挨,湊兩個心力交瘁。


  • 真系要兩夫妻想要多個小朋友先好生,養一個小朋友負擔都唔輕,而且責任重大


  • 咁既環境生多個,好不負責任啊。如果係我就寧願叫公司減人工都唔生多個。睇你寧願減人工捱1-2年上樓,定為咗上樓捱多18年。


  • 你未生已經咁多擔憂,更加唔應該生,免得搞到累鬥累,你又辛苦,對細b又唔公平,不如諗清楚份工點搞好d


  • 唔會因為上樓生多個囉。
    養多一個用好多好多錢,小數怕長計

    養一個小朋友、你預養十幾廿年
    生幾多就乘幾啦

    為咗唔超額,生多個,條數係蝕

    除非你本人想生多個又另計。為唔超額就好無謂


  • 就算全世界啲人都支持你都好都係你自己生,自己養,別人意見可以略過,自己要清楚自己做緊咩,就得啦,自己選擇嘅自己受,要明白自己人生係你自己的規劃,好嘅壞嘅都係你當事人自己面對,以後就萬事都會有個好心態🤣


  • 做母親的確犧牲好大。但bb係上天錫嘅,有時唔係話想要就要到。仲要陪伴小朋友長大,條路比間公屋漫長。
    如因審查,何不試試叫先生放下大假先呢?問題用辦法來解決,而不是制造1個問題解決前1個問題吧?
    純個人意見。為母則強,加油!


  • 最重要係你地兩公婆點諗,如果大家都鐘意小朋友想生多個,咁又可以配合到入息就積極調理身體再生,如果只是單方面為佐間屋咁就冇必要。首先自己身體唔好,其次經濟負擔重,對小朋友也唔公平。我也是一位媽媽,其中辛酸好明白


  • 仲要係小朋友好就好。好似我湊一個ADHD真係半死狀態。真係唔敢再生。
    比個大單位比我,我都唔會生。


  • 以前的年代個個家庭最少生2個,而自己生了一個都感到很辛苦,平時已經照顧說辛苦,沒私人時間休息,加上生病了更加苦,是自己挨不到苦,比不上以前年代挨得苦的人。


  • 今日你得一個細路都覺得辛苦,生多個就更辛苦。而且,生一個意味著你將來只需準備一間屋畀細路結婚,生兩個就意味你要準備兩間屋


  • 你之前咪講過緊捱貴租買餸都冇錢,冇錢你仲諗住生?


  • 唔好講到自己咁偉大
    你都係為咗私利先想生 而且唔好諗住大咗會養番你轉頭
    宜家呢個年代唔幫你敗家都偷笑


  • 以前天生天養,而家冇呢支歌仔唱。
    以前做小販,什至普通打公仔勤力啲、慳啲都買到樓,而家冇可能


  • 三人超額幾多?有無諗過博下申請居屋?

    有時吾係想像中太差,如果早排申請山麗苑都係五千幾元一呎,有時要退一步去想,公屋吾一定係終極目標,七年太多變化。

    正如我朋友,兩個同一間公司,一齊排公屋:

    1. 一個就想盡辦法要合乎資格申請公屋,七年等到了,一個一家四囗成功申請到公屋,但一樣愁。
    2. 另一個就順其自然,一家三口,月入四萬,買左樓,請埋工人。

    0413-00176-021b2.jpg


  • 你自己都識咁講啦,咁仲要生?!你之前嘅帖講到食飯都就快成問題咁,而家又為咗間公屋生多個,你都幾不負責任!小朋友唔係你兩公婆生活道具啊,你係唔係有D本末倒置呢!你不如管下你老公叫佢唔好咁大洗仲好啦!


