這是第一次審查爆時公司開嘅薪金証明，上訴時主任睇都唔睇！依家第二次房署又系咁隻手遮天計爆我！呢半年我最多一個月入息2萬左右，其它月份都系1萬8和1萬9！各位大大我依家可以點做呢？睇嚟唔通我只可以辭工唔做啦嗎？本人一家三口，得我做嘢！每個月都有事請假的！

網友點睇？

• 係你公司問題，又話固定，但係上邊月份又唔固定
• 你已經爆左兩次，會被取消資格，已經冇得上訴，唯有重新申請，除非你公司開多張你唔係固定就有機
• 又一個比佢陰到，其實知道上次陰你唔度，佢就唔睇，佢知道今次陰到你咪睇囉，鬼叫你嗰個月咁鬼勤力咩。係我就遲到早退叫佢係人工減咗佢，先出糧比我。
• 如果你仲係做緊呢間公司的話，呢張野係多餘既垃圾，房署只會收HD527，要公司出信證明之前果張HD527寫錯，寫過張更正既HD527先得，之前果張剔非固定底薪就已經過關，係寫果個玩九你
• 月薪工放幾多日無薪假都冇用，會用月薪去計，我就係咁爆咗$258蚊要重賽，所以我同公司講轉時薪工，個個月搵$15000（2人）算數，情願慳啲洗，上咗樓先再講
• 同樣的事情，我都好無奈
• 好多人第一次爆、真係辭工吾做嘅、你明知第一次爆都吾好好計下、仲要做番同一公司、咁左爆2次、主任有無講仲可以上訴呀
• 其實每人有3次見主任嘅機會，第一次見唔叫上訴，肥咗之後第二，三次先叫上訴，所以我唔清楚你系咪真係見咗3次主任！
• 我4人家庭都唔敢搵到每年28萬
• 你係唔係計漏做年尾的獎金，花紅等等，嗰啲都要計入去除12個月
• 生多個味解決問題
• 樓主未必係固定底薪，因為上次佢果張嘢上邊底薪不固定，但下邊公司又剔咗佢固定，正常係要搵公司澄清返邊個先啱

精選網友留言：

1. 月薪工房署計你原來底薪再加加減減其他野，得出個數一定唔等於將個大數除開。
2. 另外月薪底薪工唔接受自願放無薪假嘅方式去令收入減少。
3. 曾經有網友話上訴前即刻同公司重新簽合約轉兼職或者減老底，然後交新合約上去證明自己老底少咗或者轉咗兼職。你可以睇下公司可唔可以配合到，既唔減年資，又可以通過審查。

原文：https://www.facebook.com/groups/649256063541218/posts/879519153848240/