一名男網民上周四（21日）在lihkg網上討論區「連登」發文，表示自己曾駕車送一名女友人回家，對方只透露其家附近的居屋名字，但「人人都知佢住屋邨，連邊棟都知」，令事主質疑對方寧願落車走路，也不願被人知道自己住公屋。他憶述：

「試過同佢去買嘢，人哋個Sales（售貨員）話幫佢填VIP資料，問佢住址，佢面有難色唔肯講，個Sales話講邊棟都得㗎啦，所以先知佢住公屋。」

事主形容女方平日對自己會「亂使錢」感到自豪，每次出街都會強調乘坐的士出入，令事主直言「屋邨友真係特別鍾意充大頭嚟掩飾自卑」，並為此問網民意見，

「有時見無謂嘢，我話唔想買，慳番，佢又會話我慳埋啲無謂錢。冇人問佢都要特登提佢出入（坐）的士，心諗我養車一個月等於你半年的士錢都未出聲，屋邨妹係咪覺得自己住屋邨好失禮？」

網民：越冇錢越鍾意充大頭鬼

不少網民看到帖文後，指女方可能基於安全理由才拒絕透露住處地點，但亦有網民指身邊不少居住公屋的女友人也是如此，形容她們喜歡買名牌服飾、到酒店度假，反而住私樓的女友人則比較「低調」，直言「越冇錢越鍾意充大頭鬼」，不過有網民反駁只是個別例子，並認為公屋出身其實無問題，若要力爭上游，個人能力才是最重要。