  • 樓主
    多謝作對谷友的信任。
    你的抑鬱, 亦隨著生活壓力而增加。
    既然先生公司有醫療福利
    可以去看看情緒科
    及早見見, 對你及家人都好的。
    人是會病的
    腦袋都是一個器官
    都會有病, 都要吃葯。
    之後 再作決定。
    家人的支持是重要的
    自己亦要把握治療機會。

    精神健康-情緒困擾-抑鬱症-20200113113755_3b4c_large.png

網友回覆

  • 12月1日今日10點45分係房署地下等入去。佢地每節放人入去既。我係11點15分既。之前可以係大堂睇power point video,睇揀選單位既資訊。

    22120116149eb053b95a6db5a1.jpg 221201125714f8cd7d45f1394d.jpg

    之後夠鐘就放人入去坐。然後就睇單位剩返d咩單位。已經被人選擇左既單位會用紅筆即時刪去。剩低既可以選擇填落張表到。填幾多個號碼都可以既。只是填單位既號碼。不用填全個單位既地址。

    221201161453eaf3e32ac33641.jpg

    之後就登記入去跟編號排隊選擇單位。不分男女既,係按編號入去選擇單位。同時會有幾個層員帶入選樓區。佢會同你逐個睇有無剩,同解釋清楚有咩結構問題。

    之後就出去另一個房等簽文件。再由保安帶出去另一區坐。等入電腦同俾資產審查既文件同約日期時間做審查。

    之後就走人啦~
    今日仲剩下2。3間慈正邨獨廁長者屋。
    1間雲漢獨立廁所長者屋。

    希望明天會有人選到啦~

    閱讀更多
  • 富蝶起晒都話要23年中先派
    屯門個度起得幾層 預24年中至尾啦
    不嬲有遲冇早

    閱讀更多
  • 屯門29區 、 業旺路

    閱讀更多
  • 睇資料,好似仲有3個地方起緊。良景附近都有。大家有資料嗎?謝謝

    閱讀更多
  • 官字兩個口,開出期票信不信由你!立法會就《施政報告》經過一連3日辯論,最終在無人反對下通過今屆政府首份《施政報告》致謝動議,亦是立法會連續第3年通過動議。房屋問題備受關注,當局回應指,10年內劣質劏房會走向末路,而「簡約公屋」的用地詳情預計明年首季公布,同時又強調有信心未來10年提供3,280公頃熟地。不過,有劏房團體則對當局說法有所保留,擔心「簡約公屋」選址偏遠、配套不足等,未有足夠誘因讓市民選擇居住,劏房租務市場則仍會存在。

    55224_06.jpg

    房屋局局長何永賢表示,政府關心劏房問題,當局在全力興建傳統公屋之外,也會興建約3萬個「簡約公屋」單位,同時繼續推展興建中約兩萬個「過渡性房屋」單位。她相信多管齊下,會改變「劏房」租務市場的生態,相信10年內環境惡劣而又收取高昂租金的劣質劏房,將不能生存。

    擬6幅地建簡約公屋

    何永賢表示,正考慮在6幅土地興建「簡約公屋」,預計明年首季可公布詳情,政府會主動招聘營運機構,不一定是非牟利機構,可以是有經驗的管理機構,或者由兩者共同合作。對於政府將公布「公屋綜合輪候時間指數」,即合併計算傳統公屋及簡約公屋的輪候時間,被指是混淆視聽,玩弄數字,何對此表示否認,強調當局會公開透明地公布兩組數字。

    至於發展局局長甯漢豪則提到,有信心達到未來10年「熟地」供應3,280公頃的目標,政府要奪回土地供應主導權,不代表不需要私人市場力量,發展商在土地開發上有一定角色,重要的是審批條件始終由政府釐定,大型土地發展項目亦會由政府主導。

    她又反駁「公私營合作」是利益輸送,指政府着眼點是項目對社會有益處、以及是否按規矩進行等,政府要做到公開及公平,將「高效市場」和「有為政府」結合起來。

    至於綠化地發展,她則指善用綠化地不一定是大規模建屋,例如南大嶼1,000多公頃的綠化地,相信部分可用作支持生態旅遊和文化旅遊。對於涉及將軍澳137區發展的近岸填海引起地區關注,甯漢豪表示,政府還未完成研究,年底完成後會進行公眾諮詢,當局已備悉居民意見。

