如果重新排過係咪都係要等7.8年？有冇師兄師姐試過？

網友點睇？

• 三派如果地方大都可以接受，但二派五人得3xx尺好難接受哦
• 新樓5人都係380尺咁上下… 舊樓單位先會大啲啲 可惜樓主又不接受舊樓 ..
• 其實你係咪無住屋需要?揀唔岩咪重新排過
• 有時候係睇自己心態，好似我咁第一派兇宅（唔計一次）第二派東涌（直接拒絕），第三派60年樓齡（接受）因為唔知下次派什麼地方，什麼單位，最緊要唔使再捱貴租，已排9年，有得住好過冇得住！
• 預算住幾十年嘅，係出面再租多幾年樓換大啲單位都好。
• 有啲2個人派150尺你有三百幾呎仲想點？你唔係諗住一人一間房呀嘛？不嬲都係要同房瞓㗎啦、自己諗掂佢、咁腌尖去買私樓
• 當六千文一個月租。一年糸七萬二。用排九年計糸六十四萬。依家公屋計三千文租。計下十年自己慳咗幾多錢
• 新樓4-5人單位，都係350尺左右咋。
• 住左先之後咪買居屋囉，好過出面租樓咁。
• D人真攪笑，緊係叫老公買私樓有幾大買幾大
• 有得踎咪算囉！咁多要求做乜呀？十間公屋九間都死過人，唔通唔要咩！命苦係咁㗎啦！
• 重新申請過啦 7～9 年後又派三次又唔岩心水 又重新排過啦
• 啲酸人回應真係賤格到不堪，只希望佢哋他日派到的畀樓主更差
• 其實5人基本上新樓都無咁大單位，就算俾你新既就不如舊樓，因為舊樓單位一定大過新樓兼容易間房，而且井型係最好間房，我以前4人住井型都不知幾好住，現在2人住新型房屋想間2房都好難間

精選留言

• 講真，租公屋啫～又唔係送比你……同自己講：「我住10年咋！10年後我一定搬㗎！！」咁你咪接受到囉～其實舊樓交通＆配套唔差既你唔係打算住到死又有咩好怕喎？？

• 呢個係以前ge心態 唔係講樓主 宜家多咗後生當咗係私人物業 不但打算住到老仲打算比子女繼承
  你個想法係好理想 我都認同
  但住得舒舒服服就無動力奮鬥
  租住公屋有限期（eg 5年，10年）先幫到更多人最需要幫助的真弱勢
  公屋係比人抖氣ge地方 應該係比人機會休息
  但偏偏d人當係終點