    憂簡約公屋欠吸引力

    陳解釋,若參照過往的「過渡性房屋」項目,用地選址往往落在偏遠地區,如新界等,認為若「簡約公屋」同樣選址偏遠,甚或欠缺足夠配套設施,相信未必有足夠誘因予市民搬至,「因街坊大多關注地區選址、配套等問題,特別是交通設施,望能方便上班工作」。他續指,街坊均期望能有永久居所,惟簡約公屋目前只有5年的過渡期,憂慮若市民入住後卻終不能如期「上樓」,建議當局可彈性調整居住期,「直至能上樓為止」。

    關注劏房團體表質疑

    全港關注劏房平台成員陳偉雄則指,劏房環境一向惡劣,且衞生狀況欠佳,人均面積又過小,故取締劏房是首要目標。不過對於當局稱,相信可透過興建「過渡性房屋」、「簡約公屋」等多管齊下措施,在未來10年改變劏房租務市場生態的說法有所保留,因有關「簡約公屋」的選址、配套細節等,至今卻未有進一步披露,認為一日未有足夠誘因讓市民選擇居住,一日劏房租務市場仍會存在。

    閱讀更多
  • 據政府當局表示,提供公營房屋是幫助基層市民最有效的扶貧措施之一。立法會改革扶貧政策和策略小組委員會今日(15日)舉行會議,房屋局局長何永賢表示,為增加及加快公營房屋的供應,上月剛發表的施政報告已提及將推出全新的「簡約公屋」,於未來5年興建約3萬個單位。有議員引述過往的過渡性房屋項目興建量,每年只有5,500個單位落成,質疑「簡約公屋」能否如期興建。

    議員江玉歡說,按發展方向,未來5年將興建約3萬個「簡約公屋」,意味每年至少需有6,000個單位落成,惟根據過往的過渡性房屋項目,每年亦只有5,500個單位落成計算,質疑局方為何有把握能於每年落成6,000個單位。何永賢回覆稱,「簡約公屋」將沿用「組裝合成建築法」,加上配合專設且具豐富建築經驗的建築署專隊,相信可大幅度增效壓縮以往需經由非牟利機構一方所處理的繁複手續時間。而稍後將向立法會申請撥款,期後會以平衡方法推行工程。

    江玉歡另關注「簡約公屋」選址及營運模式。何永賢稱,選址上正物色6幅土地,至於地的大少、高度上,由於每幅用地興建高度不同,譬如有部分不用打樁,則可快點落成,可興建3層高;如可打樁,更可興建10層高,甚或設有升降機。營運上,簡約公屋租金將與公屋掛勾,約新落成公屋的9折,政府會以招標型式選取營運機構。

    議員林振昇則表示關注「公屋提前上樓計劃」或因屋苑配套的不齊備,致市民缺乏誘因搬至;同時亦表明了解「告別劏房」不是能在短時間完成,惟仍建議政府可於短時間內,在區內提供社區設施,包括進修中心等,減少兒童擠迫劏房時間,改善生活質素。何永賢稱,明白交通配套的重要性,將緊密與運輸署持續商持,而其他生活配套等設施,亦會相繼落成,相信只是時間問題;至於劏房的社區設施亦會與相關部門反映。

    閱讀更多
  • F

    @BOBOBO 無錯 謝謝

    閱讀更多
  • 新界又快租金又平,何必執着呢?

    閱讀更多
  • F

    @ho-kim 多謝 就係驚排死 請問若果轉完大約等幾耐見主任? 謝謝你

    閱讀更多
  • H

    @faifaifai 起碼排多5年擴市,轉新界啦

    閱讀更多
  • F

    大家好 希望就排公屋一事可請教 希望可以比點意見 小弟與太太兩人申請擴展市由2019 年1月申請 而家仲有4萬先到(G 143XXXX) 眼見擴展市區落成量底 加上起最多都係東涌( 不太想派東涌馬鞍山) 實在唔知要等多幾耐 而睇過新界條隊已超過左我而家既號碼 請問我如果轉過去 照理時否可以快D上到樓呢 因為現時2人 收入$19000 左右 呢幾個月剛好轉而份工係唔過呢個數 但而家屋租連水電都差不多$9000 好難生活 所以希望趁此諗緊轉唔轉隊過新界 多謝各位

    閱讀更多
  • 視乎有冇涉及虛/漏/瞞 報成份

    如有, 被查出很大可能會被DQ
    甚至被檢控

    至於你講的六至廿四個月以書面提出恢復申請只 for 因收入及/或資產超額而被取消申請之個案
    https://www.housingauthority.gov.hk/tc/common/pdf/global-elements/forms/flat-application/HD10.pdf

    閱讀更多
  • 如題,上網睇都係第一次審查見主任個陣超入息可以等半年後申請上訴,咁S2又可唔可以呢?還是會直接DQ?

    閱讀更多
  • 其實關於呢個問題我都好唔清楚我由二零零三年八月開始排一人非長者公屋 記到現在2002年嘅10月份為止 佢計我總分係284分我好好奇呢份係點樣計出嚟 我排咗19年 有冇人識計分可以幫我分析下 因為按照佢哋嘅指引 每等候多一個月就加一分咁即係19×12大家話啱啱先 呢度已經係228分 加埋19年 嘅年紀增長每一年咪話改咗9分咁即係19×9=171兩個加埋 超過咗284分囉 除非佢計錯數計我每年加三分咁即係19×3=57再加埋啱啱嗰228分就等於我而家 嘅分數啦 我係咪應該上房屋署搵佢哋理論呢?🤔😧😓

    閱讀更多
  • 獲派公屋,惟距離子女學校甚遠,作為家長不免陷於兩難。一名港媽發文訴說輪候公屋8年,二派市區的順天邨,惟因子女學校位於葵涌,為方便子女上學,欲轉區博最後一派,然而做法令網民批評浪費資源。

    一名女網民上周六(29日)在Facebook群組發帖,表示一家人輪候公屋8年,獲首派黃大仙區彩雲(二)邨。她坦言想接受該次配房,但家人前去視察環境時「行得辛苦」,形容「屋企人對膝頭行唔到斜路,當日已經行到痛」,只得拒絕配房。

    事主指第二次編配為觀塘區順天邨天瑤樓一個中層單位,月租2,040元。惟她指現正就讀中一的子女,就讀葵涌邨的學校,她卻找不到有車直接往返順天邨和學校,可能要「駁車」,故猶豫應否申請轉區,

    「諗住佢入到市區學校嘛,我係咪應該申請轉區穩陣啲?各位畀啲意見&為我哋一家祈禱好嗎?喊出嚟,我都係諗住博。我都唔知轉咗會唔會快,主要睇嗰區有冇起新樓。」

    網民:博第3次 VS 轉校仲好

    不少網民看到帖文後,指很多人都渴望抽到市區公屋,批評事主不懂感恩、浪費社會資源。有網民則建議她博第3派,亦有人建議她考慮為子女轉校。事主則指,曾物色順天邨附近學校,亦已向學校「叩門」卻不成功,加上孩子頗喜歡新學校,令她陷於兩難,但坦言不介意派到舊樓,「我唔嫌舊呀,最開心派舊嘅畀我,間隔好過新樓,係小朋友返學真係難搞,惟有叫個小朋友努力啲。」

    公屋分布全港4個地區

    據房委會資料,現時公屋分布在全港4個地區,包括市區(包括港島及九龍)、擴展市區(包括東涌、沙田、馬鞍山、將軍澳、荃灣、葵涌及青衣)、新界(包括屯門、元朗、天水圍、上水、粉嶺及大埔)和離島(不包括東涌)。

    由於市區公屋資源緊絀,新登記的公屋申請者只可從其餘3個非市區的地區選擇其一,作為將來編配公屋的地區。不過,合資格申請「高齡單身人士」、「共享頤年」或「天倫樂」優先配屋計劃並選擇與年長家庭成員居於同一單位的人士,則可選擇以上任何一區。

    因應市區公屋供應情況,房委會現容許登記日期(或相應登記日期)為2015年9月30日或之前的公屋申請者,即申請編號在G1379101/U0402269或之前的申請者,如仍持有有效申請,可選擇更改公屋選區為「市區」(包括港島及九龍)。

    閱讀更多
Copyright © 2022 u8hk.com. All Rights Reserved.